Qarabag Media
Haqqımızda Əlaqə

Qasımuşağı tikmə və xalçalarında "hərsin" elementi - FOTO

Tarix:1-01-2016, 01:53 Baxış Sayı:3844 Kateqoriya:Manşet, Araşdırma, Bölgə Özəlliyi

Qasımuşağı tikmə və xalçalarında "hərsin" elementi - FOTOQarabağ xalçaçılıq məktəbinin Cəbrayıl qrupuna aid edilən "Qasımuşağı" xovlu xalçalarının toxunuşunda işlənən hər bir detal, element, motiv, ornament və ya fiqur ayrı-ayrılıqda mütləq bir rəmzi məna daşıyır. İndiyə qədər çox az tədqiq olunmuş "Qsımuşağı xalçaları"nda toxunmuş zəngin naxışlar bir qəbilənin tarixini, milli kimliyini, mədəniyyətini, inanclarını, mistik təsəvvürlərini müxtəlif damğalar və cizgilərin dili ilə keçmişdən bu günə yetirən bitkin, mənalı bir dekorativ-tətbiqi incəsənət əsəridir.

"Qasımuşağı xalçaları"nda digər motiv və naxışlarla yanaşı qadınların istifadə etdikləri məişət əşyaları da simvollara çevrilərək xalçalara köçürülmüşdür. Öz qızıldan qiymətli barmaqları ilə ilmələrdən xalça toxuyan Təkə-Türkman qadını əlavə etdiyi məişət əşyalarını olduqca möhtəşəm klassik incəsənət əsərinə çevirmişdir. Növbəti yazımda bu növ naxışlardan birinin üzərində Qasımuşağı tayfasının üzvləri və onlarla mənbənin köməyi ilə bir az araşdırma aparmağa çalışdım. Bu yalnız "Qasımuşağı" xalçalarına məxsus hesab edilən "ərsin" (bir çox mənbələrdə və Qasımuşağı obasının xalçaçıları tərəfindən "hərsin") adlandırılan naxış elementidir.

Qasımuşağı tikmə və xalçalarında "hərsin" elementi - FOTO

"Qasımuşağı" xalçalarının orta sahəsində yerləşən əsas medalyonun hər iki başlığına yüksək zövqlə toxunmuş və paylaşmaq, bölüşmək rəmzi olan "ərsin" adlanan bu ornament olduqca gözəl, tərtibata uyğun şəkildə toxunmuşdur. Əsasən göy yerliyi olan "ərsin" adlanan bu ornamentin üzərində işlənmiş naxış olduqca çox maraqlı quruluşa malikdir. Həm etnik, həm də tayfa mənsubiyyətinin göstəricisi olan bu damğa işarəsi müasir dövrümüzə gəlib çatan qədim xalça naxışlarından biridir. Quruluşuna diqqətlə nəzər saldıqda naxış nəfis şəkildə toxunmuş iki elementdən ibarətdir. Bu elementlərdən biri "ərsin"in üzərində ki, naxışın aşağı hissəsində olan əsasən "ay" (bu gün daha çox"aypara" kimi tanıyırıq), bəzən dominantlığı bildirən "yay" (silah), digər mənbələrdə isə "açılmış qartal qanadları" anlamını ifadə edən Tanrı nişanıdır. Əski Şumer simvolizmində isə "gəmi", "qayıq" yozumunu verirdi. Qeyd etmək lazımdır ki, onun yaranışı islamaqədərki dövrlərə təsadüf etmiş, islamın yaranmasından sonra isə islamı bildirmişdir.

"Kitabi-Dədə Qorqud" dastanında Ay xaqan və Ay xan adlarından istifadə edilmişdir. Digər xalqlarda "Ay" qadın kimi təsvir edilsədə türklərə görə "Ay" həm qadın, həm də kişi cinsinə məxsus müqəddəs bir varlıqdır. Qeyd edə ki, Boz oxlardan olan Ay xanın dörd oğlu olmuşdur.

Bu növ damğa elementinə təkcə Qasımuşağı xalçalarında deyil, digər xalçalarda, həmçinin digər xalça məmulatlarında, hətta keçə (qəlib) və zərgərlik məmulatında da tez-tez rast gəlinir. Bir çox türkdilli xalqların bayraqlarında mövcud olmuş və mövcudur. XVI əsr Polşa-Litva tatarlarının döyüş bayrağında, çoxmillətli və çoxdinli Türk dövləti olan Osmanlı dövlətinin təməlini qoymuş Kayı xanlığının, Məmlük sultanlığının, Krım xanlığının, Azərbaycan Xalq Cümhuriyyətinin və Azərbaycan Respublikasının, Türkiyə Cümhuriyyətinin bayraqları üzərində ki, "Aypara" təsvirləri də mahiyyət etibarilə eyni məna anlamındadır.
Qasımuşağı tikmə və xalçalarında "hərsin" elementi - FOTO

Qeyd edim ki, naxışın ikinci hissəsi, "aypara"nın tən ortasından ucalan ikinci bir damğa çox böyük incəliklə nəfis şəkildə ilmələrə köçürülmüşdür. Əbülqazi Bahadur xan Xivəlinin (1605-1663) "Şəcəreyi-Tərakimə" əsərində təsvir edilən Oğuzların Salur boyunun damğası "Qasımuşağı xalçaları"nda olan damğanın təsviri ilə üst-üstə düşür. Xalçanın çeşnisini qədim el sənətinin biliciləri olan Oğuzların Salur boyunun Təkə-Türmənlərindən olan Qasımuşağı tayfasının qadınları hazırladıqları üçün bu damğanın burada işlənməsi heç də təsadüf deyildir.

