Qarabag Media
Haqqımızda Əlaqə

Şərəf, qeyrət, ucalıq zirvəsidir ŞƏHİDLİK!


Tarix:22-11-2016, 03:20 Kateqoriya:Manşet / Qəhrəmanlar / Cəmiyyət

Şərəf, qeyrət, ucalıq zirvəsidir ŞƏHİDLİK!Hamı kimi onun da öz arzuları vardı. Xoşbəxt məktəb illərinin astanasına arzuların qanadında uçub gəlmişdi. Taleyinə nələr yazıldığından xəbərsiz gəncliyin xoş ab-havasında köksündə daşıdığı gizli sevgiylə gələcəyə boylanırdı. Vətənin üstünə çökəcək qara dumandan xəbəri yoxdu. Və bu xoş düşüncələrdə onun heç ağlına da gəlməzdi ki, bir gün şərəfli bir ada sahib olub ən uca zirvədə məkan quracaq.

Söhbət açdığım qəhrəman əslən Ağdaş rayonunun Aşağı Nemətabad kəndində dünyaya göz açan, 1970-ci il təvəllüdlü şəhidimiz Sabir Kamil oğlu Şamilovdu. Məktəb illərinin sonunda imperiyanın süqutu vətənimizdən problemsiz ötmədi. Yurdun ən dilbər guşəsi Qarabağ işğala məruz qaldı. Əsrin dəhşətli faciəsi olan 20 yanvar hadisəsindən sonra Ermənistan SSR-də yaşayan azərbaycanlıların kütləvi surətdə qovulması baş verdi. Azərbaycan hakimiyyət orqanlarının qərarı ilə qaçqınlar Bakı və Sumqayıtda yerləşdirildi. Bu ərəfədə münaqişənin ilk qurbanları: iki Azərbaycan vətəndaşı Əsgəranda öldürüldü. 1991-ci ildə ermənilər Azərbaycan Respublikasının Dağlıq Qarabağ ərazisində qondarma Dağlıq Qarabağ Respublikasının yaradılmasını elan etdilər. "Dağlıq Qarabağ respublikasının özünümüdafiə dəstələri" adı altında 15.000 nəfərdən ibarət qanunsuz silahlı qruplar təşkil olundu. Qarışıqlıq ərəfəsində Rusiya və Qazaxıstan prezidentlərinin vasitəçiliyi ilə Azərbaycan və Ermənistan prezidentlərinin Jeleznovodskda (Rusiya) keçirilən görüşdə münaqişənin sülh yolu ilə həll olunması barədə razılıq əldə edilsə də, erməni silahlı qüvvələri Dağlıq Qarabağın Xocalı və Hadrut rayonlarının azərbaycanlı əhalisinə qarşı kütləvi hücumlara başladı. 30 -a yaxın kənd işğal olunaraq viran edildi və sakinlər öz evlərindən didərgin salındı. Bütün bu hadisələr xalqın qanını oynatdı. hamı meydanlara cəbhələrə axışdı! Vətən darda idi! Vətən oğulları səfərbər olub düşmənə qarşı vuruşurdular. Sabir də döyüş səngərində şücaətlə vuruşurdu. Bu hadisə hamı kimi onun da ruhunu sarmış, bütün arzularının üstündən xətt çəkmişdi. "Öncə Vətən"- şüarıyla qaynar döyüşlərə girmişdi. Çılğın gəncliyin böyük vətən sevgisi şahin əzmində idi. Talanmış yurd fəryadına, işgəncəyə məruz qadınların-körpələrin iniltilərinə ürək tablamırdı. Ağdərə uğrunda qızğın döyüşlərdə idi Sabir. Gözəl xarakteri və qorxmazlığı ilə döyüşçü dostlarının rəğbətini qazanan qəhrəman Çıldıran döyüşlərində də iştirak edir. 1992-ci ildə Laçın uğrunda gedən döyüşlərdə şəhidlik zirvəsinə yüksəlir. Məmləkətin, xalqın qan yaddaşı, qürur yerinə çevrilir!

