Qarabag Media
Haqqımızda Əlaqə

Rusiyalı ekspert: "Putin və Ərdoğan Qarabağı müzakirə edəcək"


Tarix:27-08-2019, 12:04 Kateqoriya:Manşet / Siyasət

Rusiyalı ekspert: "Putin və Ərdoğan Qarabağı müzakirə edəcək"

Rusiya və Türkiyə prezidentləri Vladimir Putin və Rəcəb Tayyib Ərdoğan bu gün Moskva vilayətinin Jukovsk şəhərində Ermənistan-Azərbaycan münaqişəsinin dinc yolla nizamlanması üzrə danışıqlar prosesində formalaşan vəziyyətlə bağlı fikir mübadiləsi aparacaqlar.

Karabakhmedia.az xəbər verir ki, bunu Oxu.Az-a beynəlxalq münaqişələr üzrə rusiyalı ekspert Yevgeni Mixaylov deyib.

Onun sözlərinə görə, iki prezidentin "MAKS-2019" Beynəlxalq Aviakosmik Salonunda gözlənilən görüşünün məzmunu ümumilikdə bütün dünya ictimaiyyəti üçün bir çox intriqalardan ibarətdir.

Ekspert qeyd edib ki, Rusiya və Türkiyə liderləri iqtisadi əməkdaşlığın və hərbi-strateji tərəfdaşlığın detallarını müzakirə edəcəklər:

"İdlibdəki vəziyyət də müzakirələrin mövzusu olacaq. Türkiyənin Suriya ordusu və hökumətinə qarşı mübarizə aparmaq üçün barışmaz və mülayim silahlı müxalifətin dəstələrinin təchizatı üzrə fəaliyyəti ilə bağlı Moskva və Ankara arasında müəyyən anlaşılmazlıqlar var. Rəsmi Ankara qarşılıqlı razılaşmalar əsasında bu əraziyə görə cavabdehlik daşımalıdır. Bununla belə, düşünmürəm ki, sözügedən məsələ ilə bağlı danışıqlar sərt keçsin. Çünki Rusiya Prezidentinin mətbuat katibi Dmitri Peskov iki liderin görüşü ərəfəsində bəyan edib ki, Türkiyə və onun lideri bir çox istiqamət üzrə Rusiyanın mühüm dostu və müttəfiqidir".

Y.Mixaylov əlavə edib ki, iki lider Qarabağ münaqişəsi ilə bağlı məsələlərə də toxunacaq:

"Qarabağ məsələsinə gəlincə, fikrimcə, bu mövzu da Putin və Ərdoğan arasında müzakirə olunacaq, amma hazırda dialoq çox güman ki, fikir mübadiləsi xarakteri daşıyacaq. Bundan başqa, daha vacib dünya problemləri var. Onlara, o cümlədən, Azərbaycanı cəlb etmək yolu ilə birgə səylərlə nəzarət etmək lazımdır. Mən, həmçinin radikal erməni ekstremistlərdən ibarət terror qruplarının Dağlıq Qarabağ ərazisində qanunsuz hərbi birləşmələrin möhkəmləndirilməsi məqsədilə Suriyadan Azərbaycanın işğal olunmuş torpaqlarına daxil olmasının qarşısının alınmasını nəzərdə tuturam".

Onun fikrincə, son vaxtlar Azərbaycan və Ermənistanın rəsmi nümayəndələri arasında müxtəlif səviyyədə keçirilmiş görüşlər “bir qədər birtərəfli xarakter” daşıyır:

"Bir tərəfdən, Bakı danışıqlar prosesini davam etdirmək və Yerevanla hansısa konsesusa gəlmək istəyir, digər tərəfdən isə Yerevanın heç bir razılığa gəlməmək istəyi göz qabağındadır. Baş nazir Nikol Paşinyanın "miatsum"la bağlı cəfəng bəyanatları da Ermənistanın destruktiv mövqeyini gücləndirir".

Ekspert diqqətə çatdırıb ki, hazırda Ermənistan-Azərbaycan münaqişəsinin sülh yolu ilə tənzimlənməsi üzrə danışıqlar prosesində pat vəziyyət formalaşır:

"Çox güman ki, daha sərt və üçüncü ölkələrlə razılaşdırılmış üsullardan istifadə etməklə bu vəziyyətdən çıxmaq lazım olacaq".

_______________________________________________________________________________________________________










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”