Qarabag Media
Haqqımızda Əlaqə

Prezident onu biabır edən qadına nə dedi? - VİDEO


Tarix:24-12-2015, 10:21 Kateqoriya:Manşet / Dünya

Prezident onu biabır edən qadına nə dedi? - VİDEOKeçən həftə bir çeçen kəndində sosial işçi kimi çalışan Ayşat İnayeva elektrik, su və qaza olan borclarını ödəyərkən qəzəblənib (maaşdan çıxılır) və müdirəsinin onun maaşından “gələcək kommunal xərclər üçün” 3000 rubl tutması barədə Whatsaapda danışıb.

Whatsaap vasitəsilə yayılmış iki dəqiqəlik audioyazıda o, 39 yaşlı çeçen lideri Ramzan Kadırovu ittiham edib.

“Siz bizdən nə istəyirsiniz? Axı siz bizə imkan vermirsiniz maaşımızı adam kimi evə aparıb çıxaraq? Təkcə siz yemək yeyə bilərsiniz? Təkcə siz içə bilərsiniz? Təkcə sizin yaşamaq haqqınız var?” - deyə o, çeçen dilində Kadırova müraciət edib.

İkicə gündən sonra qaraqabaq İnayevanı dövlət televiziyası göstərirdi. Ona guya “padşaha” birbaşa müraciət etmək imkanı verilmişdi. Çeçenlər “açıq dialoq” formatında Kadlrovun yanında bu sözü tez-tez işlədirmişlər.

Kadrlarda açıq-aşkar pərt görünən həyat yoldaşı ilə yanaşı oturmuş İnayeva parlamentin spikeri, Prezident Administrasiyasının rəhbəri və özünün müdirəsinin yanında öz sözlərini geri götürür.

Kadırov onun audiomüraciətindən hissələri səsləndirir və bu zaman İnayeva yerə baxaraq arada başındakı yaylıqla burnunu silir.

İki gün əvvəl İnayeva Kadırovun eqoizmi barədə danışırdı.

“Biz acından öləcəyik, səninsə vecinə də deyil. Təki sənin işlərin yaxşı getsin, təki sənin tikintilərin yaxşı getsin. Öz artistlərinə ev, maşın verirsən... Adi insanlara niyə vermirsən?” - deyə qadın soruşurdu.

Bundan sonra Kadırov özünün məxsusi mərhəmətini göstərmək imkanından istifadə edib.

“Mənim səni cəzalandırmaq fikrim yoxdur. Mən istəyirəm ki, sən sadəcə olaraq mənə və insanlara başa salasan ki, bu tamaşanın mənası nədir. Mən xalqdan pulları necə oğurlamışam?” - deyə tez-tez İnstagramda öz ekzotik heyvan kolleksiyasının şəkillərini dərc edən Kadırov soruşur.

Dövlət kanalının reportajında İnayeva əsasən susur, Kadırov və onun köməkçiləri isə ona büdcə pullarının hara - yeni uşaq bağçalarına, yollara, elektrik və su xətlərinə xərcləndiyini izah edir.

Qısaqol maykada oturmuş Kadırovun arxasında atası, Çeçenistanın keçmiş prezidenti Axmat Kadırovun portreti, məscid təsviri və “Uğura aparan yol - arzu et, dua et, hərəkət et” yazısı var.

Kadr arxasında isə jurnalist qadın İnayevanı məzəmmət edir.

Ayşat İnayevanın həyat yoldaşı Maqomed İdiqov da kamera qarşısında üzr istəyərək deyib ki, “arvadına göz qoymadığına və ona belə bir yalanı yaymağa imkan verdiyinə” görə özünü qınayır.

“Mən bilmirəm bu, nə şeytandır onun içinə girib. Bizim insanlarımız xaricdə olanlara qulaq asıb bizim Çeçenistanımıza və padşaha belə qara yaxırlar” - deyə o, əlavə edib.

Bu görüş televiziyada göstəriləndən sonra qadının qəddarcasına döyüldüyü və xəstəxanaya yerləşdirildiyi barədə şayiələr yayılıb.

Ancaq “Azadlıq” radiosunun Şimali Qafqaz bürosunun verdiyi məlumata görə, İnayeva salamatdır və işləməyə davam edir.


Karabakhmedia.az










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”