Qarabag Media
Haqqımızda Əlaqə

Ziya Bünyadov cərimə rotasında Qəhrəman adını necə aldı? - FOTO-VİDEO


Tarix:21-12-2016, 20:44 Kateqoriya:Manşet / Araşdırma / Cəmiyyət

Ziya Bünyadov cərimə rotasında Qəhrəman adını necə aldı? -  FOTO-VİDEO

Ziya Bünyadovun hərbçi olmaq istəyi yox yerdən yaranmamışdı.

Sonralar Azərbaycanın görkəmli şərqşünas alimi olacaq Ziya 1923-cü ildə Astarada hərbçi ailəsində dünyaya gəlmişdi.

Onun atası Musa Bünyadov Oktyabr çevrilişindən xeyli əvvəl ataman Lyaxovun rəhbərlik etdiyi kazak diviziyasında hərbi tərcüməçi olmuşdu.

Musa Bünyadov Bibiheybətin nüfuzlu üləmalarının nəslindəndi və bir neçə xarici dil bilirdi. Buna görə Ziya uşaqlıqdan ərəb dilində danışa bilir, Quran oxuyurdu.

Yəqin onilliklər sonra Quranı Azərbaycan dilinə çevirərkən bu da karına gəlmişdi.

Sənədlərə görə, Ziya Bünyadov öz şəcərəsində 13-cü nəsli təmsil edirdi. Şəcərə isə Şeyx Bünyaddan başlanır.

Ziya Bünyadovun tam adı belədir: Şeyx Ziya əd-Din bin Şeyx Musa bin Şeyx Məsum bin Şeyx Mehdi bin Şeyx Mirzə bin Şeyx İsmayıl bin Şeyx Əli Məhəmməd bin Şeyx Məhəmməd Əmin bin Şeyx Əli Əsğər bin Şeyx Məhəmməd Müqim bin Şeyx Əsğər Əli bin Şeyx Qulam Əli bin Şeyx Bünyad əl-Bakuvi.

Ziya Bünyadovun anası Raisa Maksimovna Qusakova Lənkəranda yaşayan (çar dövründə Qafqaza kömürülmüş) ruslardan idi və Azərbaycan dilində sərbəst danışırdı.

Ona görə də ailədəki 6 uşaq həm Azərbaycan, həm də rus dillərini eyni səviyyədə mükəmməl bilirdi.

Orta məktəbi bitirəndən sonra 16 yaşlı Ziya aviasiya məktəbinə daxil olmaq arzusu ilə Bakıya gəlir.

Amma tibbi komissiyadan keçmədiyi üçün sənədlərdə yaşını artırıb (2 yaş) Orconikidze adına Hərbi Piyadalar Məktəbinə daxil olur. 1941-ci ilin mayında həmin məktəbi leytenant rütbəsində əla qiymətlərlə bitirir. Bundan sonra onu Bessarabiyaya hərbi xidmətə göndərirlər - alman-sovet müharibəsi başlananda da o, ilk döyüşə orda girir.
Ziya Bünyadov cərimə rotasında Qəhrəman adını necə aldı? -  FOTO-VİDEO

Qospitalda keçirdiyi müddəti (iki dəfə yaralanıb və 1 dəfə kontuziya alıb) nəzərə almasaq bütün müharibə boyu Ziya Bünyadov ön cəbhədə olub.

Ukrayna, Moldova, Belorus, Polşa, eləcə də Mosdok uğrunda döyüşlərdə iştirak edib.

Onun şücaətlərindən biri də döyuşə-döyüşə mühasirəni yararaq polkun bayrağını xilas etmək, bununla da polkun hərbi şərəfinin alçaldılmasına imkan verməmək olub.

Haqlı olduğunu sübut etmək üçün komandirlə mübahisə etdiyinə görə onu cərimə rotasına salıblar və 1 ilə yaxın orada xidmət edib.

Gənc leytenant rotadakıların hörmətini qazana bilib və tezliklə rota komandiri təyin edilib.
Ziya Bünyadov cərimə rotasında Qəhrəman adını necə aldı? -  FOTO-VİDEO

O zaman cərimə batalyonlarında xidmət edənləri cəbhənin ən ağır döyüşlər gedən hissələrinə göndərirdilər.

Visla-Oder əməliyyatı zamanı kapitan Ziya Bünyadovun cərimə rotası Pilitsa çayı üzərindəki 80 metrlik minalanmış körpünü ələ keçirir və əsas qüvvələr gələnəcən onu bir neçə saat əldə saxlaya bilir. Əsas qüvvələr gələndə 670 döyüşçüdən yalnız 47-si sağ qalmışdı...

