Qarabag Media
Haqqımızda Əlaqə

Onun taleyinə zəhmətsevərlik yazıldı


Tarix:8-08-2016, 05:00 Kateqoriya:Manşet / Yazarlar

Onun taleyinə zəhmətsevərlik yazıldıTa keçmişdən bu günə qədər hər bir kəsin ömür yolu, taleyi, alın yazısı, qismətinin əvvəlcədən təyin olunduğuna inanılır. Alın yazısı, tale, qismət deyilən şeylərlə razılaşsaq da, amma məncə insanın taleyi onun öz əlindədir. Bəzən insan onun üçün əvvəlcədən müəyyən edilmiş alın yazısı, qisməti, taleyi ilə razılaşmayıb, onları öz həyat səhifəsinə öz əməlləri ilə cızma-qara edir.

Bu yazımda sizlərə belə insanlardan biri haqqında söz-söhbət açmaq istəyirəm. Zəngin həyat yolu keçərək özündən sonrakı nəsillərə nümunə olacaq bir ömür yaşayan Sabir kişinin taleyinə, qismətinə, alın yazısına diqqət kəsilək.

Sabir Tahir oğlu Cabbarov 1939-cu il 14 dekabr tarixdə Azərbaycan SSR, Laçın rayon, Kürdhacı kənd sovetliyinin Kürdhacı kəndində anadan olmuşdur. 1946-cı ildə Kürdhacı kənd orta ümumtəhsil məktəbinin I sinfinə qəbul olunub. 1956-cı ilin may ayında həmin məktəbin X sinfini müvəffəq qiymətlərlə başa vurmuşdur. Elə həmin ildən etibarən kənddə fəaliyyət göstərən kolxozda ilk əmək fəaliyyətinə başlamışdır. İşlədiyi müddətdə həmişə öndə getməyi, əməyi və zəhmətsevərliyi ilə seçilirdi. Həmin dövrdən onun ömür taleyinə, alın yazısına, qismətinə bir kəlmə söz, əbədi alın yazısı – zəhmətsevərlik yazıldı.

Yaşının az olmasına baxmayaraq el-obada və qohum-əqrəba arasında halal zəhmətlə dolanmağı, doğru-düzgünlüyü, mehribanlığı, qayğıkeşliyi, təvazökarlığı və xoş rəftarı ilə özünə az-çox hörmət qazanmışdı.

1959-cu ilin oktyabr ayının 1-də Sovet Ordusunda qulluq etmək üçün həqiqi hərbi xidmətə çağrılmışdır. 1961-cı il 1 yanvar tarixində həqiqi hərbi xidməti uğurla başa vurub doğma kəndə, Kürdhacıya geri dönür.

Onun taleyinə zəhmətsevərlik yazıldıYenidən kolxozda əmək fəaliyyətini davam etdirməyə başlayır. Babalardan bizə qalan və nəsildən-nəslə ötürülən düzgünlüyü, namusu, qeyrəti, zəhmətsevərliyi özünə deviz seçən Sabir Cabbarov öz tale, qismət və alın yazısını dəyişməyə qərar verir. Bu qərarın onun sonrakı taleyində müstəsna rolu oldu.

1962-ci ilin dekabr ayının əvvəllərində işləmək üçün Bakı şəhərinə yollanır. Beləliklə, dekabrın 18-dən Azərbaycan SSR-i Dəmir Yolunun Biləcəri Buxarlandırma Stansiyasında çilingər kimi işə başlayır. Cavan olması qəlbinin alovu, əməlinin düzgünlüyü, saflığı onu hər kəsdən fərqlənirdi. Elə bu xüsusiyyətlərini nəzərə alan idarə rəhbərliyi bir müddət sonra onu çən vaqonlarının daxildən yuyulması sexində yuyucu-buxarlayıcı vəzifəsinə qəbul edir.

1969-cu ildə Azərbaycan SSR Ali və Orta İxtisas Təhsili Nazirliyinin Bakı Maliyə Kredit Texnikumuna mühasibat uçotu ixtisası üzrə tələbə qəbul olunur. 1 mart 1972-ci ilin mart ayında texnikumu müvəfəq qiymətlərlə oxuyaraq qiyabi təhsili başa vurur.

