Qarabag Media
Haqqımızda Əlaqə

Azərbaycan hərbi sahəyə Ermənistandan 6 dəfə çox pul xərcləyir


Tarix:7-11-2019, 14:27 Kateqoriya:Manşet / Gündəm

Azərbaycan hərbi sahəyə Ermənistandan 6 dəfə çox pul xərcləyir“Eurasianet.org” saytı Qafqaz və Orta Asiyada gedən ictimai-siyasi prosesləri diqqətdə saxlayır. ABŞ-ın siyasi dairələrinə bağlı olan bu media orqanında Ermənistan və Azərbaycanın hərbi xərcləri ilə bağlı gedən yazıda bir çox maraqlı məqamlar var.

Məsələn, sayt rəsmi mənbələrə istinadən yazır ki, Azərbaycan 2009-2018-ci illərdə hərbi qüdrətini gücləndirmək üçün 24 milyard dollar xərcləyib. Ermənistan isə eyni vaxt kəsimində hərbi sahəyə 4 milyard dollardan bir qədər çox pul ayıra bilib. İki ölkə arasında Dağlıq Qarabağla bağlı münaqişə mövcuddur və istənilən an müharibə yenidən qızışa bilər.

İsveç Krallığının paytaxtı Stokholmda yerləşən Beynəlxalq Sülh Araşdırmaları İnstitutunun (Stockholm International Peace Research Institute (SIPRI) hesabatına söykənən araşdırmada vurğulanır ki, neftlə zəngin olan Azərbaycan hərbi sahəyə Ermənistana nisbətdə 6 dəfə çox pul xərcləyir. Ötən il Ermənistan hərbi xərclərə dövlət büdcəsinin 21 faizini ayırıb. Azərbaycan isə 11 faizlə kifayətlənib.

Əhalisinin 26 faizi rəsmən kasıb olan Ermənistan üçün bu həddən artıq çoxdur və ölkə büdcəsinin formalaşmasında ciddi gərginlik yaradır. Təbii ki, Ermənistan silahlanma yarışında Azərbaycana uduzduğunun fərqindədir. Ancaq bundan artığını da etməyə gücü çatmır.

Rusiya hər iki ölkəyə silah satır. Ermənistan Kollektiv Təhlükəsizlik Müqaviləsi Təşkilatının üzvü olduğuna görə Rusiyadan silahları daha ucuz qiymətə alır. Buna cavab olaraq Azərbaycan İsraildən silah idxalını gücləndirir.

SİPRİ-nin məlumatına görə, 2014-2018-ci illərdə Azərbaycan İsraildən ən çox silah alan ikinci ölkə olub və İsrailin silah ixracının 17 faizi Azərbaycanın payına düşüb.

Hələ 2016-cı ildə Prezident İlham Əliyev bəyan etmişdi ki, Azərbaycan İsraildən 4.85 milyard dollarlıq silah alıb. İsrail isə 2018-ci ildə Azərbaycandan 1.3 milyard dollarlıq mal idxal edib. Söhbət əsasən neftdən gedir və bu, Azərbaycanin ixrac etdiyi malların 7 faizi qədərdir.

Ermənistanın isə Rusiya iqtisadiyyatından asılılığı getdikcə artır. Güney Qafqazda gedən bu silahlanma yarışında neft və dollara sahib olan Azərbaycanla Ermənistan dramının (pul vahidi) rəqabəti sonuncunu çıxılmaz vəziyyətə salıb.

Elbəyi Həsənli, Sürix
Musavat.com

______________________________________________________________________________________________________










SON XƏBƏRLƏR
Sovet vaxtı bayrağımızı Qız Qalasından asan qəhrəmanın naməlum taleyi: “Bəlkə də ölməyib, yaşayır” - EKSKLÜZİV MÜSAHİBƏ
Bu gün Cabir Novruzun anım günüdür
“Ermənistan hansı haqla sülhdən danışır?” - İcma rəhbəri bəyanat yaydı
Bakı metrosu “Qarabağ”ın oyununa görə bu gün yarım saat artıq işləyəcək
Pambıq qəbulu məntəqələrinə 293 min tondan çox məhsul təhvil verilib
Təxirə salınan əməliyyat
Rusiya XİN Qarabağ münaqişəsi haqqqında: "Əlimizdən gələni edəcəyik ki..."
Zəngilan necə işğal edildi? – Erməni general açıqladı
Azərbaycan Prezidenti və ailəsi Heydər Əliyevin məzarını ziyarət edib
12 dekabr – Ümummilli lider Heydər Əliyevin anım günüdür
Ölkəmizdə “Vikipediya” hərəkatı öz müsbət nəticəsini verir
Azərbaycanlı tələbə erməni rəqibinə 10:0 hesabı ilə qalib gəldi
TARİXİ HƏQİQƏTLƏR VƏ ERMƏNİ UYDURMALARI
İran İstanbul sammitinə dəvət edilmədi
Mikayıl Gözəlov öldürülməsəydi...
Ayaz Mütəllibovdan deputatlığa namizəd olacağı xəbərlərinə REAKSİYA
Səudiyyə restoranlarına kişilər və qadınlar eyni qapıdan girəcək
Məşhur şahmatçı deputatlığa namizəd olacaq
Heydər Əliyev Fondundan Oqtay Gülalıyevlə bağlı - AÇIQLAMA
Azərbaycanlı həkim 5,3 milyon avro mükafat aldı
Məcburi köçkün gənclər kiçik sahibkarlıq fəaliyyətinə başlamaq üçün avadanlıqlarla təmin edilib - FOTOLAR
Zeynəb Xanlarova növbədənkənar seçkidə namizəd olacaq? - Köməkçisindən AÇIQLAMA
Elsevər Ağayev: “Şprislərin yoxlanılması üçün laboratoriyalar quraşdırılacaq”
Təhsil naziri Sumqayıt şəhərində vətəndaşları qəbul edəcək
İlham Əliyev BP qrupunun baş icraçı direktorunu qəbul edib
“Qarabağ”ın oyununa bu qədər az maraq olmamışdı
Bu gün Beynəlxalq Dağlar günüdür
Yanvarın 1-dən pensiyalar artırılacaq
Prezidentlərin görüşündə işıq söndü
Ziya Bünyadovun oğlu vəfat etdi