Qarabag Media
Haqqımızda Əlaqə

QARABAĞ MƏTBƏXİ: Şuşa təamları


Tarix:10-05-2016, 22:47 Kateqoriya:Manşet / Bölgə Özəlliyi

QARABAĞ MƏTBƏXİ: Şuşa təamlarıAzərbaycan mətbəxinin sorağı bütün dünya ölkələrinə yayılıb. Ölkəmizə gələn əcnəbi turistlər mütləq Azərbaycan mətbəxini dadmadan geri qayıtmaq istəmirlər. Xüsusən də, zəngin Qarabağ mətbəxinin növbənöv təamlarını. Qarabağ mətbəxinin zənginliyini peşəkar ekspertlərdən tutmuş bütün qarabağlılar da təsdiqləyir.

Qarabağın hər bir bölgəsinin özünəməxsus təamları var. Biz bu gün Qarabağ mətbəxinin tərkib hissəsi olan Şuşa mətbəxindən söhbət açacağıq.

Şuşa mətbəxi zənginliyi və özünəməxsusluğu ilə seçilir. Bu, şuşalılarla etdiyim söhbət zamanı daha da aydın oldu.

QARABAĞ MƏTBƏXİ: Şuşa təamlarıAzərbaycan Milli Kulinariya Assosasiyasının prezidenti Tahir Əmiraslanov bizimlə söhbətində qeyd etdi ki, Qarabağ mətbəxi Azərbaycanın ənənəvi milli mətbəx mədəniyyətinin tərkib hissəsidir. Tarixən başqa regionların mətbəxi ilə qarşılıqlı təmasda zənginləşərək həmin regionları da zənginləşdirib: “Qarabağ dənizdən uzaqda yerləşdiyinə görə, burada dəniz balığı deyil, çay balığından istifadə olunur. Ümumiyyətlə, Qarabağ mətbəxində balıq ön sırada yer tutmur”.

T.Əmiraslanovun sözlərinə görə, Şuşa mətbəxi olduqca zəngin mətbəxdir: “Bunun səbəbi orta əsrlərə gedib çıxır. Xanlıq dövründə Şuşaya o dövrün sayılıb-seçilən qonaqlar gəlirdi. Gələn qonaqları razı salmaq üçün xüsusi və qabiliyyətli aşpazlar Şuşaya toplaşırdılar. Necə ki, gözəl səs sahibləri Şuşada idilər. Eləcə də aşpazlar”.

Şuşanın məşhur xörəklərinə gəlincə T.Əmiraslanov bildirdi ki, o bölgənin kabab və plovlarının dadı tək Azərbaycana deyil, əcnəbi ölkələrə də səs salıb: “İlk olaraq şuşalıların sevdiyi “Qiyməli plov” haqqında danışım.

Pənahəli xanın dövründə hazırlanan plov

Bu plov Pənahəli xanın dövründə hazırlanırdı. Hazırlanma qaydası belədir:
1 kq qoyun əti maşından keçirilib yağda qovurulur. İçərisinə 20 qram zoğal axtası, 20 qram kişmiş vurulur. 500 qram düyü süzülərək qiymə ilə qat-qat qazana yığılıb dəmə qoyulur. Qazanın dibinə qazmaq hazırlamaq üçün lazım olanlar məhsullar isə bunlardır: 500 qram un, 1 yumurta, 100 qram yağ yoğurulub yuxa halına salınır və qazanın dibinə qoyulur.

Digər plov növü isə “Qırxbuğumlu aş”dır. Bu plovun hazırlanması üçün 1 kiloqram düyü ilıq duzlu suda 3 saat saxlanılır. Sonra düyü qaynadılan zaman 150 qram qırxbuğum əlavə edilir. Qazanın dibinə 500 qram qoyun əti düzülür. Ət olmadıqda düyünün üzərinə yumurta vurulur. Ət yığılıb üzərinə qırxbuğumlu düyü tökülür, yağ əlavə edilib dəmə qoyulur”.

