Qarabag Media
Haqqımızda Əlaqə

2016 ABŞ-da erməni ili olacaq?


Tarix:31-12-2015, 07:23 Kateqoriya:Manşet / Siyasət

2016 ABŞ-da erməni ili olacaq?

2 gündən sonra 2016-cı ilə qədəm qoyuruq. Geridə buraxdığımız ildə mövcud olan gesosiyasi proseslərin 2016-cı ildə də davam edəcəyi şübhəsizdir. Lakin üzümüzə gələn il beynəlxalq münasibətlərdə köklü dəyişikliklərin olması ehtimalı da var. Bu ehtimalların yaranmasında əsas amil, sözsüz ki, ABŞ-da keçiriləcək prezident seçkiləri ilə bağlıdır.

ABŞ-da prezident seçkiləri 8 noyabr 2016 tarixində keçiriləcək. Bu ABŞ tarixində 58-ci prezident seçkiləri kimi tarixə düşəcək. ABŞ-ın indiki prezidenti Barak Obama bu vəzifəyə iki dəfə seçilmiş olduğu üçün üçüncü dəfə namizəd olması mümkün deyil.

Yeni seçiləcək prezidentin Azərbaycanla münasibətlərdə hansı siyasi xəttə üstünlük verəcəyi isə sual doğurur.

Femida.az seçilmə ehtimalı yüksək olan namizədlərlə bağlı kiçik bir araşdırma aparıb.

Bu dəfə də həmişəki kimi seçkilər Respublikaçılar və Demokratlar arasında mübarizə fonunda baş tutacaq.

Əsas namizədlər isə aşağıdakılardır:

Demokratların namizədi Hillari Klinton;

Respublikaçı Ceb Buş;

Respublikaçı Donald Tramp.


Demokratların əsas namizədi Hillari Klinton olacaq.

Klionton haqqında cüzi araşdırma apardıqda məlum olur ki, bu şəxs üzərində erməni lobbisinin elə də ciddi təsiri olmayıb. Lakin Hilari Klinton ABŞ-ın dövlət katibi olduğu dövrdə ABŞ-Azərbaycan münasibətlərinə ümumi olaraq nəzər salsaq, iki dövlət arasındakı əlaqələrin dəyişkən xarakter daşıdığının da şahidi olarıq. Obama 2008-ci ildə prezident seçilən kimi Klintonu dövlət katibi vəzifəsinə təyin etdi. İlk əvvəl münasibətlər normal xarakterə malik idi. 2009-cu ildə Barak Obama ilə Hillari Klinton prezident İlham Əliyevi İstanbula dəvət etməsi və İlham Əliyevin bu dəvətdən imtina etməsi ilə münasibətlər gərginləşmək xətti üzrə inkişaf etdi. İlham Əliyevin həmin dəvətdən imtina etməsinin səbəbi isə həmin görüşdə Türkiyə-Ermənistan sərhədlərinin açılması və Dağlıq Qarabağ məsələsində Azərbaycanın güzəşdə getməsi ətrafında müzakirələr aparılacaqdı. Digər namizədlərə nisbətən, Klintonun prezident seçilməsi ehtimalı daha yüksək qiymətləndirilir. Buna səbəb isə Klintonun xalq arasında olan nüfuzu göstərilir. Digər namizədlərlə müqayisədə Azərbaycanın divident əmsalı baxımından Azərbaycan üçün ən optimal namizədin Hillari Klinton olduğunu deyə bilərik..

Respublikaçıların namizədi Ceb Buş Florida ştatının keçmiş qubernatorudur. Erməni lobbisinin Floridada çox ciddi şəkildə təşkilatlandığını nəzərə alsaq, Ceb Buşun prezident seçilmək üçün bu faktordan istifadə edəcəyini də rahat şəkildə anlamaq olar. Florida ştatı ABŞ prezident seçkilərində demək olar ki, həmişə siyasi mübarizənin mərkəzi olub. Ceb Buş da bu faktoru, şübhəsiz ki, nəzərə alır. digər respublikaçıların ənənəsinə sadiq qalaraq Obama administrasiyasını daima tənqid edib. O, ABŞ-İran yaxınlaşmasının da qatı əleyhdarı olub. Ceb Buşun prezident seçildiyi təqdirdə Azərbaycanla münasibətlərə gəldikdə isə deyə bilərik ki, erməni lobbisini arxasına alan şəxs ölkəmizlə qaşılıqlı siyasi-iqtisadi əməkdaşlıqdan mümkün qədər uzaq olacaq. Erməni lobbisinin nüfuzundan geniş kəkildə istifadə edən Buşun Dağlıq Qarabağ münaqişəsi ilə bağlı Azərbaycanın haqlı mövqeyini müdafiə edəcəyi elə də inandırıcı səslənmir.