Şərəf, qeyrət, ucalıq zirvəsidir ŞƏHİDLİK!Canını Vətəninə qurban edən Sabirin qardaşları da könüllülər dəstələrinə yazılmışdılar. Ailədə 3 qardaş, 1 bacı idilər. İngilis yazıçısı Con Smit deyir ki, əgər həyatın sənin üzünə gülümsəməsini istəyirsənsə, qabaqca sən özün həyatın üzünə gülümsə. Sabir də həyatın üzünə gülümsəyərək öz möhtəşəm yerini seçmişdi. Uca məqama sahib olmuşdu! Möhtəşəm, üçrəngli bayrağa bükülmüş əsgər tabutu Aşağı Nemətabad kəndinə yol almışdı. Analar ağlamırdı! Saçlarını yolmurduar! Qürurla göz yaşlarını içlərinə leysan kimi tökürdülər. "Vətən sağ olsun!" -deyən ana, ürəyində Sabir balasına layla çalırdı. Hardasa sevdalı bir qız bəyaz əvəzinə qara paltar geyinirdi. Sevgililərin qulaq kəsildikləri anadillər də susmuşdular. Vətənin bir yanında qan tökülür, bir yanında isə təbiət sükuta bürünmüşdü. Dünyadan dünyaya əsgər köçürdü! Və bu günə qədər də işğaldan azad olmayan qara bəxtli Qarabağımızın göylərində fırlanır narahat ruhları! Vətənə sədaqət andı içən Sabirin də narahat ruhu onların arasındadır! Beləcə, Qarabağ hadisələri dövründə Ağdaş torpağı 181 şəhid verdi.

Şərəf, qeyrət, ucalıq zirvəsidir ŞƏHİDLİK!Müqəddəs “Qurani-Kərim”də deyilir: “Şəhidlərə ölü deməyin, onlar diridirlər və Allahın nemətləri ilə faydalanırlar, ancaq siz bunu bilmirsiniz”. Qeyrət, ucalıq zirvəsidir ŞƏHİDLİK! Vətən uğrunda ölmək böyük şərəfdi. Bu səbəbdən Vətən oğulları qaçmadı silahların qabağından. "Təki Vətən, el var olsun"- deyə səngərlərə atıldılar, yol aldılar şəhidlik zirvəsinə!

Vətənin səsinə səs verən mübarizlərimiz, Sabirlərimiz, əziz xatirəniz həmişə yaddaşımızda yaşayacaq. Çünki qəhrəmanlar ölmürlər, onlar əbədi yaşayırlar! Uğruna can verdiyin Qarabağımızda ruhunla görüşmək ümidilə, rahat uyu, şəhidim!!

Şərafət Şəfa










SON XƏBƏRLƏR
Təhsil Nazirliyinə yeni Aparat rəhbəri təyin edilib
Altayda iki min il yaşı olan qeyri-adi türk mumiyası tapılıb
Elmar Məmmədyarov Belarusa gedib
900 manatdan çox maaş alan müəllimlərin sayı açıqlandı
Hafiz Hacıyevin şortikli kişilər dərdi
Yevlaxda bir tona yaxın narkotik aşkarlandı
Şou ruhu ilə Qarabağ olmaz
Türkiyə seçkilərindən sürpriz gözləməyə dəyərmi?
Azərbaycan yeni hərbi helikopterlər əldə edib - VİDEO
Mahir Abbaszadə Milli Məclisdə seçicilərlə görüşüb – FOTOLAR
Trampı oğlunu oğurlayacaqları ilə hədələdilər
“Laçında “sənölümüz“, “mənölümüz”, “çörək haqqımız” qaldı” — Azər Məmmədov
Quran dilinin statusu haqqında
İbtidai sinif müəllimləri şagirdlərə özgüvən necə yaratmalı? - Gənc müəllim öz metodundan danışdı-VİDEO
Laçınlılar Mübariz Mənsimovun müdafiəsinə qalxdı — FOTO
İŞİD Suriyada əsas istinadgahını itirib
Milli qəhrəman Mübariz İbrahimovun şəhid olduğu gündür
XİN-dən azərbaycanlı əsirlərə işgəncə verən erməni generalın həbsinə MÜNASİBƏT
AHİLİK– ƏXİLİY NƏDİR?! — Unudulmuş bir Türk gələnəyinin bilinməyənləri...
Türkiyə Antarktikada elmi baza yaradacaq
Bu gün tibb işçilərinin peşə bayramı günüdür
Tərtərdə pambıq sahəsində 14 nəfər zəhərləndi
Azərbaycan Türk fəlsəfəsindən yarpaqlar: MIRZƏ ŞƏFİ VAZEH
Əfqanıstanda partlayış nəticəsində 35 nəfər ölüb, 65 yaralanıb
"Bizim ailədə 5 nəfər SSRİ maarif əlaçısı olub" — Şəbnəm Uğurlu
DÇ-2018: Bugünkü oyunlar – CƏDVƏL
Mübariz Mənsimov Eynulla Fətullayevə cavab verdi: “Siz nə yazsanız da, nə etsəniz də, hansı dona girsəniz də…”
Putin Paşinyanı İlham Əliyevlə tanış edib
Azərbaycanın ən görkəmli yerlərində Nadir şahın xatirəsinə abidə ucaldılmalıdı
Azərbaycanda Ramazan bayramı qeyd olunur