Bu damğanın ikinci seqmenti olan Salur boyunun damğası "Kitabi-Dədə Qorqud" eposunda uca, hündür və ağac mənasını ifadə edən "Qaba Ağac"ı ("Dirilik ağacı"ı) simvolik səciyyə daşıyır. KDQ-də III, IV, X boylarında adı daha çox işlənən və birbaşa insana həm də kişi cinsinə aid edilən "Qaba Ağac" əksər boyların sonunda "Kölgəlicə Qaba Ağacın kəsilməsin" alqış-duası ilə oğuzlara dirilik dilənmişdir. Semantik mənalarına görə, bu damğanın üç qolu Tenqrinin üç stixiyaya – Suya, Torpağa və Havaya, həmçinin üç məkana – Göyə, Orta Dünyaya və qaranlıq Ruhlar Dünyasına olan hökmü yozumunu bildirir.
Qasımuşağı tikmə və xalçalarında "hərsin" elementi - FOTO

Azərbaycan xalça ornamentlərində islamdan əvvəlki dövrdə, istər də islamdan sonrakı dövrlərdə Göytürk hərfləri ilə damğa təsvirlərinin paralel istifadəsi əski türk əlifbasının aktuallığını qoruyub saxlamışdır. "Qasımuşağı xalçaları"nda olan Salur boyunun damğası Göytürk yazılı abidələrində "iç", "daxil" sözlərini ifadə etmək üçün işlədilmişdir.

Bu növ damğalara türklərin məskunlaşdıqları müxtəlif areallarda Qərbi Azərbaycanın Göyçə qayaüstü təsvirləri, Kosovanın Qora vilayəti, Restelitsa kəndi yaxınlığındakı qayaüstü təsvirləri, Adıgey Respublikasının Maxoşkuşxa məntəqəsindəki çay daşları üzərində qədim türk işarələri içərisində bu növ dirilik ağacı işarələrə rast gəlinir.

Bütün bunlardan sonra belə bir nəticəyə gəlmək olar ki, xalçadakı "ərsin"in üzərində toxunmuş bu damğa fiquru bütövlükdə obanın, oymağın, boyun, nəslin, tayfanın, ailənin və hər bir fərdin Tanrı mühafizəsində, Dirilik Ağacının nəzarətində olduğu yozumunu anladır. Bu növ damğa motivlərinə bir neçə variantda müxtəlif tarixi mənbələrdə rast gəlinir. Ön və Mərkəzi Asiyada, Şimali Qafqazda, Sibirdə, Krımda və Şərqi Avropada rast gəlinən qədim və orta əsr türk damğaları arasında bu növ damğaların müxtəlif variantlarına təsadüf edilir.

Qasımuşağı tikmə və xalçalarında "hərsin" elementi - FOTO

Qasımuşağı tikmə və xalçalarında "hərsin" elementi - FOTO

Qasımuşağı tikmə və xalçalarında "hərsin" elementi - FOTO


Sultan HÜMBƏTOV

SON XƏBƏRLƏR
Tramp Səudiyyə Ərəbistanına yola düşüb
Yasəmən - ayrılığın adı
Boksçularımız İslamiadanı 7 medalla başa vurdu
ATƏT MQ həmsədrləri Dağlıq Qarabağ münaqişəsi zonasında gərginliyin artmasına dair bəyanat yayıblar
Mirşahinin qardaşı həbs edildi
Avropa Parlamentinin deputatları Azərbaycana səfər edəcək
"Surət Hüseynov demişdi ki, Laçını alsaq Elçibəyi devirə bilməyəcəm" - Sabiq qərargah rəisindən şok açıqlamalar
Azərbaycanın futbol üzrə milli komandası finala yüksəlib
25 ildir Laçını yuxularda görürük...
Azərbaycanın milli avtomobil brendinin dizaynı hazırlandı – FOTO
Laçının işğalından 25 il ötür
Ölümün ən gözəli də sənin oldu - Şəhid Milli Qəhrəmanımız yubiley yaşında...
Üzeyir bəyi sintezator çalmağa məcbur edənlər
And içdik ki, komandiri güllələyək
Ötərxan Eltac: TƏCİLİ ŞUŞANI QAYTAR, YOXSA...
Azərbaycan əhalisinin sayı açıqlanıb
Ərdoğan: “Türkiyə PYD/YPG-nin maraqlarını heç vaxt nəzərə almayacaq”
Prezident İlham Əliyev AXC-nin 100 illiyi ilə bağlı sərəncam imzaladı
Ölüm sevinməsin - Kimlər keçdi bu dünyadan
Azərbaycanı xaricdə necə tanıtmalı?
Bahar Muradova Zahid Oruca səsləndi: Bəlkə imkan verəsən danışaq?!
"Rusiyanın Dağlıq Qarabağ münaqişəsindəki təkbaşına vasitəcilyindən də imtina etməliyik" – Politoloq
Şəhid Məzahir Bayramovun doğum günüdür
İdmançımız dördüncü qızıl medalını qazandı
Laçın - Qaragöl dövlət təbiət qoruğu - FOTO
Avropada Azərbaycan diaspor təşkilatları arasında əməkdaşlıq güclənir
Laçının işğalı ilə bağlı həqiqətlər - Laçın alayının sabiq qərargah rəisi danışır (MÜSAHİBƏ)
Yetimliyimizin 25 ili tamam olur!
Avropa İttifaqı-Azərbaycan biznes-forumu keçiriləcək
QHT İmişlidə Qarabağ müharibəsi iştirakçılarının iştirakı ilə tədbir keçirdi - FOTOLAR