Qarabag Media
Haqqımızda Əlaqə

Rəşad Sadıqov: `Bu gün o səhvi düzəltməyə çox cəhd etdik, amma bacarmadıq`


Tarix:9-12-2016, 18:09 Kateqoriya:Manşet / Müsahibə / İdman

Rəşad Sadıqov: `Bu gün o səhvi düzəltməyə çox cəhd etdik, amma bacarmadıq`

"Qarabağ"ın kapitanı Rəşad Sadıqov İtaliya "Fiorentina"sı ilə Avropa Liqasının qrup mərhələsinin son tur matçından sonra brifinq keçirib. Karabakhmedia.az-ın məlumatına görə, 34 yaşlı müdafiəçi əvvəlcə 1:2 hesabı ilə uduzduqları oyun barədə danışıb...

- Belə oyunlardan sonra danışmaq çətindir. Ümumilikdə, uşaqlar əllərindən gələni etdilər. Sonadək vuruşduq, mübarizə apardıq. Təəssüf ki, qapımıza nə gəldisə, qol oldu. Belə oyunlarda bu cür qollar buraxmaq bağışlanmazdır. 60-cı dəqiqədə buraxdığımız qolda rəqibin zərbə vurmasına özümüz şərait yaratdıq. Bunadək "Fiorentina"nın başqa hücumu olmamışdı. Bir qədər sonra bərabərlik qolunu vurduq. Bununla da üstünlük bizim tərəfə keçməli idi. Amma yenə də heç nədən qol buraxdıq. Belə...

- İkinci qol epizodunda top Sizin ayağınıza dəyib meydanı tərk etmişdi?

- Əsla məndən çıxmamışdı. Top ümumiyyətlə, ayağıma dəyməmişdi. Əksinə, Federiko Bernardeski topu düzəltmək istəyirdi. Bu zaman top onun ayağından meydanı tərk etdi. Hakim isə bizim əleyhimizə künc zərbəsini göstərdi. Nə isə... Hakimlik haqda danışmaq istəmirəm.

- İlk qol epizodunda qapıçı İbrahim Şehiç komandasını xilas etməli idi, yoxsa...

- O qolda hər birimizin səhvi var idi. Gərək o zonadan zərbə vurmağa da imkan verməyəydik. Zərbə olubsa belə, qarşısını almaq lazım idi. Hamımız birgə udub-uduzmuşuq. Buraxılan qolda və ya fərqlənə bilmədiyimiz epizodlarda kiminsə adını çəkmək istəmirəm. Bu gün məğlub olduq. Amma digər tərəfdən, bu mövsüm Avroliqada qapımıza nə gəlirdisə, qol olurdu. Əvvəlki turda yadıma gəlmir ki, "Slovan"ın 4-cü qolu da vurmaq imkanı oldu, amma fərqlənə bilmədi. Yaxud elə Çexiya təmsilçisi ilə Bakıdakı görüşdə qapımıza hər iki zərbə qolla nəticələndi. Çempionlar Liqasının III təsnifat mərhələsində "Viktoriya" Bakıda cəmi bir qol imkanı yaratdı, o da qol oldu. Hansı zərbə olursa, qolla nəticələnir. Elə olmur ki, rəqibin imkanı yaransın, amma yararlana bilməsin. Biz də deyək ki, yaratdıqları imkanlardan istifadə etməyi bacarmadılar, əvəzində biz heç nədən qol vurduq. Bilmirəm, bu, qismətdir, yoxsa nəyisə düz etmirik. Nəticə çıxarmaq lazımdır.

- Zədəniz nə yerdədir?

- Hazırda bu haqda çox danışmaq istəmirəm. İli başa vururuq.

- Bir epizodda rəqib futbolçu Matias Veçino ilə mübahisəniz oldu...

- Ürəyimdə bir kəlmə var idi. Bunu ona dedim. Sadəcə, həmin sözü burada açıqlamaq istəmirəm. Təkcə ona yox, 3-4 nəfərə dedim.

- Başa düşdülər?

- Bəli.

- Yəni, xarici dildə dediniz?

- Belə də... Hər halda fikrimi ona çatdırdım.

