Qarabag Media
Haqqımızda Əlaqə

“Nardaran işi” üzrə məhkəmə istintaqı başa çatıb


Tarix:24-12-2016, 08:00 Kateqoriya:Manşet / Hüquq

“Nardaran işi” üzrə məhkəmə istintaqı başa çatıb
Bakı Ağır Cinayətlər Məhkəməsində Taleh Bağırov, Fuad Qəhrəmanlı və digərlərinin cinayət işi üzrə məhkəmə prosesi fasilədən sonra davam etdirilib.
Hakim Əlövsət Abbasovun sədrliyi ilə keçirilən prosesdə vəkillər növbəti dəfə təqsirləndirilən şəxslərin iclasda iştiraklarının təmin edilmələri, sənədlərin tədqiq edilmələri, hadisələr zamanı ölən polislərin hüquqi varislərinin məhkəməyə çağırılmaları, gəlməyəcəkləri halda məcburi gətirilmələri, hər iki polisin meyitinin eksqumasiya olunmaları barədə vəsatət veriblər.


Vəkillər bildiriblər ki, təqsirləndirilən şəxslər soyuq zirzəmidə saxlanılırlar və bu onların səhhətinə pis təsir edir.

Məhkəmə vəsatətləri təmin etməyib.

Daha sonra iclasda təqsirləndirilən şəxslərin hakimə müraciəti oxunub. Onlar soyuq zirzəmidə saxlanılmalarını təzyiq kimi qiymətləndiriblər. Hakim isə bildirib ki, bütün təqsirləndirilən şəxslər eyni şəraitdə saxlanılır və heç bir təzyiq edilmir.

İclasda Şamil Abduləliyevin vəkili Zibeydə Sadıqov müdafiə etdiyi şəxsin anasının yas məclisinə buraxılması barədə vəsatət verib. Məhkəmə vəsatəti təmin etməyib.

Hakim məhkəmə istintaqının yekunlaşması məsələsini müzakirəyə çıxarıb. Vəkillər isə buna etiraz ediblər və təqsirləndirilən şəxslərlə məsləhətləşmək istəyiblər. Məhkəmədə fasilə elan edilib. Fasilədən sonra təqsirləndirilən şəxslər məhkəmə zalına gətirilib. Taleh Bağırov çıxış edərək ona məxsus olduğu deyilən kitabçanın araşdırılmasını istəyib. Bildirib ki, həmin kitabça ona aid deyil. Hakim isə məhkəmə istintaqının başa çatdığını elan edib. Çıxış üçün söz dövlət ittihamçısına verilib. O, çıxışa hazırlaşmaq üçün vaxt istəyib. Buna görə proses dekabrın 26-na təxirə salınıb.

Qeyd edək ki, T. Bağırov Cinayət Məcəlləsinin 120-ci (qəsdən adam öldürmə) maddəsinin 120.2.1, 120.2.3, 120.2.4, 120.2.7, 120.2.12, 29,120-ci (qəsdən adam öldürməyə cəhd) maddəsinin 29, 120. 2.1, 29,120.2.3, 29, 120.2.4, 29,120.2.7, 29, 120. 2. 12, 228.3-cü (qanunsuz olaraq odlu silah əldə etmə), 228.4-cü (qanunsuz olaraq silah gəzdirmə) və digər maddələri ilə ittiham olunur. Ötən il noyabrın 26-da hüquq-mühafizə orqanlarının əməkdaşlarının Bakının Nardaran qəsəbəsində keçirdikləri xüsusi əməliyyat zamanı T. Bağırov da daxil olmaqla 60-dan çox şəxs saxlanılıb. Həmin şəxslərdən bir neçəsinin cinayət işi digərlərindən ayrılaraq Sabunçu rayon Məhkəməsinə göndərilib, barələrində müvafiq hökmlər çıxarılıb.


AXCP sədrinin müavini F. Qəhrəmanlı isə ötən il dekabrın 8-də həbs edilib. O, Cinayət Məcəlləsinin 281-ci (dövlət əleyhinə açıq çağırışlar), 283-cü ( milli, irqi, sosial və ya dini nifrət və düşmənçiliyin salınması) və 220.2-ci (hakimiyyət nümayəndəsinin qanuni tələblərinə fəal şəkildə tabe olmamağa və kütləvi iğtişaşlara, habelə vətəndaşlara qarşı zorakılıq etməyə çağırışlar etmə) maddələri ilə ittiham olunur.(Apa)










SON XƏBƏRLƏR
Paşinyan Putinə “Madrid prinsipləri” səhifəsini bağlamağı təklif edir?
“Türk-İslam dünyasının gələcəyi Türkiyənin apardığı mübarizənin taleyindən asılı olacaq”
Ərdoğan Azərbaycana gəlib
Qırğızıstan Prezidenti Azərbaycana səfərə gəlib
Milli Qəhrəman Samid İmanovun doğum günüdür - VİDEO
Fərid Şəfiyev: “Gövhər ağa” məscidinin Fars mədəniyyət nümunəsi kimi təqdim edilməsi irsimizə qarşı terrordur”
Fərid Şəfiyev: “Gövhər ağa” məscidinin Fars mədəniyyət nümunəsi kimi təqdim edilməsi irsimizə qarşı terrordur”
Əsəd ordusu PKK ilə anlaşdı, şimala doğru hərəkət edir - Türkiyə rəsmən Əsəd ordusunu vuracağını açıqladı
Türkiyə Suriyada 525 terrorçunu zərərsizləşdirdi
"Ən çox oyunçularıma görə üzülürəm" - Nikola Yurçeviç
Makron Türkiyə ilə bağlı Təhlükəsizlik Şurasının iclasını çağırdı
Akademik Vasim Məmmədəliyev vəfat etdi
Arif Hacılı yenidən Müsavat Partiyasının başqanı seçildi
Azər Axşamın həyat yoldaşından Mübariz İbrahimov haqqında NALAYİQ SÖZLƏR — FOTOFAKT
Bu gecə yuxumda Arazı gördüm
Ceyhun Bayramov yeni şöbə müdiri təyin etdi
Azərbaycan Avropa ölkələrinə daha 54 ton fındıq ixrac edəcək
Müsavat Partiyası qurultay keçirir
Bu gün Məmməd Arazın doğum günüdür... - O daş altda Məmməd Araz yaşayır
Sabah layiqli oyun göstərməyə çalışacağıq” - Nikola Yurçeviç
Raquf Orucovun xanımı vəkil oldu
Ərəb Birliyinə Türkiyədən sərt cavab: Bu xəyanətdir
Faşist Njdeyə möhtac qalan erməni - Ermənistanda zəhərlənən yeni nəsil (ŞƏRH)
Bu gün Sovet İttifaqı Qəhrəmanı Gəray Əsədovun anım günüdür
İranın Ali Dini Lideri: "Biz atom bombası istehsal edə bilərik..."
Moskvada baltalanan naxçıvanlı iş adamı öldü
Azərbaycanlı şahmatçı DÜNYA ÇEMPİONU OLDU
Türkiyədən ABŞ-a: "Artıqlaması ilə cavab verəcəyik!"
Nazir yeni baş həkim təyin etdi - ƏMR
Putin Paşinyanla telefonla danışdı