Qarabag Media
Haqqımızda Əlaqə

23 yaşını şəhidlikdə qeyd edən döyüşçü - Qəhrəmanlıq dastanı


Tarix:25-04-2016, 02:03 Kateqoriya:Manşet / Qəhrəmanlar

23 yaşını şəhidlikdə qeyd edən döyüşçü - Qəhrəmanlıq dastanı

23 yaşını o şəhidlik zirvəsində qeyd etdi...

Cəbhədəki döyüşlərdə şəhid olan qəhrəman oğullardan biri də müddətdən artıq həqiqi hərbi xidmət edən hərbi qulluqçu (MAHXHQ) Adil Adilzadə olub. Karabakhmedia.az qəhrəman döyüşçünün həyat yolunu təqdim edir:.

Adil Kamran oğlu Adilzadə 1993-cü ildə aprel ayının 17-də Mingəçevirdə doğulub. Mingəçevir şəhər 20 saylı orta məktəbi bitirdikdən sonra hərbi xidmətə yollanıb. Evin tək övladı olan qəhrəman cəbhənin ön xəttində N saylı hərbi hissədə xidmət keçir. Adil elə əsgərliyi dövründə özünü daha çevik və nizamlı əsgər kimi göstərib. Elə həmin vaxtlardan hərbiyə olan marağı onun orduda davam etmək qərarı ilə yekunlaşır. Bundan sonra Adil 2015-ci ilin ortalarından Naftalan rayonunda N saylı hərbi hissədə, Tər-Tər postunda Müddətdən Artıq Həqiqi Hərbi Xidmət hərbi qulluqçu vəzifısində xidmət edir. Onun xidmət apardığı istiqamət düşmənlə birbaşa döyüş nöqtəsi olmasına baxmayaraq o bundan qürur hissi keçirdiyini deyirmiş.

Şəhidin dostu Azər Poladov bizimlə söhbəti zamanı vurğuladı ki, şəhidlik Adilin ən böyük arzusu idi: “Nəhayət dostum arzusuna qovuşdu”..

17 ermənini məhv etməklə bitən son döyüşü…


2016- cı il Aprel ayının 1-dən 2-nə keçən gecə işğalçı Ermənistan ordusu yenidən təxribata əl atır. Azərbaycan Silahlı Qüvvələrinin yerləşdiyi ərazilərə soxulmaq istəyən düşmən kəşfiyyatı qarşısında böyük nizami ordunun təpkisi ilə qarşılaşır.

Artıq geriyə yol yox idi. Düşmənə layiqli cavab verməyin əsl zamanı idi. Şəhid Adil Adilzadə də digər döyüşçü yoldaşları kimi düşməni geri oturtmaq üçün hücum əmrini gözləyirdi. Nəhayət o əmr gəlir. Hələ 23 yaşı tamam olmayan qəhrəman döyüşçü silahdaşları ilə birgə düşməni geriyə çəkilməyə məcbur edir. Artıq döyüşlərin miqyası və şiddəti artırdı. Düşmən xeyli geri çəkilmiş və ordumuz onlara üstün gəlirdi. Bu zaman Naxçıvandan olan komandirləri şəhid leytenant Qabil Orucəliyev düşmən tərəfə hücuma keçməyi əmr verir. Adil Adilzadə və baş-leytenant Cavid Gülbala oğlu Dədəkişiyev də onun birgə düşmən üzərinə hücuma keçirlər. Tər-Tər istiqamətində gedən qızğın döyüşdə düşmənə ağır zərbələr endirilir. Həmin döyüşdə tək Adil Adilzadə 17 erməni əsgərini məhv edir. O qolundan güllə yarası almasına baxmayaraq döyüşü davam etdirib. Bir neçə saat döyüşdən sonra hərbçilərimiz düşmən snayperindən açılan güllədən şəhidlik zirvəsinə ucalır. Qeyri-bərabər qüvvələrin döyüşündə çoxsaylı ermənini məhv etməyi bacaran bu 3 igid düşmənin işğal etdiyi Azərbaycan torpaqlarında qalır. Döyüşçü yoldaşları onların köməyinə gəlsə də artıq onların vurulduğunu və meyitinin düşmən tərəfindən götürüldüyünü görürlər. Düşmən tərəfi qəhrəman hərbçilərimizin meyitini yalnız 10 aprel tarixində geri qaytarır.

