Qarabag Media
Haqqımızda Əlaqə

Qoxuda və səsdə gizlənən vətən


Tarix:16-12-2019, 15:27 Kateqoriya:Manşet / Yazarlar

Qoxuda və səsdə gizlənən vətən

Söz vaxtına çəkər, yağışlı bir payız günü iş yerində kompüterdə nəsə redaktə edirdim. Fikrim tamamilə yazıda idi. Qəfil burnuma ardıc qoxusu gəldi və bu qoxunu o qədər gerçək hiss elədim ki, özümdən asılı olmadan sağa-sola boylandım. Elə bildim, kimsə əlində iri bir ardıc otağa daxil olub. Kompüterin yan-yörəsini yoxladım. Bəlkə, monitorun şüasından qorunmaq üçün yan-yörəyə kaktus-filan qoymuşdular?

Heç kim və heç nə yox idi!

Koridora çıxdım. Pəncərələrin qarşısında ardıc qoxusu verə biləcək bitki, gül, dibçək axtardım.

Bəlkə belə bir ətir vardı? Otağa qayıtdım. Qoxu yox idi. Onu bir anlıq kəskin şəkildə hiss edib, həmin andaca itirmişdim.

Yerimdə oturar-oturmaz qəfil bu ardıc qoxusunun hardan gəldiyini, şüuraltıma niyə bu qədər güclü təsir etdiyini anladım!

Bildiyiniz kimi, insanda həm göz, həm səs, həm təmas, həm də dad yaddaşı olur. Məncə, bir də yaradılış yaddaşı var. Bunu bəlkə, genetik yaddaşın tərkib hissəsi kimi anlamaq lazımdır. Biz bu yaddaşın köməyi ilə uzaq və yaxın keçmişdən qeyri-şüuri nələrsə xatırlaya, hiss edə bilirik.

Laçında, Ağbulaqda, evimizin qarşısında sinəsi ayaqdan-başa ardıclıq olan böyük bir dağ vardı. Yerlə sürünən bu iynəyarpaqlı bitkilərdən kəskin qoxu gəlirdi. İllah da yağış yağanda ətrafa elə yayılırdı, az qala səsini eşidirdin. Əslində, bu qoxunun içində səs də vardı; ardıclıq olan dağla bizim evin arasından çay axırdı!

Mən o çayın səsini indi, o çaydan 500 km uzaqda daha aydın eşidirəm. Orda o qədər eşitmişdim ki, gözəl filmlərdə yerinə oturan musiqi kimi fərqinə varmamışdım.

Yurd böyük anlayışdır!

Mən daha çox buddizm haqqında oxuyanda insanın doğulduğu torpağın, daşın, çəmənin bir parçası olduğunu bütün mahiyyəti ilə anladım. Bir həqiqəti beyinlə, düşüncəylə anlamaq başqa, bədənlə anlamaq başqadır.

Ardıcların qoxusu bədənimin həqiqəti idi.

Ağlın öz yurduna can atması məntiqli, ürəyin can atması kədərli, bədənin can atması təbiidir. Bu canatmanın qarşısında illərin həsrəti dayanarsa, faciə başlayır və sən bu faciəni beyninlə də, ürəyinlə də, bədəninlə də hiss edirsən.

Mən o çayın ardıc qoxusuna bürünmüş laylasında böyümüşəm. Təkcə ruhumda, düşüncəmdə deyil, canımda, qanımda, bədənimdə də o qoxudan, o səsdən nəsə var.

Bir yağışlı payız günü kompüterin qarşısında dünyadan qopmuş halda işləyən vaxt məni yerimdən oynadan qanımdakı, canımdakı, bədənimdəki ardıc qoxusu idi.

Mən o qoxunu və o səsi Laçınla bağlı hər şeydə axtarmışam. Ona görə o yerlərin insanları ilə ünsiyyətdən doymuram. Yazı yazdıqca da o qoxunu, o səsi, Tanrının o qoxu və o səslə nə demək istədiyini insanlara çatdırmaq istəmişəm. Eyni zamanda, o qoxuya və o səsə həsrət qalmağın dözülməz ağrısından şikayətlənmişəm.

