Qarabag Media
Haqqımızda Əlaqə

Tanınmış şair Sərraf Şiruyə vəfat edib


Tarix:8-12-2015, 11:32 Kateqoriya:Manşet / Gündəm

Tanınmış şair Sərraf Şiruyə vəfat edibSərraf Şiruyə dekabrın 7-də axşam saatlarında Bərdə rayonunda vəfat edib. Bu barədə Karabakhmedia.az-a şairin yaxın qohumu Qılman İman xəbər verib.

Qeyd edək ki, Sərraf Şiruyə uzun müddət xərçəng xəstəliyindən əziyyət çəkib. Mərhumla vida mərasimi sabah yaşadığı Bərdə rayonunun Yeni Daşkənd kəndində keçiriləcək.

Sərraf Şiruyə 1942-ci il sentyabrın 11-də Göyçə mahalının Basarkeçər rayonunun ( Göyçə mahalı) Daşkənd kəndində şair Həsən Xəyallının ailəsində anadan olub. Uşaq çağlarından atasından ərəb və fars dillərində yazıb-oxumağı öyrənən Şiruyə elə ilk məktəb yaşlarından şeirə böyük maraq göstərmişdir.

1960-cı ildə Bərdə rayonunun Yeni Daşkənd kənd orta məktəbini bitirdikdən sonra, 1962-ci ildə Azərbaycan Dövlət Pedoqoji İnstitutunun riyaziyyat fakültəsinə daxil olub və 1968-ci ildə oranı bitirmişdir. Həmin ildən Bərdə rayonunun Yeni Daşkənd kənd orta məktəbində müəllim işləmişdir.

1972-ci ildən 1980-ci ilə kimi Yeni Daşkənd kənd orta məktəbində direktor müavini və Bərdə rayonu "Bilik" cəmiyyətində mühazirəçi işləmişdir.
1993-1997-ci illərdə dini mədrəsəni bitirmişdir.

Sərraf Şiruyə 1992-ci ildən 1996-cı ilə kimi döyüş bölgələrində hərbi jurnalist kimi fəaliyyət göstərmişdir.

Azərbaycan Yazıçılar Birliyinin və Azərbaycan Jurnalistlər Birliyinin üzvü, "Qızıl qələm", "Məmməd Araz" və "H.B.Zərdabi" mükafatları laureatıdır.

15 noyabr 2007-ci ildə "Qarabağ Müharibəsi Əlilləri, Veteranları və Şəhid Ailələri İctimai Birliyi"nin Vətənpərvərlik mövzusunda yazılmış şeirlərinə və poemalarına görə "Fəxri Fərman"ı ilə təltif edilmişdir.

Erkən yaşlarından yaradıcılığa başlayan Sərraf Şiruyə 1962-ci ildən dövrü mətbuatda şeirləri ilə çıxış edir. İlk çap olunan əsəri "Qəzet nəyimə gərək" şeiridir.
Şairin "Ola" rədifli gəraylısı şeir pərəstişkarlarının dillər əzbəri olmuşdur.

Sərraf Şiruyə Qarabağ müharibəsi döyüşçülərinin qəhrəmanlığından bəhs edən və vətənpərvərlik mövzusunda 15-ə yaxın poemanın müəllifidir.

Hər keçən gününü xoş keçir, könül,
Ya qismət, həmişə ola-olmaya!
Dosta bel bağlama, əcəl çatanda,
Bir anlıq gözləri dola-dolmaya.

Dünyanın şöhrəti nəyinə gərək,
Bir gün dayanacaq döyünən ürək.
İllərlə oduna yandığın mələk,
Əl atıb saçını yola-yolmaya!

Güvənmə dövlətə, güvənmə vara,
Ömür tükənəndə gəlməyir kara.
Çox da bel bağlama nazlı nigara,
Bir dəfə qadanı ala-almaya.

Gül-çiçək bəsləmə hicran bağında,
Qüssə görünməsin al yanağında.
Yüz dəfə “can” deyən yar dodağında,
Bir zavallı adın qala-qalmaya.

Şiruyə, gərdişdən çox gileylənmə,
Yaranmış belədir, hədyan söyləmə.
Hər fərsiz övlada ümid eyləmə,
Üstündə nişana sala-salmaya.

* * *
Gəl, əlvida deyək, ay ana yurdum,
Bir də görüşümüz gümana qaldı.
Bizim başımızdan qəzalar əsdi,
Sənin cənnət qoynun yamana qaldı.

Lilparlı bulaqlar, gündə yüz kərə,
Dönüb baxarsınız keçən günlərə.
Sən, ey Kəmənd dağı, ey Sarı dərə,
Əlacımız aha, amana qaldı.

Şiruyəyəm, dərdin çağlayan dəniz,
Görən pozulmayıb saldığım o iz?
Ana-bala kimi görüşməyimiz,
Tanrı verəcəyi fərmana qaldı.