İşlədiyi müddətdə özünü çox bacarıqlı, savadlı, yaxşı hazırlıqlı işçi kimi göstərdiyi üçün 1973-ci ilin fevralın 22-dən çən vaqonlarının daxildən yuyulması sexində növbə ustası vəzifəsinə irəli çəkilir. Elə həmin ildən ictimai işlərə olan marağı və aktiv fəallığına, işçilər arasında olan nüfuzuna görə idarənin Həmkarlar təşkilatının sədri seçilir.

Başladığı işə məsuliyyət hissi ilə yanaşması, obyektivliyi və ədalətliliyi, prinsipiallığı ilə həmişə öndə olan Sabir Cabbarov rəhbərlik etdiyi briqada ilə birlikdə qazandığı uğurlar sayəsində həmişə ilk cərgələrdə olur. Bu cür insanların əməyi hesabına Biləcəri Yuyucu Buxarlayıcı Stansiyası yüksək bir ada — "kommunist əməyi müəssisəsi" adına sahib olur. Sovet dönəmində kiçik bir kollektiv hesab edilən bu müəssisədə çalışan qabaqcıl insanların əməyi rəhbərlik tərəfindən diqqət mərkəzində saxlanılmış və vaxtaşırı olmaqla yüksək səviyyədə qiymətləndirilmişdir. Sabir Cabbarovda belə işçilər sırasında idi. Yalnız zəhmətsevərlik deyil, böyük-kiçik yerini bilən, əmək adamlarına hörmət, dözümlülük, yoldaşlıq, xeyirxahlıq kimi keyfiyyətləri öz xarakterində cəmləyən Sabir Cabbarovun əməyi müxtəlif vaxtlarda rəhbərlik tərəfindən yüksək səviyyədə qiymətləndirilmişdir.

Onun taleyinə zəhmətsevərlik yazıldıDəmiryol Nazirliyi və Dəmiryol Nəqliyyatı Həmkarlar İttifaqları İşçilərin Mərkəzi Komitəsi tərəfindən 18 dekabr 1973-cü il tarixdə Sosializm yarışının qalibi olduğu üçün “Sosializm Yarışının Qalibi 1973” fəxri döş nişanı ilə təltif edilir.

27 noyabr 1975-ci il tarixdə IX beşillikdə çalışqanlığı və qazandığı uğurlara görə Dəmiryol Nazirliyi və Dəmiryol Nəqliyyatı Həmkarlar İttifaqları İşçilərin Mərkəzi Komitəsi tərəfindən 23 №-li əmrinə əsasən “IX beşilliyin zərbəçisi” döş nişanı ilə qiymətləndirilir.

1978-ci il 20 fevralında yenidən Sosializm yarışının qalib seçilən Sabir Cabbarov “Sosializm Yarışının Qalibi 1977” fəxri döş nişanı ilə bir daha təltif edilir.

2 aprel 1981-ci il tarixdə onun əməyi yüksək səviyyədə qiymətləndirilir. SSRİ Ali Sovetinin Rəyasət Heyətinin qərarına uyğun olaraq SSRİ-nin Qırmızı Əmək Bayrağı ordeni ilə təltif olunur.

Həmkarlar İttifaqının bütün yığıncaq , iclas və tədbirlərində fəal şəkildə fəaliyyət göstərdiyi üçün Həmkarlar İttifaqlarının Ümumittifaq Mərkəzi Şurasının Rəyasət Heyətinin qərarına əsasən 2 iyul 1982-ci il tarixdə "Həmkarlar İttifaqlarında Fəal İşə Görə" fəxri döş nişanı ilə qiymətləndirilir.

SSRİ Ali Sovetinin Rəyasət Heyətinin qərarına uyğun uzun illər ictimai əməklə məşğul olduğuna görə 18 noyabr 1988-ci ildə Bakı şəhər Xalq Deputatları Soveti tərəfindən “Əmək veteranı” medalı ilə təltif edilmişdir.

