Qarabag Media
Haqqımızda Əlaqə

Moldovada təhsil alan tələbə: "Vətəndən uzaq olsaq da, vətənləyik" - FOTOLAR


Tarix:18-11-2019, 10:47 Kateqoriya:Manşet / Müsahibə

Moldovada təhsil alan tələbə: "Vətəndən uzaq olsaq da, vətənləyik" - FOTOLARAzərbaycandan kənarda yaşayan və fəaliyyət göstərən həmyerlilərimiz, xüsusilə də Azərbaycan gəncləri hansı ölkədə olurlarsa olsunlar, ürəkləri vətənlə döyünür və Azərbaycan həqiqətlərinin, mədəniyyətinin tanıdılmasında fəallıq göstərirlər. Belə gənclərdən biri də Moldovada təhsil alan azərbaycanlı gənc Laçın Cəbrayılovdur.

Onunla söhbətimizi təqdim edirik:

– Laçın bəy, Moldovada təhsil alırsınız, istərdik, sizi daha yaxından tanıyaq.

–1993-cü il noyabrın 15-də Laçın rayonunun Ələkçi kəndində doğulmuşam. Körpəliyim müharibə dövrünə təsadüf edib. Ermənistanın Dağlıq Qarabağa və ətraf rayonlara, eləcə də Laçına hücumu nəticəsində dogma yurdumuzdan məcburi köçkün düşmüşük. Təhsilimi Bakı şəhəri Xətai rayonu 59 saylı orta məktəbdə almışam. Hazırda dövlət xətti ilə Moldovanın Kişinyov şəhərində beynəlxalq əlaqələr və iqtisadiyyat üzrə təhsil alıram. İkinci kurs tələbəsiyəm.

–Dərsdən kənar hansı fəaliyyətlə məşğul olursan? Azərbaycan mədəniyyətinin, Qarabağ həqiqətlərinin tanıdılması işlərində bizim tələbələrimiz Moldovada hansı işləri görürlər?

– Əlbəttə, biz xaricdə təhsil alsaq da, burada ölkəmizin təbliğatçılarıyıq. Vətəndən uzaq olsaq da, vətənləyik. Azərbaycandan olduğumu biləndə, ölkəmiz barədə soruşurlar, onları maraqlandıran mövzularda söhbətlər edirik. Çalışıram ki, hər bir moldovalı, eləcə də digər ölkələrdən olan xarici tələbələr ölkəmiz barədə ətraflı məlumat əldə etsin. Mən Moldova Azərbaycan Tələbə Birliyinin sədri kimi fəaliyyət göstərirəm. Dərsdən kənar fəaliyyətlər zamanı bir sıra işlər görürük, tədbirlər təşkil edirik. Hazirda 23 azərbaycanlı tələbə Moldovada təhsil alır. Səfirliyimiz, eləcə də disaporumuz bizlərlə maraqlanır, dəstək göstərirlər. “Xocalıya ədalət” kampaniyasına dəstək olaraq, Qarabağ həqiqətlərini Moldova ictimaiyyətinə daha ətraflı çatdırmaq üçün sosial şəbəkələrdə mən də daxil olmaqla, tələbələr fəallıq göstərir. Feysbuk sosial şəbəkəsində “Justice For Khojaly Moldova” səhifəsində xarici dillərdə məlumatlar paylaşırıq. Bir sözlə, Qarabağ həqiqətlərini moldovalı yaşıdlarımıza çatdırmaq üçün əlimizdən gələni edir, tədbirlərdə çıxışlar edirik. Mən Qarabağda doğulduğumu, lakin Ermənistanın Laçını işğalı nəticəsində oradan ailəmlə məcburi köçkün düşdüyümü, doğma evimizə qayıda bilmədiyimi hər zaman vurğulayıram.

–Qaqauz gənclərlə əlaqələriniz necədir?

– Bilirsiniz ki, Moldovada yaşayan qaqauzlar Azərbaycan xalqı üçün doğmadır, həm qaqauz, həm də Azərbaycan xalqlarını tarixi milli tellər bağlayır.Odur ki, əlaqələrimiz çox yaxşıdır. Qaqauz dostlarımızla mütəmadi ünsiyyətdə oluruq, əməkdaşlıq edirik. Moldovada fəaliyyət göstərən səfirliyimiz, diaspor təşkilatlarımız da əlaqələrimizin inkişafına öz töhfələrini verirlər. Qaqauzlarla Azərbaycan xalqı arasında dini fərqlilik olsa da, adətlər, ənənələr, dil birliyi xalqların doğmalığını bir daha göstərir. Türklük telləri bizləri bir-birimizə bağlayır. Qaqauzların Azərbaycana sevgisi böyükdür. Azərbaycanın çətin dövründə Qaqauz elindən xalqımıza yardımlar edilib, dəstək göstərilib. Bu gün də o qardaş həmrəyliyi davam edir. Ölkmizin Moldovadakı fövqəladə və səlahiyyətli səfiri Qudsi Osmanov, eləcə də Moldovada diaspor təşkilatının rəhbəri Vüqar Novruzov əlaqələrimizin daha da inkişafı üçün çalışırlar. Azərbaycanla bağlı keçirilən tədbirlərdə Qaqauziyanın da rəsmi şəxsləri iştirak edirlər.

