Qarabag Media
Haqqımızda Əlaqə

“Türk-İslam dünyasının gələcəyi Türkiyənin apardığı mübarizənin taleyindən asılı olacaq”


Tarix:14-10-2019, 15:50 Kateqoriya:Manşet / Siyasət

________________________________________________________________________________________________________
Zəlimxan Məmmədli: “Bütün türk dünyası, islam dövlətləri Türkiyə və türk ordusuna dəstək göstərməlidir”

“Türk-İslam dünyasının gələcəyi Türkiyənin apardığı mübarizənin taleyindən asılı olacaq”

Türkiyənin Suriyada həyata keçirdiyi anti-terror əməliyyatı Azərbaycan və digər dost dövlətlər tərəfindən dəstəklənsə də, bu əməliyyatlara qarşı çıxanlar da az deyil. Şimali Kipr Türk Cümhuriyyətinin siyasi rəhbərliyinin bu əməliyyatı qınaması hətta türk dövlətləri daxilində də “Sülh çeşməsi” ilə bağlı vahid, birmənalı fikrin olmadığını göstərir.

Bəs türk dövlətlərinin, islam ölkələrinin anti-terror əməliyyatında Türkiyə ilə həmrəylik sərgiləməsi nə dərəcədə önəmlidir? Türkiyənin Suriyada üzləcəyi hər hansı uğur və ya uğursuzluq türk-islam dünyasının gələcəyinə təsir göstərməsi mümkündürmü?

Moderator.az-a açıqlama verən “Borçalı” Cəmiyyətinin sədri Zəlimxan Məmmədli bütün türk-islam dünyasının bu məsələdə Türkiyəyə dəstək verməsinin vacibliyinə diqqət çəkdi:

“Türk-İslam dünyasının gələcəyi Türkiyənin bu proseslərdən nə dərəcədə uğulu çıxmasından asılı olacaq. Heç kimə sirr deyil ki, “islam” sözünü öz adlarında əks etdirən dövlətlərin heç biri bu dini lazımınca qoruya və təbliğ edə bilmirlər. Saksonların təzyiqi qarşıısnda da dayanan dövlət məhz Türkiyədir. Baxın, Azərbaycan işğala məruz qalan ölkə olsa da, iri güclər Qarabağ probleminin nə siyasi, nə də hərbi yolla həllinə imkan vermir, sadəcə “gözlə”deyirlər. Onların məqsədi işğalın rəsmiləşməsinə nail olmaqdır. Ermənistan 26 il öncə baş verənlərə hüquqi don geyindirməyə çalışır. Bütün bu proseslər fonunda Azərbaycana dəstək duran isə Türkiyədir.

Bizi Türkiyə ilə etnik və dini kimlik birləşdirir. Biz Türkiyənin yanında olmağa məhkumuq. Azərbaycanın ötən əsrin əvvəllərində müstəqil olması da Türkiyə faktoru ilə bağlı idi. Bakının Nuru Paşa tərəfindən işğaldan azad edilməsi faktiki olaraq Azərbaycanın azad edilməsi demək idi. Gələcəyimizdə də türk faktoru mühüm rol oynayacaq.

Türkiyə Azərbaycan dövlətinin milli maraqlarının təmin edilməsinə bir qarantdır. Azərbaycan XİN-nin bəyanatını birmənalı şəkildə bölüşürəm. Biz də ictimai qurum olaraq öz mövqeyimizi ifadə etmişik. Cəmiyyətimizin böyük əksəriyyəti Türkiyənin, türk ordusunun yanındadır.

Orta Asiyadakı türk dövlətlrinin vəziyyəti dramatikdir. Orada həm Rusiya, həm də Çin faktoru var. Bu amillər, eləcə də xalqın iradəsinin hakimiyyətdə yetərincə əks olunmaması siyasi qərarlarda da özünü göstərir.

Şimali Kipr məsələsinə gəlincə, görünür, Türkiyənin diplomatiyasın da bu məsələdə müəyyən qüsurları var. Ola bilsin ki, yunan tərəfinin, Avropa Birliyi dövlətlərinin təsiri Türkiyənin Şimali Kipr rəhbərliyinə təsirindən daha güclü olub. Hər kəsə aydındır ki, Şimali Kiprin var olmasına səbəb Türkiyədir. Türkiyə Şimali Kipr Respublikasının yaradılmasının səbəbkarı olubdur. Bu səbəbdən də Şimali Kipr rəhbərliyinin bu məsələdə Türkiyəyə dəstək verməməsi təəssüf doğurur.

Hesab edirəm ki, bütün türk-İslam dünyası Türkiyənin Suriyada həyata keçirdiyi “Sülh çeşməsi” anti-terror əməliyyatına dəstək verməli, gələcəyimizin Türkiyənin uğurlarından önəmli dərəcədə asılı olduğunu anlamalıdır”.

Seymur ƏLİYEV

______________________________________________________________________________________________________










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”