Qarabag Media
Haqqımızda Əlaqə

Nazim Əhmədlinin "Unutduğum göy üzü" adlı kitabının təqdimat mərasimi keçirilib - FOTOLAR


Tarix:30-11-2019, 12:40 Kateqoriya:Manşet / Cəmiyyət

Nazim Əhmədlinin "Unutduğum göy üzü" adlı kitabının təqdimat mərasimi keçirilib - FOTOLAR

Yusif Nəğməkar: "Bir var, anadan şair doğulanlar, bir də var ki, adi cızmaqaraçılar. Nazim təbiətən, vergili şairdir"

Dünən Azərbaycan Yazıçılar Birliyinin (AYB) "Natəvan" klubunda şair, publisist Nazim Əhmədlinin "Unutduğum göy üzü" adlı şeirlər kitabının təqdimat mərasimi keçirilib.

Mərasimdə tanınmış ədəbiyyat, incəsənət xadimləri, oxucular və media nümayəndələri iştirak ediblər.

Tədbiri giriş sözü ilə açan AYB-nin katibi Rəşad Məcid müəllifi qurumun rəhbərliyi, katiblik adından təbrik edib, ona yeni-yeni yaradıcılıq uğurları arzulayıb, onunla tanışlığından söz açıb:

"Nazimi uzun illərdir tanıyıram, birlikdə işləmişik. Amma mənim onunla tanışlığım 1979-cu ilə təsadüf edir. Onda mənim 15 yaşım vardı, tez-tez nənəmgilin Laçındakı evinə gedərdim. Nazimin şeirləri də "Laçın" jurnalının az qala hər nömrəsində çap olunurdu. Həmin il də "Azərbaycan" jurnalının iyun nömrəsində xeyli şeiri verilmişdi. Mən o şeirləri oxuyub, bir çoxunu əzbərləmişdim. Biz Ağoğlan kəndində olurduq, Nazim isə bizdən yuxarıdakı Əhmədli kəndindən idi. Bir gün təsadüfən onu Laçın-Minkənd avtobusunda gördüm. Yanında oturub, şeirləri haqqında danışdım, xoş sözlər dedim. Bir saatlıq söhbətimizdə Nazimin həm də necə xoşxasiyyət insan olduğunu gördüm. Mən elə bilirdim ki, belə şeirlər yazan adam artıq Ədəbiyyat İnstitutunda oxumuş olar. Amma Nazim bizim bu görüşümüzdən hələ 2 il sonra - 1981-ci ildə Moskvada Qorki adına Ədəbiyyat İnstitutuna daxil oldu. Həmişə hər yerdə deyirəm ki, mənim ilk dəfə canlı gördüyüm şair Nazim Əhmədli olub. O, çox yaxşı ailə başçısıdır. Mən onun övladlarıyla qürur duyuram. Nazim hər bir işə məsuliyyətlə yanaşan insandır. Şeirlərində gənclik havası var, onlar oxucuya ruh verir, fərqli duyğular yaşadır".

Tədbirin aparıcısı, şair Yusif Nəğməkar çıxışında deyib:

"Bir var, anadan şair doğulanlar, bir də var ki, adi cızmaqaraçılar. Nazim təbiətən, vergili şairdir. "Unutduğum göy üzü" Laçının göy üzüdür. O göy üzü sanki artıq həqiqətən də unudulub. Amma biz onu unudulmağa qoymamalıyıq".

Yazıçı Səfər Alışarlı Moskvada Nazim Əhmədliylə birlikdə oxuduğunu deyib, xatirələrindən söz açıb:

"Bizim Moskvada keçirdiyimiz o illər bilavasitə ədəbiyyatla, poeziyayla bağlı olub. Amma bu zamanda şair kimi qalmaq böyük hünər, mənəvi qəhrəmanlıqdır və Nazim bunu bacarıb".

Aktrisa Zülfiyyə Eldarqızı deyib ki, Nazim Əhmədli son dərəcə mütəvazi, iddiasız, sadə insandır:

"Onun işi başını aşağı salıb şeirini yazmaqdır. Mən çox təəssüf edirəm ki, belə bir insanı gec tanımışam. Onun gəraylıları qeyri-adidir. Ənənəvi şeirin içərisində yeni söz, yeni ruh var". Daha sonra aktrisa şairin "Unutduğun göy üzü" kitabından "Adam kədərdən yıxılır", "Bir az ürəyimdə qal" şeirlərini səsləndirib.

Nazim Əhmədliylə tanışlığından söz açan yazıçı Səyyad Aran deyib:

"O qədər abırlı, həyalı insandır ki, heç zaman özündən bəhs etməyib. Hər zaman ya şeirləri, ya da dostları onun barəsində danışıb. Məhz bu xüsusiyyəti onun yaradıcılığına mane olub. Mən çox istərdim ki, Nazim layiq olduğu dəyəri görsün".