* * *
Adətimdi - əzəlimdən,
Şan-şöhrətə uymamışam.
Tamah nədir, nəfs nədir,
Onu yaxın qoymamışam.

Həyata iz salsam da mən,
Murazımı alsam da mən,
Bu dünyadan doysam da mən,
Məhəbbətdən doymamışam.

Şiruyəyəm, şərə lənət!
Bəsimdi haqq verən qismət.
Hər yaylığı namus, ismət,
Papağı ər saymamışam.

* * *
Hər gələn insana bir qonaq evi,
Həm beşikdi, həm nənnidi bu dünya.
Çap atını sağa, sola o ki var,
Çox uzundu, çox ennidi bu dünya.

Çoxlarına qismət etdi qızıl tac,
Rüstəmzalı yerə vurdu, aldı bac.
Çulu cırıq, başı açıq, qarnı ac,
Baxın görün nə günnüdü bu dünya.

İlki, sonu, nəhayəti bilinmir,
Məhəbbəti, sədaqəti bilinmir,
Ay Şiruyə, bir hikməti bilinmir,
Açılmayan düyünnüdü bu dünya.


* * *

Bir günlük, beş günlük deyil ülfətim,
Mən ömür dostuyam, mən il dostuyam.
Peymanım təmizdi, ilqarım möhkəm,
Həm ürək dostuyam, həm dil dostuyam.

Zaman da sınasın, il də sınasın,
Vətən də sınasın, el də sınasın,
Eşqimə baş əyən gül də sınasın,
Əsil dostlarımın əsil dostuyam.

Eşit bu hikməti, Şiruyə, sən də!-
Dostluq bir ürəkdi iki bədəndə.
Belə tapşırıbdı atam gedəndə:
Mən nəvə, nəticə, nəsil dostuyam.


Ramil CƏBRAYIL










SON XƏBƏRLƏR
Dünya üzrə qaçqınların sayı 70 milyonu keçdi - 70 ilin ən yüksək göstəricisi
Müəllimlərin maaşı konkret nə qədər artacaq? - AÇIQLAMA
Azərbaycan Türk fəlsəfəsindən yarpaqlar: MİRZƏ FƏTƏLİ AXUNDZADƏ
“Qobu Park”da məcburi köçkünlərlə bağlı festival keçirildi - FOTOLAR
Elmar Məmmədyarov Vaşinqtona gedib
Türkmənistan Prezidentinin oğlu qubernator oldu
"Bu gün Mübariz olduğun Gündür" - Palmali-nin prezidenti Milli Qəhrəman Mübariz İbrahimovu yad etdi
Maaş artımı dövlət işində çalışan 600 min nəfərə şamil olunacaq - ŞƏRH
"...Güc birlikdədir"
Azərbaycanın iki güləşçisi Avropa çempionu olub, biri bürünc medal qazanıb
Minimum aylıq əməkhaqqı 250 manat müəyyən edilib - 15 SƏRƏNCAM
“Qarabağ”ın Çempionlar Liqasındakı rəqibi məlum oldu
Qartal zirvədə uçar
Qarabağ həqiqətləri ilə bağlı çəkilən film İsveçdə nümayiş olunacaq
Rövşən Rzayev vətəndaşları qəbul edib
Fizuli Məmmədov diqqəti Azərbaycanda onkoloji xəstəliklərə və tibbi sığorta məsələsinə yönəltdi
"Ordumuzdakı helikopterlər uzaq məsafədən hədəfi dəqiq vurmağa qadirdir" – Müdafiə naziri
Bu gün Şəhid Mübariz İbrahimovun anım günüdür
Əli Əhmədov: “Azərbaycan tərəfinin Dağlıq Qarabağ münaqişəsinin ədalətli həlli üçün etdiyi cəhdlər nəticəsiz qalıb"
Atamın gündəliyi — “Xəyallarda qalan Laçın” xatirə gündəlikdən bir hissə
Bahar Muradova: “Ermənistanın qeyri-konstruktiv mövqeyi davamlı sülhə və birgə yaşayışa təhdid olaraq qalır”
Əflatun Amaşov qəzet və jurnallarla bağlı təklif verdi
Ukraynalı səfir alman siyasətçiləri satqınlıqda suçladı
Cənub zonasında Qarabağ müharibəsi əlil və veteranlarının asudə vaxtları təşkil olunacaq
Biləsuvarda Qadın sahibkarlığının inkişaf etdirilməsi mövzusunda tədbir keçirilib - FOTOLAR
Daha 300 avtobus avqustda istismardan çıxarılır - BNA-dan ANONS
Azərbaycan və Pakistan xüsusi təyinatlılarının birgə təlimləri keçiriləcək
Zakir Həsənov Gəncəyə düşən mərmidən DANIŞDI
Qənirə Paşayeva Murad Köhnəqalanın azadlığa buraxılmasına vasitəçi oldu
Milli Qurtuluş Günü münasibəti ilə Kürdəxanıda məcburi köçkünlər üçün tibbi aksiya keçirilib