Dua etmişəm ki, tale məni ömrüm boyu bu həsrətdə qoymasın.

İnsan bədəni hardan yarandığını unutmur və gec-tez ora qovuşmaq istəyir. Əminəm, doğulduğun yurdda torpağa tapşırıldınsa, bütün sızıltılar canından çıxır, sözün həqiqi mənasında əbədi yuxuya dalıb rahatlayırsan. Çünki çevrə qapanır və cəmiyyətdən əfzəl təbiətin ilahi harmoniyası bərqərar olur.

Yaş artdıqca təkcə adamın canı yurd-yuvasını çəkmir, həm də yurd-yuvasının canı adamı çəkir.

Allah bizi-bizdən əbədi ayırmasın!

Şərif AĞAYAR,
"Vətən səsi" qəzeti

______________________________________________________________________________________________________










SON XƏBƏRLƏR
20 Yanvar faciəsindən 2 gün öncə nə baş vermişdi? - Xaçmazdakı olayın şok DETALLARI
20 Yanvar hadisələrindən 30 il ötür
Ölkəyə qanunsuz dərman gətirənlər saxlanıldı - FOTO
Hindistanda K-4 ballistik raketi sınaqdan keçirilib
Ömrünü vətəni üçün fəda edən, mis kasa ilə başlayıb milyonluq miras qoyan Qərib
Deputatlığa namizəd polkovnik Mehdi Mehdiyev Ceyranbatan qəsəbəsində şəhid ailələrini ziyarət edib
İran Ukraynanın xahişini yerinə yetirdi – Qara qutu göndərildi
Prezident İlham Əliyevin rəsmi "Facebook" səhifəsində 20 Yanvar faciəsinin 30-cu ildönümü ilə bağlı paylaşım edilib - VİDEO
Rusiyadan anası tərəfindən zorla Bakıya gətirilən 18 yaşlı qız ölkəsinə yola salınıb
MSK DSK-nın qərarını ləğv edib
Polkovnik Mehdi Mehdiyev seçki təşviqatına başladı - "VƏTƏNƏ XİDMƏT, XALQA SƏDAQƏT!
Mahir Abbaszadə Laçınlı seçicilərlə görüşlərə Sumqayıtdan start verdi - FOTOLAR
BQXK nümayəndələri Dilqəm Əsgərov və Şahbaz Quliyevə baş çəkib
Abşeron Gənclər Şəhərciyində yanğın başlayıb
Bu gün Milli Qəhrəman Mətləb Quliyevin doğum günüdür - VİDEO
MSK ödənişli təşviqat aparacaq KİV-lərin siyahısını AÇIQLADI
HAVA XƏBƏRDARLIĞI: 5 dərəcə şaxta olacaq, yollar buz bağlayacaq
Almaniya Bundestaqının deputatı: "Qarabağ Azərbaycana aiddir"
Kürdlər 34 İŞİD üzvünü sərbəst buraxıblar
Putin və Ərdoğan İstanbulda danışıqlara başlayıb
Qudasını qaçıran Rizvanın arvadı: "Ərimə yalvardım ki, balamın üstündən oyun oynama"
İlham Əliyev iranlı və ukraynalı həmkarlarına başsağlığı verdi
Xamneyi: “Axşamkı hücumla amerikalılara yalnız şillə vurduq, intiqam qarşıdadır”
ABŞ Ağ Evin təhlükəsizliyini gücləndirib
Nərminin başına açılan dəhşət - Başını əzib, dırnaqlarını kəsiblər
Şəhid hərbçimiz torpağa tapşırıldı – FOTO
Ruhani: “Regiondan amerikalıların ayaqları kəsiləcək”
Sabaha olan hava proqnozu açıqlanıb
Çavuşoğlu İraqa danışıqlara gedir
“Bu adamlara izah olunmalıdır ki, siz belə avtomobillərlə yola çıxarkən böyük təhlükə doğurursunuz...”