11 aprel 2016-cı il tarixdə Mingəçevir izdihamla öz qəhrəman şəhidini torpağa tapşırır. Bu sadəcə dəfn yox, bir insan selinin iştirak etdiyi vida mərasimi olur. Adilin döyüşdə göstərdiyi igidlik bütün Mingəçevirə və Azərbaycana yayılır. Dostları onun xatirəsini uca tutmaqdan ötrü bu fotonu hazırlayır.

Adilin şəxsi həyatında da yeniliklər olmalı idi. O yaxın qohumlarının birinin qızına elçi düşmək niyyətində imiş. Artıq bununla bağlı xəbər də göndərilmişdi. Amma, o cavabı almadan əbədiyyətə qovuşdu. Aprel ayının 17- də 23 yaşını tamam etmək də elə onun şəhidlik zirvəsində qismət oldu. Onlar bu gün cismən olmasalar da, ruhən bütün Azərbaycanın qəlbindədirlər. Atası Kamran Adilzadə dəfndə başını dik tutaraq bu sözləri dedi: “ Təki, Vətən sağolsun!”
23 yaşını şəhidlikdə qeyd edən döyüşçü - Qəhrəmanlıq dastanı

23 yaşını şəhidlikdə qeyd edən döyüşçü - Qəhrəmanlıq dastanı

23 yaşını şəhidlikdə qeyd edən döyüşçü - Qəhrəmanlıq dastanı


Mən də bu yazımı elə bu sözlərlə bitirmək istəyirəm. Analar yeni Adillər, Mübarizlər doğsun! Təki, Vətən sağolsun!
Məkanınız cənnət olsun!/Femida.az/

Miri Məcidli










SON XƏBƏRLƏR
İlbər Ortaylı: “Sultan Səlimlə Şah İsmayıl kimi dava edəsi deyilik”
Mayın 29-da Putin və Paşinyan arasında görüş keçiriləcək
Ərdoğandan çağırış: "Seçki mübahisələrini geridə qoyaq"
"Azərbaycan(!) qızının gecə klubunda nə iti azıb ki?.." - Fikir savaşı
Azərbaycan və İranın birgə istehsalı olan avtobuslar satışa hazırlanır
Xəzərdə 6 milyard dollarlıq yeni layihəyə start verildi
Koçaryan Avropa liderlərini köməyinə çağırdı
Əhaliyə hava xəbərdarlığı
Azərbaycan dilinin 113 minlik yeni orfoqrafiya lüğəti hazırlanıb
"Qaz və işığa qoyulan limitin ləğvi məqsədəuyğun deyil" – Deputat
Azərbaycanda zorakılığa məruz qalan uşaqlarla bağlı qaynar xətt yaradılır
Pensiya və əmək haqları yenidən qaldırılacaq – Prezident bəyan etdi
Aqil ABBAS: TELEKANALLARI TELEKANALİZASİYAYA ÇEVİRMƏYİN
"Paşinyan Dağlıq Qarabağda rəngli inqilab etmək istəyir" - NƏZAKƏT MƏMMƏDOVA
Şərif Ağayar: "Laçın indi mənə çatmadığım, çata bilmədiyim bütün arzuların ümumiləşmiş obrazı kimi görünür" - MÜSAHİBƏ
İslam dininə üçlü yanaşma: Mühafizəkarlıq, Dünyəvilik, Millilik - (III yazı)
Prezident və birinci xanım Neftçilər parkının açılışında
Güclü külək və leysan yağışları Gürcüstanda ciddi fəsadlar törətdi
Müasir Azərbaycan Folklorşünaslıqda yeni nəzəri-metodoloji yanaşma təcrübəsi
Bakının şərtinə əməl olunmadıqca, eskalasiya təhlükəsi davam edəcək
"Türk axını"nın Serbiya ərazisində tikintisinə start verildi
Qətlə yetirilən nazir, azad edilən qatil
Əkrəm İmamoğlunun qələbəsi tanındı – SON DƏQİQƏ
Türk deputat İrəvanda erməniləri susdurdu: "Qarabağ Azərbaycanındır"
Mahir Abbaszadə seçiciləri ilə görüşdü - FOTOLAR
Şəki Məhkəməsinə iftira atanlar kimlərdir? - ŞİKAYƏT
AKP rəsmən İstanbulda təkrar seçki tələb edir
Rövşən Rzayev BMT nümayəndəsi ilə görüşdü
Lavrov Azərbaycan və Ermənistan XİN rəhbərlərinin razılaşmasından DANIŞDI
"Belə hoqqabazlarla danışıq yolu ilə Qarabağı azad etmək mümkündürmü?"