Qarabag Media
Haqqımızda Əlaqə

“Bu köç Qaradağa gedir - Bu köç Qarabağa getmir...”


Tarix:18-10-2019, 19:06 Kateqoriya:Manşet / Yazarlar

Arif Məmmədli: “Biz əsl rahatlığı, əsl səadəti düşməndən azad olunmuş torpaqlarımızda tapacağıq...”

“Bu köç Qaradağa gedir -  Bu köç Qarabağa getmir...”

Bu günlərdə Qaradağ rayonunun Qobu qəsəbəsində inşa olunmuş “Qobu-2” qəsəbəsinə paytaxt ərazisindəki bir neçə yataqxanada məskunlaşmış Qarabağ qaçqınlarının növbəti köçü başlayıb. Əlbəttə, 30 ilə yaxın ağır, bəzən çox dözülməz şəraitlərdə yaşamağa məcbur olmuş didərginlər üçün yeni mənzillərlə təmin olunmaq böyük sevincdir. Ancaq Qarabağ torpaqlarının həsrətini ürəyində yaşadan, xüsusən ömrünün xeyli hissəsini işğal altındakı o yurdlarda keçirmiş orta və yaşlı nəsil nümayəndələrinin qəlbini bu yeni köç ərəfəsində sevinc hissindən çox qəm, dərd bürüyür... Çünki onların on illərlə can atdığı arzu hələ də gerçəkləşmir: məcburi köçkünlər bu dəfə də Qarabağa deyil, Qaradağa köçürlər...

Bəhs edilən sarsıdıcı duyğuları yeni Bakı-Qaradağ-Qobu köçünün yolçularından biri, tanınmış vətən həsrətli şair-jurnalist, “Laçın yurdu” jurnalının baş redaktoru Arif Məmmədli özünün “Facebook”da paylaşdığı şeirində kifayət qədər təsirli şəkildə ifadə edib.

Moderator.az-a qısa açıqlamasında didərgin şair yeni mənzillə təmin olunmanın müsbət cəhətlərindən, on illərlə həddindən artıq darısqal, narahat məkanlara sığınmış məcburi köçkün vətəndaşların sevinc hisslərinin təbii olduğunu söyləyib. Ancaq...

“Əlbəttə, Azərbaycan dövlətinin biz qaçqınları yeni rahat mənzillərlə təmin etməsini alqışlayırıq. Lakin bizlərin hər birinə Bakıda, Sumqayıtda beşmərtəbəli villa verilsə də, biz oralarda rahat yaşaya bilməyəcəyik. Biz əsl rahatlığı, əsl səadəti düşməndən azad olunmuş torpaqlarımızda: Şuşada, Laçında, Kəlbəcərdə, Ağdamda... tapacağıq...” –deyə köçkün jurnalist vurğulayıb.

Aktuallığını nəzərə alaraq Arif Məmmədlinin bəhs edilən “Bu köç Qarabağa getmir...” şeirini nəzərinizə çatdırırıq:

“Bu köç Qaradağa gedir -  Bu köç Qarabağa getmir...”

“Bu köç Qarabağa getmir...

Payız, boz üzün tanışdı,
Qarşıdan gələn sərt qışdı.
Eh, bu necə qayıdışdı? -
Bu köç Qaradağa gedir,
Bu köç Qarabağa getmir...

Bu da köhnə yataqxana,
İllərlə sığındıq ona.
Həsrətimiz yetmir sona -
Bu köç Qaradağa gedir,
Bu köç Qarabağa getmir...

Yola çıxır köç maşını,
Kimsə silir göz yaşını.
Bir qoca çatıb qaşını -
Bu köç Qaradağa gedir,
Bu köç Qarabağa getmir...

Dərdi-qəmi bölə-bölə
Köçürük təzə mənzilə.
Sevinə bilmirik hələ -
Bu köç Qaradağa gedir,
Bu köç Qarabağa getmir...

Yükünü qavğarıb hərə,
Nə ad verim bu səfərə?!
Təşnəyəm şad bir xəbərə -
Bu köç Qaradağdan gəlir!
Bu köç Qarabağa gedir!..”


Sultan Laçın

____________________________________________________________________________________________________










SON XƏBƏRLƏR
"Arzu edirəm ki, bayraq yürüşlərini işğal altında olan ərazilərimizdə keçirmək səadətini yaşayaq"
Bu gün Azərbaycan Dövlət Bayrağı günüdür
Sabahın hava proqnozu
İcbari tibbi sığorta ilə bağlı YENİ XƏBƏR - RƏSMİ
Sən ey istiqlalımın əbədiyyət sancağı, Azərbaycan bayrağı!!!
8 noyabr Bakı metropoliteni işçilərinin peşə bayramı günüdür - VİDEO
Ağstafada Dövlət Bayrağı Günü münasibətilə tədbir keçirilib - FOTOLAR
İmadəddin Nəsiminin 650 illik yubileyi ilə əlaqədar tədbir keçirildi
"Ermənistan başa düşməlidir ki, bu həll yolunun alternativi yoxdur" - BƏYANAT
Rusiyanın ATƏT-dəki səfiri: Saxlanılan şəxslərin dəyişdirilməsi Qarabağ münaqişəsi tərəfləri arasında etimada gətirib çıxara bilər
Azərbaycanda özəl məhkəmə ekspertləri fəaliyyət göstərəcək
Amaliya Pənahovanın məzarı üzərində abidəsi ucaldılıb
Yağış yağır, rəqs eyləyir gur damlalar...
Azərbaycan hərbi sahəyə Ermənistandan 6 dəfə çox pul xərcləyir
Türkiyədə həkim azərbaycanlı həmkarını güllələdi
Prezident Musa Yaquba EV VERDİ
İcra hakimiyyəti əsgərin şəhid olduğunu təsdiqlədi
Quzanlıda Dövlət Bayrağı Günü münasibətilə yürüş - FOTOLENT
Ərdoğan: “Bağdadinin arvadı bir ildən çoxdur, əlimizdədir”
Özbəkistanda Azərbaycan mədəniyyəti və ədəbiyyatı günlərinin açılışı olub - FOTOLAR
Dövlət Komitəsində vətəndaşların növbəti qəbulu keçirilib
“APOEL-in "Qarabağ"a qalib gəlməməsi intihar olar”
Ermənilər Qarabağ pulu hazırlayırlar
Moderator.az-ın 7 yaşı tamam oldu - Baş redaktor: “Studiyamız açılacaq”
Səhiyyə Nazirliyindən uşaq qidaları ilə bağlı XƏBƏRDARLIQ
“Qarabağ”a görə qovulan baş məşqi Ermənistan yığmasına rəhbərlik edə bilər
Tiqran Abramyan: "Azərbaycanın hərbi xərclərini kəskin artırması Qarabağ üçün ciddi risklər doğurur"
Şəhid Əlövsət Vəliyevin xatirəsi anıldı - FOTOLAR
Azər Qasımlı istefasının səbəbini AÇIQLADI
Türkiyəli həkim Gülalıyevin son durumu barədə danışdı - VİDEO