Qarabag Media
Haqqımızda Əlaqə

Zəngilan necə işğal edildi? – Erməni general açıqladı


Tarix:12-12-2019, 15:06 Kateqoriya:Manşet / Qarabağ

Zəngilan necə işğal edildi? – Erməni general açıqladı

1992-ci ildə Qarabağ müharibəsinin qızğın çağında Ermənistanın o dövrdəki müdafiə naziri Vazgen Manukyan erməni general-polkovniki Yuri Xaçaturova nəyin bahasına olursa olsun, Zəngilan rayonunu işğal etmək barədə əmr verib.

Karabakhmedia.az xəbər verir ki, bunu erməni nəşrinə Xaçaturovun özü deyib.

Onun sözlərinə görə, Ermənistanın müdafiə naziri bütün cəbhə boyu ağır vəziyyətin müşahidə olunduğundan xəbərdar olub.

“Biz bir neçə istiqamətdə nəzarəti əldən verirdik. Manukyan mənə qeyri-adi nə isə etməli olduğumu dedi. Mən ona Qafan rayonundakı yüksəkliyi nəzarət altına götürməyi təklif etdim. Bu yolla biz düşmənə avtomatlardan belə atəş aça biləcəkdik. Bu dağı nəzarət altına götürsək, sərhədi özümüzdən uzaqlaşdıracaqdıq və düşmən Qafanı müşahidə edə bilməyəcəkdi . Sonrakı hədəf Zəngilana qədər irəliləmək idi”, – deyə erməni general qeyd edib.

Manukyan Xaçaturovu Qafan əməliyyatına rəhbər təyin edib.

“Mənim vəzifəm Qafan istiqamətindən Zəngilana hücum etmək idi, biz buna 15 gün ərzində hazırlaşdıq. Noyabrın 25-26-sı gəldim və bir sıra tədbirlər keçirdim. Əvvəlcə düşmənin iki batalyonunun yerləşdiyi məntəqəni almalı idik. Ora Zəngilandan 6-7 km aralıda yerləşirdi. Düşmən bu məntəqədən bütün massivə nəzarət edirdi. Döyüşdən öncə 300 könüllüdən ibarət batalyon yığdım. Biz ciddi şəkildə hazırlaşırdıq, hər şeyi gizli edirdik, düşmən heç nədən şübhələnmirdi.

Kəşfiyyat çox gizli şəkildə aparılırdı, bizim onların dörd mövqeyini yaxın məsafədən gecə və gündüz izlədiyimizi hiss etmirdilər. Onların bizi gözləmədiyini anladıq və dekabrın 10-da hücum etmək qərarına gəldik. Əməliyyata sübh tezdən saat 6-da başladıq”, – deyə Xaçaturov bildirib.

Onun sözlərinə görə, əvvəlcə düşmən mövqelərinə yaxın olanlar hücuma keçib:

“Təsəvvür edin , 20 əsgər eyni vaxtda qumbara atdı. Onlar bizim kəşfiyyatçılar idi. Sonra piyadalar hücuma keçdi. Biz o məntəqəni ələ keçirə bildik. Daha sonra Zəngilana doğru irəliləmək lazım idi. Ancaq mən tutduğumuz strateji mövqelərdə də əsgər saxlamalı idim. Bu səbəbdən Zəngilana hücum üçün az sayda əsgər qaldı. Zəngilana hələ ki hücum etməmək qərarı aldım ki, bu anda faciə baş verdi. İrəlidə hərəkət edən yeddi nəfər kəşfiyyatçının radiostansiyası xarab olmuşdu və mən onlara bu barədə xəbərdarlıq göndərə bilmədim. Bəlkə də 100 dəfə onlarla əlaqə yaratmağa cəhd etdim. Başda “Mikrob” ləqəbli kəşfiyyat rəisi olmaqla, onların hamısı öldürülmüşdü”, – deyə erməni general davam edib.

O deyib ki, Qafan əməliyyatı uğursuz olardısa, nə Ağdam, nə Zəngilan, nə də Cəbrayılı ələ keçirmək mümkün olacaqdı./Axar.az/

_________________________________________________________________________________________________________










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”