Qarabag Media
Haqqımızda Əlaqə

Qarabağın göyərti kətəsinin resepti


Tarix:26-04-2016, 20:37 Kateqoriya:Manşet / Bölgə Özəlliyi

Qarabağın göyərti kətəsinin resepti

Bakının Türkan qəsəbəsində məskunlaşmış Azərbaycanın Füzuli rayonundan olan məcburi köçkün ailəsi Sputnik-i qonaq qəbul edib və milli yemək - göyərti ilə bişirilən Qarabağ kətəsinin hazırlanmasının sirrini açıb.

Ev xanımı Məhliqa Balıyeva deyir ki, göyərti kətəsi Azərbaycanın Füzuli, Cəbrayıl, Ağdam və digər bölgələrində bişirilir. Kətənin hazırlanması ilə bağlı hər bir xanımın öz sirri var. Bu kətənin resepti çox sadədir. Əsas odur ki, onu ürəklə hazırlayasan.

İnqrediyentlər: 500 qram buğda unu, 120 qram kərə yağı, 1 stəkan su, 1 çimdik duz.

Xəmir duz və su ilə yoğrulur. Bir qədər saxlanılır ki, özünə gəlsin. Sonra o kündələrə ayrılır və kağız kimi nazik yuxalar yayılır. Sonra isə yuxaların içinə xırda doğranmış 10 növə qədər çöl və dirrik göyləri qoyulur. Göylərin üzərinə duz səpilir. Sonra yuxaların kənarları iki tərəfdən ortaya doğru üst-üstə qatlanır. Yuxaların qıraqları üst-üstə gətirilir, axıracan bərkidilir.

Hazır bükülmüş kətələr "sac" adlandırılan çanağa oxşayan qızmar tavanın üzərində, yaxud da qızmar təndirdə bir neçə dəqiqə bişirilir.

"Bizim region müxtəlif növ göyərtilərlə zəngindir, hansı ki, biz onları dağlardan, ya da dirrikdən yığırdıq. Bu gün biz əlimizin altındakı göylərdən istifadə etmişik. Əlbəttə buradakı göylərlə, Qarabağdakı göylərin dadı eyni deyil." — deyə Məhliqa xanım bildirir.

İç üçün: 2-3 orta dəstə şüyüd, 4 böyük dəstə ispanaq, 2 dəstı göy soğan, 3 dəstə keşniş. Bura zövqə görə, müxtəlif yabanı göyərtiləri (quşəppəyi, gicitkən, əməköməci, yarpız, yağlıca, gəlinbarmağı, əvəlik, quzuqulağı, cincilim, dağkeşnişi, boyana və s.)də əlavə edə bilərik.

"İçinə təkcə şüyüd, keşniş, bir az göy soğan da vura bilərsiz. Ümumiyyətlə, yaşadığınız yerdə mövcud olan və yeyilən bitklilərdən istəniləni vura bilərsiz"- deyir Balıyeva.

Kətələri hər iki üzü qızarana qədər bişirmək lazımdır. Kətələr hazır olandan sonra onların hər iki üzünə isti-isti kərə yağı sürtüb yağlamaq lazımdır ki, yumşaq və dadlı olsun. Stola verərkən yanına qatıq da qoymaq olar./sputnik.az/

Karabakhmedia.az










SON XƏBƏRLƏR
İlham Əliyevdən Ərdoğana təbrik məktubu
Türkiyə ictimaiyyəti Ərdoğanın qələbəsini böyük coşqu ilə qarşılayıb
“Türk ulduzları” Bakıda — FOTO
Mövlüd Çavuşoğlu: "Türkiyə gələcəyi üçün düzgün seçim edəcək"
Yavər Camalov dəfn edilib - FOTO
Milli Qəhrəman Əlif Hacıyevin doğum günüdür — FOTO
Zaqatala: Azərbaycanın qalib gəldiyi mübahisə
TARİXİ GÜN — Xalq həm prezident, həm də parlamenti seçir
Əbülfəz Elçibəyin anadan olmasından 80 il ötür
Suriyada İran ordusunun generalı həlak olub
"F- 35"lər Türkiyədə!
Ruslar Paşinyana o qırıcıları satan deyil
"Hakimiyyətdə olduğu neçə illər ərzində ilk dəfə olaraq sükan Ərdoğanın əlində deyil..."
Azərbaycan və Ermənistan XİN başçıları Minskdə görüşdülər
Prezident səhiyyə işçilərini təltif edib - SİYAHI
BMT-NİN 4 QƏTNAMƏSİNƏ LAVROV YANAŞMASI...
Millət vəkili: Oğlanlarımızı evləndirmək üçün qız tapılmayacaq
Dilqəm Əsgərovun oğlu evləndi
Nərimanov rayonunda eyvanlardan paltar asmaq qadağan edildi
Elmar Məmmədyarov erməni nazirlə görüşə razılaşdı
Futbolçular baş məşqçini dəyişməyi xahiş etdi - Məğlubiyyətdən sonra
22 iyun 1941-ci il... Müharibə başlayanda Stalin rəhbərlikdən imtina edibmi? Müəmmalar və həqiqətlər
Cocuq Mərcanlıya daha 50 ailə köçürülüb
Azərbaycan hökuməti bayraqla bağlı tarixi qərara imza atdı
Harvard Medical Schoolda təhsil alan ilk Azərbaycanlı- Bəxtiyar Qəhrəmanov
Hacısamlı — Kəndlərimiz rubrikasından
Çavuşoğlu və Məmmədyarovu nə bağlayır?
Vikipediyada AXC ilə bağlı nə baş verir? - VİDEO
Abdulla Şaiq yaradıcılığında insan problemi - II YAZI
Qadın paltarına qarşı kəlbətin - Murad Köhnəqala yazır