–Bir müddət əvvəl Qaqauziya Prezidenti ilə görüşünüz sosial mediada maraqla qarşılandı, qaqauz səhifələrində geniş yayımlandı. İstərdik, bu yaddaqalan görüş barədə danışasınız.

–Qaqauz Yeri Muxtar Ərazisinin rəhbəri İrina Vlaxa “Mənim Azərbaycanım” beynəlxalq jurnalı tərəfindən təsis olunmuş “Azərbaycanın Dostu” Qızıl Ordeninin təqdim olunma mərasiminə qatılmışdı. Tədbir Moldovadakı səfirliyimizdə keçirilmişdi. Tədbirdə “Mənim Azərbaycanım” beynəlxalq jurnalının baş redaktoru Emil Nəsirli İrina Vlaxaya orden təqdim etdi. Bu möhtəşəm tədbirdə qaqauz və Azərbaycan xalqları arasındakı əlaqələrə toxunuldu. Azərbaycan və Qaqauz Yeri arasında müxtəlif sahələrdə əməkdaşlığın vacibliyi vurğulandı. Azərbaycan – Qaqauz dostluğunun möhkəmləndirilməsi istiqamətində fəaliyyətinə görə İrina xanıma təşəkkür edildi.

Qaqauz Yerinin rəhbəri qaqauz xalqına verilən dəstəyə görə Azərbaycanın ünvanına təşəkkürlərini səsləndirdi. O, Azərbaycan Prezidenti İlham Əliyevlə görüşü barədə təəssüratlarını bölüşdü, Azərbaycan Prezidentinin Moldovaya, o cümlədən Heydər Əliyev Fondunun investisiyaları hesabına böyük mədəniyyət mərkəzinin tikildiyini vurğuladı, əlaqələrimizin bundan sonra da davamlı olacağını qeyd etdi. Bu yaddaqalan tədbirdən sonra Azərbaycanı sevən qaqauz rəsmisi olan İrina xanımla xatirə şəkli çəkdirdik. Sevinirəm ki, hər iki türk xalqı arasında əlaqələr inkişaf edir və biz xaricdə oxuyan gənclər də bu əlaqələrə öz töhfəmizi verməyə çalışırıq.

Moldovada təhsil alan tələbə: "Vətəndən uzaq olsaq da, vətənləyik" - FOTOLAR

Moldovada təhsil alan tələbə: "Vətəndən uzaq olsaq da, vətənləyik" - FOTOLAR

Moldovada təhsil alan tələbə: "Vətəndən uzaq olsaq da, vətənləyik" - FOTOLAR


Əfsanə ƏLƏSGƏRLİ,
“Xalq qəzeti”

________________________________________________________________________________________________










SON XƏBƏRLƏR
Həyatı mübarizə ilə dolu görkəmli tarixçi alim — Bu gün Sara Aşurbəylinin doğum günüdür
Türkiyədə zəlzələdə ölənlərin sayı 39-a çatdı
Azərbaycanda sosial-fəlsəfi fikrin təbliğində Əddin Şakirzadənin rolu - II YAZI
Polis Bakıda əməliyyat keçirib, silahlı şəxslər həbs ediliblər
Cenevrə görüşü Qarabağ probleminin həllinə nə verəcək?
Əfqanıstanda içərisində 83 nəfərin olduğu təyyarə qəzaya uğrayıb
Qorxulu virus Çinin sərhədlərini aşır
Azərbaycan Çinə uçuşları müvəqqəti dayandırır
Böyük hökmdarın son mənzili - Orada Şah İsmayıl və babası yatır – FOTOLAR
Rüşvət alan 6 rayonun təhsil şöbəsinin müdiri işdən qovulub - Ceyhun Bayramov
Azərbaycan və Ermənistan XİN başçılarının görüşünün vaxtı və yeri açıqlanıb
Koronavirusa qarşı peyvənd varmı? - AÇIQLAMA
Mahir Abbaszadə Yasamalda məskunlaşmış laçınlılarla görüşüb - FOTOLAR
Mehdi Mehdiyev Novxanı və Güzdək qəsəbələrində seçicilərlə görüş keçirib - FOTO
Türkiyə Prezidenti Elazığa səfər edib
Mahir Abbaszadə Qobu park yaşayış kompleksində laçınlı seçicilərlə görüşüb - FOTOLAR
Bakıda küçə iti dişləyən 4-cü sinif şagirdi öldü
Əfqanıstanda hərbi helikopter raketlə vurulub
Özbəkistanın yeni hökuməti təsdiqləndi
Türkiyədəki zəlzələni yerini və şiddətini öncədən deyən professor...
Qırx mindən çox şəxsə elektron qaydada pensiya, müavinət və təqaüd təyin edilib
Azərbaycanda peşəkar yazıçı yoxdur
İlham Əliyev Ərdoğana başsağlığı verdi
Türkiyədə zəlzələ bölgəsində 922 nəfər yaralı var
Akademiklərin yazdığı 7 cildlik “Azərbaycan tarixi”nə sərt tənqidlər səngimir
Azərbaycan əsgərinə yeməyə nə verilir? – Rəsmi açıqlama
AZƏRBAYCANDA 9 GÜN DƏRS OLMAYACAQ
Rəsmi Bakı: “Türkiyəyə hər cür yardım göstərməyə hazırıq”
İcma: İşğal altındakı abidələrimiz “bərpa” adı altında erməniləşdirilir
Türkiyədə zəlzələ qurbanlarının sayı artır