Digər respublikaçı namizəd Donald Tramp da erməni lobbisi ilə yaxınlıq etməyə cəhd edən namizədlərdəndir. Bir neçə gün bundan əvvəl Donald Tramp erməni mənşəli milyarder Den Bilzeryan ilə görüşüb. Den Bilzeriyan isə Dağlıq Qarabağ separatçılarını silahla təmin edən əsas şəxslərdən biridir. Bu görüşün baş tutması ondan xəbər verir ki, Tramp gələcəkdə qondarma respublikaya da dəstək olacaq. Bu baxımdan onun ABŞ prezidenti seçilməsi yalnız Azərbaycan-ABŞ münasibətlərini gərginləşdirməyə xidmət edə bilər.

Müsəlmanlara qarşı çıxışları ilə daim diqqət mərkəzində olan Donald Tramp siyasi fəaliyyətindən daha çox qalmaqallı açıqlamaları ilə gümdəmə gəlir. O, meksikalı miqrantları cinayətkar adlandırmaqdan belə çəkinməyib.

Göründüyü kimi, prezidentliyə namizədlər Azərbaycanla münasibətlərdə müsbət heç nə vəd etmir. Bu isə o deməkdir ki, növbəti 4 ildə ABŞ-Azərbaycan münasibətləri erməni lobbisinin də birbaşa təsiri ilə dah çox mənfi təəsüratları ilə yadda qalacaq.

Ceyhun Əhmədli










SON XƏBƏRLƏR
Dünyanın ən güclü orduları bəlli oldu - Neçənci yerdəyik?
"Rəsulzadənin tapançası məni xilas etdi..." - Türk zabitin xatirələri - FOTOLAR
Bakıda 19 yerdə məktəb yarmarkaları fəaliyyətə başlayıb - SİYAHI
Qabil Hüseynli: “Rəşadın ayağının biri axtarışların ilk günü tapılmışdı”
İrəvanda etirazlar: Parlament binası mühasirəyə alındı
Şəhid Milli Qəhrəman Fazil Mehdiyevin doğum günüdür - VİDEO
Hirkan Milli Parkının ərazisində yanğın başlayıb - YENİLƏNİB
Rəşad Atakişiyevin nəşi TAPILDI
Milli Qəhrəman İlham Əliyevin anım günüdür
“Vikipediya”da publisist və tədqiqatçı Tofiq Hüseynzadə haqqında üç dildə məqalə yaradılıb
Şoyqudan ABŞ-a “raket mesajı”
Qətərdə asfaltı mavi rəngə boyamağa başlayıblar
Xoy şəhərində “Şəms və Mövlana” Festivalı keçirilir
Məktəblilər bu il yeni forma geyinəcəklər? – AÇIQLAMA
Qaçqınların və Məcburi Köçkünlərin İşləri üzrə Dövlət Komitəsində növbəti kollegiya iclası keçirilib
Sumqayıtda 3 məktəbin bütün şagirdləri tələbə adını qazanıb
Qəzaya uğrayan təyyarəmizin “qara qutusu” tapıldı
Bu gün Bəxtiyar Vahabzadənin doğum günüdür - VİDEO
Azərbaycançılıq ideologiyası haqqında film çəkildi
Gürcüstanın Azərbaycana 7.3 milyon dollar borcu var
"Neftçi"nin baş məşqçisi məğlubiyyətdə özünü günahlandırıb
Sosial internet şəbəkələri saxta “qədim erməni dövlətçiliyi” barədə yalanlarla doludur
Vikimaniya beynəlxalq konfransında ölkəmizi üç vikipediyaçı təmsil edəcək
ABŞ Ermənistanın iki şirkətinə sanksiya tətbiq edib
“Baş nazir dəqiq deyib, nəsə əlavə etməyə ehtiyac yoxdur...” - Mnatsakanyan
Azərbaycan və İran prezidentlərinin telefon danışğındakı pərdəarxası MƏQAMLAR
Təslim olmuş erməni hərbçisi ilə bağlı danışıqlar aparılır
Tehran metrosunda hicabına riayət etməyən qadınlara qarşı təzyiqlər şiddətləndirilir
Qəzaya uğramış təyyarəmiz parça-parça olub
Aqil ABBAS: "Qurban Qurbanov, səninləyik!"