Daha sonra qonaqlardan Maşallah Məftun, Rəfiqə Abbasova, ədəbiyyatşünas Qurban Bayramov və başqaları müəllifi təbrik edib, ona yeni yaradıcılıq uğurları arzulayıblar.

Nazim Əhmədli kitabın çapındakı dəstəyinə görə AYB rəhbərliyinə təşəkkür edib, tədbirdə iştikar edənlərə və çıxışçılara minnətdarlığını bildirib. Yeni nəşrdəki bir neçə şeirini qonaqlar üçün səsləndirən şair sonda oxucular üçün kitab imzalayıb./525.az/

Nazim Əhmədlinin "Unutduğum göy üzü" adlı kitabının təqdimat mərasimi keçirilib - FOTOLAR

Nazim Əhmədlinin "Unutduğum göy üzü" adlı kitabının təqdimat mərasimi keçirilib - FOTOLAR

Nazim Əhmədlinin "Unutduğum göy üzü" adlı kitabının təqdimat mərasimi keçirilib - FOTOLAR

Nazim Əhmədlinin "Unutduğum göy üzü" adlı kitabının təqdimat mərasimi keçirilib - FOTOLAR

Nazim Əhmədlinin "Unutduğum göy üzü" adlı kitabının təqdimat mərasimi keçirilib - FOTOLAR

Nazim Əhmədlinin "Unutduğum göy üzü" adlı kitabının təqdimat mərasimi keçirilib - FOTOLAR

Nazim Əhmədlinin "Unutduğum göy üzü" adlı kitabının təqdimat mərasimi keçirilib - FOTOLAR

Nazim Əhmədlinin "Unutduğum göy üzü" adlı kitabının təqdimat mərasimi keçirilib - FOTOLAR

Şahanə Müşfiq
____________________________________________________________________________________________________________










SON XƏBƏRLƏR
Azərbaycan və İran arasında viza rejiminin ləğvi gündəlikdədir - İran XİN
Növbədənkənar seçkilərdə iştirak edəcək partiyaların sayı 9-a çatıb
Məcburi köçkünlər arasında futbol turniri keçiriləcək
"Belə çıxır ki, Ermənistan XİN rəhbəri görüşlərə sanki çay içməyə gəlir"
İlham Əliyev "20 Yanvar faciəsinin otuzuncu ildönümü haqqında" sərəncam imzalayıb
"Qarabağ" avrokuboklardan nə qədər qazandı? - Məbləğ
Əlcəzairin yeni prezidenti məlum olub
Gürcü tarixçi İrəvan xanlığı haqda kitab yazdı
Jurnalist Zənurə Talıbova departament rəhbəri oldu
Xudu Məmmədov nəhəngliyi...
Nazarbayev Darxan Kıdıralini "Birlik" qızıl medalı ilə təltif etdi
Saxta “Qarabağ veteranı” adı verən, əlillik dərəcəsi düzəldən dələduzlar ifşa olundu
Parlament seçkilərini AŞPA-nın 30 nəfərlik müşahidə missiyası izləyəcək
Davudoğlu yeni partiyasını elan edib
Prezident “Laçın” tankerinin istismara verilmə mərasimində - FOTOLAR
Sovet vaxtı bayrağımızı Qız Qalasından asan qəhrəmanın naməlum taleyi: “Bəlkə də ölməyib, yaşayır” - EKSKLÜZİV MÜSAHİBƏ
Bu gün Cabir Novruzun anım günüdür
“Ermənistan hansı haqla sülhdən danışır?” - İcma rəhbəri bəyanat yaydı
Bakı metrosu “Qarabağ”ın oyununa görə bu gün yarım saat artıq işləyəcək
Pambıq qəbulu məntəqələrinə 293 min tondan çox məhsul təhvil verilib
Təxirə salınan əməliyyat
Rusiya XİN Qarabağ münaqişəsi haqqqında: "Əlimizdən gələni edəcəyik ki..."
Zəngilan necə işğal edildi? – Erməni general açıqladı
Azərbaycan Prezidenti və ailəsi Heydər Əliyevin məzarını ziyarət edib
12 dekabr – Ümummilli lider Heydər Əliyevin anım günüdür
Ölkəmizdə “Vikipediya” hərəkatı öz müsbət nəticəsini verir
Azərbaycanlı tələbə erməni rəqibinə 10:0 hesabı ilə qalib gəldi
TARİXİ HƏQİQƏTLƏR VƏ ERMƏNİ UYDURMALARI
İran İstanbul sammitinə dəvət edilmədi
Mikayıl Gözəlov öldürülməsəydi...