Təltif sənədlərində deyilir ki:
Ziya Bünyadov cərimə rotasında Qəhrəman adını necə aldı? -  FOTO-VİDEO

​“1945-ci il yanvarın 14-16-da düşmənin Manquş platsdarmındakı müdafiəsinin yarılmasında iştirak edərkən kapitan Z.M.Bünyadovun 123-cü əlahiddə rotası dəqiq komandanlıq nəticəsində Dombruvki kəndinin cənub tərəfi ilə dəmiryolunu adlayaraq yanvarın 14-də hamıdan birinci Pilitsa çayını keçib və sol sahildə tutduğu mövqeləri 80-ci Qvardiya Diviziyasının əsas hissələrinin gəlişinə qədər saxlayıb. Rota 160 düşmən əsgəri və zabitini məhv edib, 5 ədəd altılüləli minaatan, üç top və çoxlu sayda avtomat, tüfəng, hərbi sursat, ərzaq və başqa qənimət ələ keçirib. Rotanın komandiri Z.M.Bünyadov Sovet İttifaqı Qəhrəmanı adına layiqdir”.

1945-ci il fevralın 27-də Z.Bünyadova Sovet İttifaqı Qəhrəmanı adı verilir.

Cəbhədəki qəhrəmanlıqlarına görə o, Lenin, Qırmız Ulduz, Aleksandr Nevski ordenləri və s. orden və medallarla təltif edilib.

Müharibə başa çatandan sonra Z.Bünyadov 1945-ci ilin mayından 1946-cı ilin mayına qədər Berlinin Pankov rayonunda komendantın köməkçisi olub.

Berlinin bərpasında fəal iştirakına görə, “Artur Bekker” və “Vaffenbruderşaft” medalları ilə təltif edilib.

Məqalə ziyabunyadov.com saytının materialları əsasında hazırlanıb.


Ziya Bünyadov cərimə rotasında Qəhrəman adını necə aldı? -  FOTO-VİDEO

Ziya Bünyadov cərimə rotasında Qəhrəman adını necə aldı? -  FOTO-VİDEO

Karabakhmedia.az










SON XƏBƏRLƏR
Dərbənddə xüsusi əməliyyat zamanı 11 İŞİD tərəfdarı məhv edilib
XI Qızıl Ordunun Azərbaycanı işğal etməsindən 98 il ötür
"Erməni cəmiyəti müharibənin başlanmasından çox narahatdı" — Hərbi ekspert
Məhəmməd Hadinin insan haqqında düşüncələri
“26 Bakı komissarları” barədə tarixi həqiqət
Ermənistanda daha 3 nazir istefa verdi
“Rusiya və Qərb Ermənistanda yeni lider uğrunda mübarizəyə başlayacaqlar”
İlham Əliyev Böyük Britaniyada görüşlər keçirir
Şahbaz Quliyev düşmən əsirliyindən ailəsinə video göndərib
Bakıda yeni metro stansiyası istifadəyə veriləcək
Paşinyan Rusiya səfiri ilə Qarabağı müzakirə etdi
ABŞ-ın bütün təhdidlərinə rəğmən, Rusiya Türkiyənin tələbi üzrə hərəkətə keçdi
Azərbaycan əsilli amerikalı alim: "Düşünürəm ki, Azərbaycanda bu uğurları qazanmaq çox çətin olardı"
Saakaşvili: “Paşinyanın artıq Moskva ilə problemləri var”
Sarkisyan Ermənistanın hakim partiyasının sədrliyindən də istefa verib
Ramiz Mehdiyevə Rusiyanın “Şərəf” ordeni təqdim olunub
Müəllimlərin işə qəbulu qaydaları yenilənəcək
"Yeni hakimiyyətin formalaşması Dağlıq Qarabağ münaqişəsinin həllinə müsbət təsir göstərməyəcək" - POLİTOLOQ
“Rayon camaatı şəhərə gələnə qədər buradakılar quş uçururdu” – Rəşid Mahmudov
Nalbandyan Moskvaya getdi
"Karabakh TV yaratmaq lazımdır..."- Təklif
Gəncədə məcburi köçkünlərin məskunlaşdığı sanatoriyada yanğın olub
Arif Paşa: “Biz həm Dağlıq Qarabağ erməniləri, həm də Ermənistanla savaşırdıq” - MÜSAHİBƏ
Ermənistanda hakim koalisiya dağılıb
İlham Əliyevin Türkiyə səfəri başa çatdı
Yerevana əlavə qüvvə yeridilib, vəziyyət nəzarətdən çıxır
Maşını saxlatdırıb sürücünün qulağını kəsdilər - Lənkəranda olay
Prezident İlham Əliyevin andiçmə mərasimi keçirilib
Paşinyan küçələrdən çəkilməsə Azərbaycan hücum edəcək?
Serj Sarkisyan Ermənistanın baş naziri oldu