- 2 il əvvəl Bakıda İtaliya "İnter"i ilə Avroliqanın qrup mərhələsinin son tur matçından sonra "Bəlkə də bu, mərhələ adlamaq üçün son şansım idi" demişdiniz. Bu dəfə də eyni şans ələ düşmüşdü. Növbəti belə imkanın yaranacağına ümidiniz var?

- Həmin vaxt düşünməzdim ki, yenə də son turda belə bir şans olacaq, amma qrupdan çıxa bilməyəcəyik. Amma sonrakı 2 mövsümdə də son turadək şansımızı qoruduq. Yenə də ola bilər, belə şans ələ düşməsin, yaxud da düşsün. Əvvəlcədən dəqiq bir söz demək olmur. Bəlkə gələn mövsüm elə ilk mərhələdəcə uduzacağıq. Futboldur da...

- Mətbuat konfransında da Qurban Qurbanova bu sualı verdik, amma qeyri-müəyyən cavab verdi. Sizdən də soruşum: Bu, Avropa arenasında son oyununuz idi, yoxsa davam edəcəksiniz?

- Qəribə sualdır. Niyə elə qənaətə gəlmisiniz? Açıq şəkildə demək istəyirsiniz ki, Rəşad, niyə getmirsən? Düzü, hələ bu haqda düşünmürük. Sadəcə, müalicə olunmadan oyunlara çıxırdım. Ona görə də zədəmi sağalda bilmirdim. Amma son bir ildə ciddi zədələnməmişdim. Gələn mövsüm barədə bir söz deyə bilmərəm. Bu mövsümü başa vuraq. Millinin də çox vacib matçları var. Bundan sonra baxarıq.

- Tam bərpa olmadan oynadınız. Vəziyyətinizdə dəyişiklik olmayıb?

- Pisləşmə olmadı. Amma bərpa dövrü bitməmiş oynadım. Riskli olsa da, atlatmağı bacardım. Gələcək oyunlara baxacağıq. Kubok matçını çox güman ki, buraxacağam. Bəlkə çempionat qarşılaşmasında meydana çıxdım.

- Avropa Liqasında qrup mərhələsinə 4-cü cəhddən sonra düşdünüz. 4-cü cəhddən sonra qrupdan çıxa biləcəksiniz?

- Nə deyim? Bu il çox yaxşı fürsətimiz var idi. Əslində bizə heç nə lazım deyildi. Bircə o lazım idi ki, "Fiorentina" evdə PAOK-u udsun. Bununla da hər şey bitəcəkdi. Hətta bu gün uduzsaydıq belə, qrupdan çıxırdıq. Amma görürsünüz ki, futboldur. İtaliyada gözlənilməz nəticə oldu. Özümüz isə Çexiyada çox pis oynayıb uduzduq. Bəlkə də gələn il qismətimizə qrupdan çıxmaq düşər. PAOK-un "Fiorentina"ya 90+3-cü dəqiqədə vurduğu qolla bağlı sadəcə bir şeyi diqqətinizə çatdırmaq istəyirəm: Həmin epizodda PAOK-un oyunçusu topu əli ilə qarşısına atır. Bu epizodu dünən "Fiorentina"nın oyununu analiz edərkən görmüşəm. Çox üzücü bir andır. Həmin vaxt hakim qayda pozuntusu qeydə alaraq, "Fiorentina"nın lehinə cərimə zərbəsi təyin etsəydi, oyun da bitəcəkdi. Amma referi gözünün qarşısında olan kobudluğa fit çalmır. Əksinə, PAOK hücumu davam etdirərək, qələbə topunu vurur. Yəni, o qədər belə xırda-xırda elementlər oldu ki, ümumi nəticəyə təsir etdi. Bundan sonra öz oyunumuza baxacağıq. Keçmişlə yaşamaq, hakimləri və ya kimisə danışılmış oyunda qınamaq istəmirəm. Günahı sırf özümüzdə axtarmaq lazımdır. Biz mərhələni "Slovan"la səfər matçında uduzduq. Nəticədə işimizi çox çətinə saldıq. Bu gün o səhvi düzəltməyə çox cəhd etdik, amma bacarmadıq.

- Ardıcıl 3-cü mövsümdür ki, komandanız mərhələni son turda əldən verir. Qrupdan çıxmaq üçün nə çatmır?

