Qarabag Media
Haqqımızda Əlaqə

Rusiya təyyarəsi vurulandan sonra nazir Bakıya gəlir


Tarix:27-11-2015, 05:19 Kateqoriya:Siyasət

Rusiya təyyarəsi vurulandan sonra nazir Bakıya gəlirQonşu dövlətlərin rəsmi şəxslərinin Azərbaycana səfəri başlayır.

ANS PRESS-in Gürcüstanın Daxili İşlər Nazirliyinin saytına istinadla verdiyi məlumata görə, bu gün Gürcüstanın daxili işlər naziri Georgi Mqebrişvili Bakıya səfərə gəlib.

Gürcü nazir prezident İlham Əliyevlə görüşüb. Görüş zamanı terrorçuluq və mütəşəkkil cinayətkarlığa qarşı mübarizə və digər məsələlər müzakirə olunub.
Türkiyə Xarici İşlər Nazirliyinə istinadla verilən məlumata görə, sabah Türkiyənin xarici işlər naziri Mövlud Çavuşoğlu Azərbaycana gələcək.

Səfər zamanı nazir prezident İlham Əliyev, baş nazir Artur Rasizadə, Milli Məclisin spikeri Oqtay Əsədov və xarici işlər naziri Elmar Məmmədyarovla görüşəcək, əməkdaşlıq məsələləri müzakirə olunacaq.
Nazirlikdən verilən açıqlamada bildirir ki, Mövlud Çavuşoğlu Şimali Kipr Türk Respublikasından sonra Azərbaycana səfər edəcək.

Mövlud Çavuşoğlu Azərbaycana səfəri zamanı xarici işlər naziri Elmar Məmmədyarovla ikitərəfli əlaqələr, Dağlıq Qarabağ münaqişəsi və digər regional, beynəlxalq məsələlər müzakirə ediləcək. Səfər zamanı nazirin prezident İlham Əliyev, Milli Məclisin sədri Oktay Əsədov və baş nazir Artur Rasizadə ilə görüşləri nəzərdə tutulub.
Mövlud Çavuşoğlunun Azərbaycan səfəri Rusiya və Türkiyə arasında gərginliyin pik həddə çatdığı bir dövrdə baş tutur. Hazırda Rusiya əlində olan iqtisadi və siyasi təsir vasitələri ilə Türkiyəni sıxışdırmağa çalışır. Artıq iki ölkə arasında bəzi ixrac – idxal əməliyyatları dayandırılıb. Hətta Rusiya Dövlət Duması qondarma erməni soyqırımını inkar edən şəxslərin cəzalandırılması ilə bağlı qanun layihəsini qəbul etməyə hazırlaşır. İki ölkə arasında həyata keçirilən enerji layihələrinin də taleyi qeyri müəyyən olaraq qalır.

Belə bir məqamda isə Türkiyədə son seçkilərdən sonra qurulan yeni hökümətin etibarlı tərəfdaşa ehtiyacı var. Yaxın keçmişə nəzər saldıqda Türkiyə üçün ən ehtibarlı tərəfdaşın Azərbaycan olduğunu görürük. Türkiyənin Rusiyadan qaz asılılığı var və bu münaqişə enerji təhlükəsizliyinə birbaşa zərbə ola bilər. Belə bir məqamda Türkiyənin regionda həyata keçirilən alternativ enerji layihələrinə marağı artır. Hazırda Azərbaycan TANAP və TAP layihələrini həyata keçirir. Yəqin ki, bundan sonra Türkiyə bu layihələrlə daha çox maraqlanacaq və bunların tez bir zamanda reallaşması üçün bütün gücü ilə çalışacaq.
Həmçinin Rusiya ilə gərginləşən münasibətlərin fonunda Türkiyə Dağlıq Qarabağ münaqişəsinin həllinə daha çox maraq göstərə bilər.

