Qarabag Media
Haqqımızda Əlaqə

Milli Qəhrəman Zabit Quliyev: “Qarabağa bayrağımızı sancmayana qədər, ölməyəcəyəm...”


Tarix:9-03-2016, 08:41 Kateqoriya:Manşet / Müsahibə

Milli Qəhrəman Zabit Quliyev: “Qarabağa bayrağımızı sancmayana qədər, ölməyəcəyəm...”Müsahibim 19 yaşında Ümumilli Lider Heydər Əliyev tərəfindən Milli Qəhrəman adına layiq görülmüş mərd və şücaətli qəhrəmanımız- Zabit Quliyevdir. İlk olaraq, Zabit Quliyev haqqında qısa məlumatı nəzərinizə çatdırım:

Milli Qəhrəman...


Quluyev Zabit Adil oğlu. 1975- ci il, 12 iyunda Kürdəmir rayonu Ərəbxana kəndində anadan olub. 1992- ci ildə orta məktəbi bitirib. 1993- cü ildə Milli Ordu sıralarına çağrılıb, döyüş bölgəsinə göndərilib. Ağdam, Füzuli, Ağdərə, Tərtər bölgələrində gedən döyüşdə düşmənin 4 tankını snayper silahından açdığı güllə ilə məhv edib. Azərbaycan Respublikası Prezidentinin 4 aprel 1995- ci il tarixli 307 saylı fərmanına əsasən Quliyev Zabit Adil oğluna “Azərbaycan Milli Qəhrəmanı” fəxri adı verilmişdi. Ailəlidir, 15 yaşında bir oğlu var.

- Zabit müəllim, Sizinlə əlaqə yaratmaq elə də asan olmadı; bir çox qurumlara müraciət etsəm də, yaşayış yeriniz qeydiyyat yerinizdən fərqli olduğu üçün müəyyən çətinlik yarandı. Hətta düşündüm ki, ümumiyyətlə ölkədə deyilsiniz.

- Bəli, yaşayış üzrə qeydiyyatım Kürdəmir rayonuna aiddir. Amma, hər zaman Azərbaycandayam, heç yerə getmirəm.

- Elə isə, bəs bə üçün cəmiyyətdən bir qədər kənardasınız?

- (Susur)

- Azərbaycan gəncliyi ilə keçdiyiniz döyüş yolu ilə bağlı təcrübənizin paylanması zərurətini duyursunuzmu?

Vətənpərvərlik ailədən başlayır...
- Mənə elə gəlir ki, biz döyüşçülərlə tanışlığa bügünkü gənclər özləri maraq göstərməlidirlər. Quyuya su tökməklə sulu olmaz. Vətənpərvərlik ailədən başlayır, uşaq vaxtlarından. Düzdür, igidlərimiz var. Amma 20 il əvvəlki dövrün gəncləri bir birilərinə daha qayğılı, daha mühafizəkar yanaşardılar.

- Bəs indi sizcə o cür yanaşmırlar?


- (Gülür) Ola bilər ki, qayğı da var, mühafizə də, amma əvvəlki zamanla müqayisədə azlıq təşkil edir.

- Məlumatım var ki, televiziya məkanlarında bir sıra vətənpərvərlik verilişlərində iştirakdan imtina edirsiniz.

- Bəli. Çox vaxt imtina edirəm. Getmirəm.

- Səbəbini bizə açıqlayardınız.

Heydər Əliyev mənə...

- Məni verilişlərə qəhrəmanlığımla bağlı dəvət edirlər. Hesab edirəm ki, Vətənim bütöv olmayana qədər, ürək ağrısı ilə danışacam. Ona görə də küsgünəm bir qədər. Hər an Ali Baş Komandanın əmrini gözləyirəm ki, düşmənə qarşı döyüşə atılım!

- Olduqca gənc yaşda Ümumilli Liderimiz mərhum Heydər Əliyev tərəfindən Milli Qəhrəman adına layiq görülmüsünüz.


- Bəli. Mərhum liderimiz Heydər Əliyev o zaman şəxsən bizi ordenlərlə və fərmanlarla təltif etdi. Hətda mənə bir söz dedi, indiyə qədər unutmuram. Söylədi ki, “mərdsən, halal olsun sənə!”

- Döyüş yolunu necə xatırlayırsınız?

- O zaman 19 yaşım var idi. 1993- cü il, Tər-Tər- Ağdam uğrunda gedən döyüşlərdə düşmən tərəfindən mühasirəyə alınmışdıq. Komandirimiz; general- leytenant Rövşən Əkpərovun doğru hərbi taktiki qərarlarını icra edərək, gərgin mübarizədən sonra mühasirədən tam çıxa bildik.

Yarım saata məhv edilən 4 tank...

- Siz və düşmənin 4 məhv olmuş tankı! Bu haqda nə deyə bilərsiniz?

- (Bir qədər düşünür) Yalnız bir söz deyə bilərəm ki, zamanım çox olsaydı, daha çox texnika məhv edərdim.

- Düşmən tanklarını nə qədər zamana məhv etdiniz?

- Yarım saata.

- 19 yaşında ikən sərrast atıcılığa necə nail olmusunuz?

- Mən uşaq ikən babamla ova gedərdik. Atıcılığı mənimsəməyim məhz babamın sayəsindədir. Daha sonralar onun köhnə tüfəngi ilə ova gedərdim. Heç hədəf gülləmdən yayınmırdı. Babamın öyrətdikləri döyüş meydanında köməyimə çatdı.

Şəhid əmimoğlu...

- Quliyev Mərdan Məmməd oğlu. Bu ad Sizə nə deyir?

- (Kövrəlir) Əmim oğludur. Qarabağ uğrunda gedən döyüşdə həlak olub.

- Amma nədənsə adını heç çəkmirdiniz. Bu susqunluq hansı hisslərlə bağlıdır?

- Yox, susmuram. Sadəcə bir çox dostlarım düşmən gülləsindən qollarımda dünyasını dəyişib və mənim əmim oğlu da onlardan biridir. Vətənimizin azadlığı uğrunda caından keçən şəhidlərimizin hamısı bizə doğmadır, əzizdir. Onların xatirəsi hər zaman ürəyimizdədir.

- Bizim vasitəmizlə oxuculara hər hansı bir istək, arzunuzu çatdırmaq istərdinizmi?
- Hər bir azərbaycanlıya Vətənə bağlı olmağı arzu edirəm və öz növbəmdə söz verirəm: Qarabağa bayrağımızı sancmayana qədər...(kövrəlir) Ölməyəcəyəm...

Aynur Nurlu










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”