- Deməli, ustalığımız hələ o səviyyədə deyil ki, həlledici oyunlarda nəticəni öz xeyrimizə dəyişə, son nöqtəni qoya bilmirik. Amma ümumilikdə əvvəlki iki mövsümlə müqayisədə, qrupda daha çox xal yığmışıq, ilk dəfə iki qələbə qazanmışıq. Təəssüfləndirici məqam odur ki, hər şey həll olunduğu halda, son iki turda hər şey çöndü. Bu dəqiqə çox şeyləri qabartmaq olar.

- Belə ağır oyundan sonra Premyer Liqaya adaptasiya olmaq çətinlik yaratmayacaq?

- Çətin olacaq, amma məcburuq. Çünki həm Çempionlar Liqası, həm də Avropa Liqasına yol buradan keçir. Gələn il də avrokuboklarda çıxış etmək istəyiriksə, mütləq çempionata köklənməliyik. Qarşıda komandamızı Azərbaycan Kubokunda "Sumqayıt"la ağır oyun gözləyir. Sonra isə "İnter"lə çemionat matçına çıxacağıq.

Karabakhmedia.az










SON XƏBƏRLƏR
Azərbaycan Xalq Cümhuriyyətinin 100 yaşı tamam olur
Rəsulzadə Türkiyədən niyə getdi?
CÜMHURİYYƏT QURUCULARI — Məhəmmədhəsən bəy Vəliyev (Baharlı)
"Real" ardıcıl 3-cü dəfə ÇL-in qalibi oldu
Azərbaycan prezidenti: "Biz nəinki regionun, Avrasiyanın enerji xəritəsini yenidən tərtib etmişik"
Rusiya Türkiyəyə 1 milyard dollar təzminat ödəyəcək
Rüstəm İbrahimbəyov üçün filmin sonu...
Cümhuriyyətin maarif və dini etiqad naziri Nurməmməd bəy Şahsuvarov
Paşinyan kütləvi həbslərə başladı
Azərbaycan Xalq Cümhuriyyətinə aparan tarixi hadisələrin xronologiyası
Rəsulzadə və Şəfi bəy Rüstəmbəylinin düşmənçiliyi - TARİX
Bəzi müəllimlərin dərs yükü və əməkhaqqı artacaq
Türkiyədə Azərbaycan Xalq Cümhuriyyətinə dair nadir kitablar nəşr olunub
Türkiyənin müdafiə nazirinin müavini: “Babam bu dünyadan Azərbaycan həsrəti ilə köçdü”
Qanunla qadağan deyil, amma qadağandır: DYP-dən absurd tələb
Azərbaycan Türk fəlsəfəsindən yarpaqlar: MİR MÖHSÜN NƏVVAB
Azərbaycanda doğulmuş erməni Bakıya gəlib
Vətənpərvər və millətsevər Cümhuriyyət xadimi - Məmməd Yusif Cəfərov
Kənd Təsərrüfatı Nazirliyi fermerlərə 10 mln. kredit verəcək
Heydər Əliyev Fondu Parisdə Azərbaycan Xalq Cümhuriyyətinin 100 illiyini təşkil edib - FOTO
Ermənistan Silahlı Qüvvələri Baş Qərargahının rəisi vəzifəsindən azad olundu
Fuad Poladov - 70... - VİDEO
Lider TV-nin filmi Ankarada təqdim olundu — FOTOLAR
Kürdəmir, Kür və Salyan toponimləri — Süleyman peyğəmbər quşların dilini ona görə başa düşürdü ki, ...
“Bu gənc azərbaycanlı Rusiyanın ən varlı varisidir ­- 17 milyard dollar” – Forbes
Laçın koridoru: barıt qoxulu, erməniləşmiş torpaq...- FOTOLAR
Mnatsakanyan: "Həmsədrlərlə razılaşdıq ki, prosesi bərpa edək"
Türkiyəli spiker: Qarabağ bizim milli məsələmizdir
"Naxçıvana təhlükə yaranarsa, rəsmi Ankara prosesə qarışacaq" - QARS MÜQAVİLƏSİNİN ŞƏRTİ
"Paşinyan Qarabağda yeni savaşdan danışmağa başlayıb" - MÜHARİBƏ MÜMKÜNDÜRMÜ ?