QARABAĞ MƏTBƏXİ: Şuşa təamlarıƏslən Şuşadan olan Pərvanə xanım Qaraxani sevə-sevə hazırladığı Şuşa mətbəxi haqqında danışdı: “Şuşa mətbəxi digər mətbəxlərdən seçilir. Çünki burada olan ədviyyat və göyərtilər digər bölgələrdə yoxdur. Həmin ədviyyat və göyərtilər sayəsində xörəyin dadı başqa bir aləm olur. Şuşalıların ən sevimli plovlarından biri “Şeşdrengili aş”dır. Bu plovun hazırlanması 1kq düyü 3 saat ilıq suda saxlanılaraq qaynadılır, sonra süzülür. 150 qram yağ vurulub dəmə qoyulur. Böyük tavada 200 qram soğan qovrulur. Üzərinə zoğal axtası, kişmiş əlavə edilir, yuvalar açılır və həmin yuvalara yumurtalar vurulur. Sonra üzərinə duz, istiot, darçın tökülür. Süfrəyə ayrı-ayrılıqda verilir.

Qədim Şuşa yeməklərindən biri də “Canına çəkmə”dir. Bu xörək əsasən soyuq aylarda bişirilir. Bunun üçün 500 qram qoyun əti 200 qram noxudla birlikdə qaynadılır. Bişdikdən sonra içərisinə 300 qram yumru düyü tökülür. Suyu çəkilib yağa düşənə qədər bişirilir. Bişənə yaxın içərisinə 30 qram zoğal və ya zoğal axtası tökülür.

Digər xörək isə “Qəlya” adlanır. Bu yemək əsasən quzu ətindən hazırlanır. 500 qram quzu əti bişirilir. Yağa düşəndə içərisinə bişmiş şabalıd, gavalı turşusu, heyva doğranıb tökülür. Zəfəran, darçın, duz, istiot əlavə edilir”.
P.Qaraxani söhbətin sonunda onu da əlavə etdi ki, şuşalılar öz diyarlarından didərgin düşsələr də öz mətbəxlərini unutmayıblar.
/KarabakhİNFO.com/

Günel Cəlil











SON XƏBƏRLƏR
İlham Əliyevdən Ərdoğana təbrik məktubu
Türkiyə ictimaiyyəti Ərdoğanın qələbəsini böyük coşqu ilə qarşılayıb
“Türk ulduzları” Bakıda — FOTO
Mövlüd Çavuşoğlu: "Türkiyə gələcəyi üçün düzgün seçim edəcək"
Yavər Camalov dəfn edilib - FOTO
Milli Qəhrəman Əlif Hacıyevin doğum günüdür — FOTO
Zaqatala: Azərbaycanın qalib gəldiyi mübahisə
TARİXİ GÜN — Xalq həm prezident, həm də parlamenti seçir
Əbülfəz Elçibəyin anadan olmasından 80 il ötür
Suriyada İran ordusunun generalı həlak olub
"F- 35"lər Türkiyədə!
Ruslar Paşinyana o qırıcıları satan deyil
"Hakimiyyətdə olduğu neçə illər ərzində ilk dəfə olaraq sükan Ərdoğanın əlində deyil..."
Azərbaycan və Ermənistan XİN başçıları Minskdə görüşdülər
Prezident səhiyyə işçilərini təltif edib - SİYAHI
BMT-NİN 4 QƏTNAMƏSİNƏ LAVROV YANAŞMASI...
Millət vəkili: Oğlanlarımızı evləndirmək üçün qız tapılmayacaq
Dilqəm Əsgərovun oğlu evləndi
Nərimanov rayonunda eyvanlardan paltar asmaq qadağan edildi
Elmar Məmmədyarov erməni nazirlə görüşə razılaşdı
Futbolçular baş məşqçini dəyişməyi xahiş etdi - Məğlubiyyətdən sonra
22 iyun 1941-ci il... Müharibə başlayanda Stalin rəhbərlikdən imtina edibmi? Müəmmalar və həqiqətlər
Cocuq Mərcanlıya daha 50 ailə köçürülüb
Azərbaycan hökuməti bayraqla bağlı tarixi qərara imza atdı
Harvard Medical Schoolda təhsil alan ilk Azərbaycanlı- Bəxtiyar Qəhrəmanov
Hacısamlı — Kəndlərimiz rubrikasından
Çavuşoğlu və Məmmədyarovu nə bağlayır?
Vikipediyada AXC ilə bağlı nə baş verir? - VİDEO
Abdulla Şaiq yaradıcılığında insan problemi - II YAZI
Qadın paltarına qarşı kəlbətin - Murad Köhnəqala yazır