1990-cı ildə yaşadığı qəsəbə sakinlərinin təkidi ilə Bakı şəhər Binəqədi rayon Biləcəri qəsəbə Xalq Deputatları Sovetinin deputatı seçilmişdir.
12 fevral 1996-cı il tarixdə Azərbaycan Dəmir Yolu İdarəsinin 8 №-li əmrinə əsasən daha bir yüksək ada - “Fəxri Dəmiryolçu” adına layiq görüldü.

1 noyabr 2004-ci il tarixdən təqaüdə çıxması ilə əaqədar öz ərizəsinə əsasən tutduğu vəzifədən azad edilmişdir. Hal-hazırda təqaüdçüdür.

1961-ci ildə Cabbarova Bəsti Bulud qızı ilə ailə həyatı qurmuş, 3 oğul, 2 qız övladını boya-başa çatdıraraq tərbiyə etmişdir.

Sultan HÜMBƏTOV










SON XƏBƏRLƏR
Sarı zolaq qadağasının tətbiq ediləcəyi prospektlərin adları açıqlandı - Diqqətli olun
ŞAMAXIDA QƏDİM MƏSCİD AŞKAR EDİLDİ
Azərbaycanda "Facebook" və "Instagram" çökdü
Qanlı hücum - Türkiyəli diplomatlar güllələndi
Laçınlılar ABŞ, Rusiya və Fransa səfirliklərinə etiraz bəyanatlarını çatdırdı — VİDEO
Bu gün Şah İsmayıl Xətainin doğum günüdür
Heydər Əliyev Fondu ürək qüsurlu uşaqların əməliyyatına dəstək oldu
Türkiyə təhlükəsizlik qüvvələri başına 1.5 milyon mükafat qoyulmuş PKK-çını məhv etdi
Qənirə Paşayeva “AMEA-nın professoru” seçilib
ABŞ Türkiyəyə sanksiya tətbiq edəcəkmi?
Dövlət Komitəsində vətəndaşların növbəti qəbulu keçirilib
Əflatun Amaşov: “Keşikçidağ gərginliyinin yaranmasında onlar maraqlıdırlar”
Azərbaycan Türk fəlsəfəsindən yarpaqlar: CƏMALƏDDİN ƏFQANİ - I Hissə
"Partizani"nin baş məşqçisi: "Bakıya turist kimi gəlməmişik"
Cəlilabadda Qadın sahibkarlığının inkişaf etdirilməsi mövzusunda tədbir keçirilib - FOTOLAR
Britaniya XİN başçısı: “İrana nüvə silahı əldə etməsi üçün bir il kifayətdir”
Türkiyə Aralıqda dənizində qaz yatağı tapdı - Sensasion iddia
Saakaşvilidən Azərbaycan və Gürcüstana müraciət
AVRO-2020: Bilet sifarişində rekord qeydə alındı - 19,3 milyon
Rusiya Azərbaycanlıları İttifaqı MeqaFon mobil operatoruna səhvini düzəltdirdi
Növbəti erməni həyasızlığı - VİDEO
Bakı-Batumi aviareyslərinin sayı artırılır
Gəncədə məcburi köçkünlər üçün salınmış qəsəbə telefonlaşdırıldı
Paşinyanın xeyriyyə fondu Laçındakı erməni balaları üçün bağça açdı - FOTOLAR
Baş Prokurorluq: "Şəki Xan Sarayında budaqların qırılmasına səbəb əlverişsiz hava şəraiti olub"
Gürcüstan DİN Keşikçi Dağla bağlı ictimaiyyətə müraciət etdi
Azərbaycan bu gün BMT-yə ikinci hesabatını təqdim edəcək
Onlar 3 dost idilər - Laçında eyni döyüşdə həlak olan şəhidlərin anım tədbiri keçirildi – FOTO/VİDEO
Zelenskinin korteji uşaqları daşıyan avtobusla toqquşdu
Rusiya və Türkiyənin ortaq tarixinə dair bədii film çəkiləcək-VİDEO