Elə bu dəstək ötən gün Türkiyənin baş naziri Əhməd Davudoğlunun Böyük Millət Məclisində çıxışı zamanı hiss edildi. Əhməd Davudoğlu bildirib ki, Türkiyə Azərbaycanın işğal edilmiş torpaqlarının azad edilməsi üçün əlindən gələni edəcək. "Qardaş Azərbaycan ilə tarixi münasibətlərimizi, Qafqaz geosiyasətinə, hər iki ölkənin marağına uyğun şəkildə davam etdirəcəyik".

Qafqaz və ətraf regionlarda baş verən geosiyasi dəyişikliklər və siyasi çəkişmələr Azərbaycanın önəmini dəfələrlə artırır. Hazırda Azərbaycan həm terrorçuluqla mübarizdə, həm də enerji layihələrinin həyata keçirilməsində region dövlətlərinin önəm verdiyi ölkələrdəndir. Bütün əldə olunan imkanlar Dağlıq Qarabağ münaqişəsinin həllində yeni səhifənin açılmasına səbəb ola bilər.
Karabakhmedia.az










SON XƏBƏRLƏR
Dünyanın ən güclü orduları bəlli oldu - Neçənci yerdəyik?
"Rəsulzadənin tapançası məni xilas etdi..." - Türk zabitin xatirələri - FOTOLAR
Bakıda 19 yerdə məktəb yarmarkaları fəaliyyətə başlayıb - SİYAHI
Qabil Hüseynli: “Rəşadın ayağının biri axtarışların ilk günü tapılmışdı”
İrəvanda etirazlar: Parlament binası mühasirəyə alındı
Şəhid Milli Qəhrəman Fazil Mehdiyevin doğum günüdür - VİDEO
Hirkan Milli Parkının ərazisində yanğın başlayıb - YENİLƏNİB
Rəşad Atakişiyevin nəşi TAPILDI
Milli Qəhrəman İlham Əliyevin anım günüdür
“Vikipediya”da publisist və tədqiqatçı Tofiq Hüseynzadə haqqında üç dildə məqalə yaradılıb
Şoyqudan ABŞ-a “raket mesajı”
Qətərdə asfaltı mavi rəngə boyamağa başlayıblar
Xoy şəhərində “Şəms və Mövlana” Festivalı keçirilir
Məktəblilər bu il yeni forma geyinəcəklər? – AÇIQLAMA
Qaçqınların və Məcburi Köçkünlərin İşləri üzrə Dövlət Komitəsində növbəti kollegiya iclası keçirilib
Sumqayıtda 3 məktəbin bütün şagirdləri tələbə adını qazanıb
Qəzaya uğrayan təyyarəmizin “qara qutusu” tapıldı
Bu gün Bəxtiyar Vahabzadənin doğum günüdür - VİDEO
Azərbaycançılıq ideologiyası haqqında film çəkildi
Gürcüstanın Azərbaycana 7.3 milyon dollar borcu var
"Neftçi"nin baş məşqçisi məğlubiyyətdə özünü günahlandırıb
Sosial internet şəbəkələri saxta “qədim erməni dövlətçiliyi” barədə yalanlarla doludur
Vikimaniya beynəlxalq konfransında ölkəmizi üç vikipediyaçı təmsil edəcək
ABŞ Ermənistanın iki şirkətinə sanksiya tətbiq edib
“Baş nazir dəqiq deyib, nəsə əlavə etməyə ehtiyac yoxdur...” - Mnatsakanyan
Azərbaycan və İran prezidentlərinin telefon danışğındakı pərdəarxası MƏQAMLAR
Təslim olmuş erməni hərbçisi ilə bağlı danışıqlar aparılır
Tehran metrosunda hicabına riayət etməyən qadınlara qarşı təzyiqlər şiddətləndirilir
Qəzaya uğramış təyyarəmiz parça-parça olub
Aqil ABBAS: "Qurban Qurbanov, səninləyik!"