Qarabag Media
Haqqımızda Əlaqə

Qənirə Paşayevaya Tatarıstan Dövlət Şurasının yubiley medalı verildi


Tarix:7-08-2019, 10:52 Kateqoriya:Manşet / Gündəm

Qənirə Paşayevaya Tatarıstan Dövlət Şurasının yubiley medalı verildiTatarıstan Dövlət Şurasının komitə sədri, Xalq şairi R.Vəliyev Azərbaycanın tanınmış KİV və QHT rəhbərləri, ziyalıları ilə görüşüb və Azərbaycan - Tatarıstan münasibətlərinin inkişafı üçün daha çox çalışmalıyıq deyib.

Millət vəkili Qənirə Paşayeva Tatarıstan Dövlət Şurasının yubiley medalı ilə təltif edilib. Karabakhmedia.az xəbər verir ki, medalı millət vəkili Q.Paşayevaya ölkəmizdə səfərdə olan qardaş Tatarıstanın Dövlət Şurası Maarif, Mədəniyyət, Elm və Milli münasibətlər Komitəsinin başqanı Razil Vəliyev təqdim edib. Q.Paşayeva ilə Tatarıstanda Dövlət Şurasında görüşünü məmnunluqla vurğulayan Razil Vəliyev onu yenidən Kazana dəvət edib. Azərbaycana dəvət üçün Q.Paşayevaya təşəkkürünü bildirən qardaş Tatarıstanın Dövlət Şurası Maarif, Mədəniyyət, Elm və Milli münasibətlər Komitəsinin başqanı, Xalq şairi, Dövlət Mükaqfatı Laureatı Razil Vəliyev ölkəmizə ilk dəfə səfər etdiyini və səfər müddətində Azərbaycanı yaxından tanımaqdan, burada keçirdiyi görüşlərin Azərbaycan Tatarıstan münasibətlərinə, iki qardaş xalq arasında əməkdaşlığa böyük töhfə verəcəyinə inandığını deyib. Konkret layihələr ətrafında geniş fikir mübadiləsi aparılıb. Dövlət başçımız İlham Əliyevin Tatarıstanla münasibətlərin inkişafına böyük önəm verdiyini deyən millət vəkili Q.Paşayeva cənab Prezidentin rəhbərliyi altında ölkəmizdə aparılan geniş işlərlər bağlı qonağa geniş məlumatlar verib və onun səfərinin Azərbaycan -Tatarıstan münasibətlərinin inkişafına təkan olacağını xüsusi vurğulayıb.

Qeyd edək ki, millət vəkili Q.Paşayevanın dəvəti ilə ölkəmizdə səfərdə olan qardaş Tatarıstanın Dövlət Şurası Maarif, Mədəniyyət, Elm və Milli münasibətlər Komitəsinin başqanı Razil Vəliyevlə səfərin sonuncu işçi günündə Tatarıstanın Azərbaycandakı Daimi Nümayəndəliyində görüş keçirilib. Nümayəndəliyin rəhbəri Alfred Zakirov başçılıq etdiyi diplomatik qurumun fəaliyyətləri barədə görüş iştirakçılarına bilgi verib, bu nümayəndəliyin Tatarıstanın Qafqazda yeganə nümayəndəliyi olduğunu deyib. O, Xalq şairinin Azərbaycana səfərini əlamətdar hadisə adlandırıb, keçirilən tədbirlərin yaddaqalan olduğunu bildirib. Razil Vəliyev zəngin proqram əsasında baş tutan səfərin təşkili üçün Azərbaycanlı yazarlara, görüşdüyü rəsmi şəxslərə, onu səfərə dəvət edən millət vəkili həmkarı Qənirə Paşayevaya təşəkkürünü çatdırıb. Millət vəkili Qənirə Paşayeva kitabların nəşri, qarşılıqlı səfərlər, ədəbi qurumlar arasında əməkdaşlığın dərinləşdirilməsi barədə fikrilərin praktik müstəvi üzərinə keçəcəyinə, yubanmadan gerçəkləşəyinə inandığını, bununla da mədəni əməkdaşlığın yeni üfüqlərinin açılacağını bildirib. Görüşdə dos.dr Şəmil Sadiq, dr. Həyat Şəmi, Atatürk Mərkəzinin şöbə müdiri Əkbər Qoşalı, Tatarıstan Vəkillər Palatasının üzvü İsmət Orucəliyev, daimi nümayəndəliyin müavini İsmayıl Akmeyev iştirak edib. Azərbaycan aydınları ilə görüşdən sonra Xalq şairi tatar icması fəalları ilə görüşüb. İşçi günün sonunda mötəbər qonaq Bakıdakı “HƏDƏF” STEM Litseyi, M.F.Axundov ad. Azərbaycan Milli Kitabxanası və Heydər Əliyev Mərkəzini ziyarət edib.

Xalq şairi Razil Vəliyevin səfəri müddətində Azərbaycanın tanınmış ictimai fikir adamları, media kapitanları, QHT başqanları da könül süfrəsi qonağı olaraq dəvət edilib, qarşılıqlı maraq doğuran məsələlər ətrafında fikir mübadilələri aparılıb. Milli Kulinariya Mərkəzinin başçısı, tanınmış ictimai xadim Tahir Əmiraslanov, Modern.Az portalının baş redaktoru, PJB başqanı Elşad Eyvazlı, Mətbuat Şurası İdarə Heyətinin üzvləri – Əməkdar jurnalistlər Rauf Arifoğlu, Azər Həsrət, prof.dr.Rəna Mirzəzadə, “Trend.az” portalının baş direktor müavini Arzu Nağıyev, “Olaylar”ın baş redaktoru Yunus Oğuz, “Moderator.az”ın baş redaktoru Zülfüqar Hüseynzadə, Şəhid zabit Sənan Axundovun ailə üzvləri, ünlü televizyaçı Etibar Babayev,“Yeni Müsavat” qəzeti baş redaktorunun I müavini Azər Ayxan, “Tuqan Tel” Tatar Mədəniyyət Cəmiyyətinin başçısı Gülcan Myasoutova, Arxangelskdəki Azərbaycan Diaspor Təşkilatının başqanı Tərlan Qasımov, Sankt-Peterburqda yaşayan soydaşımız – araşdırmaçı-yazar Şahnaz Kamal, DGTYB, RHİMB, ABAİB mənsubları və b.-ları qardaş ölkənin görkəmli dövlət və ictimai xadimi ilə də görüş və fikir mübadiləsi aparılıb.

Xatırladaq ki, millət vəkili, Avrasiya Beynəlxalq Araşdırmalar İnstitutu İb-nin sədri Q.Paşayevanın dəvəti ilə ölkəmizdə səfərdə olan qardaş Tatarıstanın Dövlət Şurası Maarif, Mədəniyyət, Elm və Milli münasibətlər Komitəsinin başqanı Razil Vəliyev və xanımı 29 iyuldan respublikamızdadır.Onlar Fəxri Xiyabanda Ümummilli lider Heydər Əliyev və görkəmli oftolmoloq alim Zərifə xanım Əliyeavnın məzarlarını ziyarət edib. Milli Məclisin (MM) Elm-təhsil Komitəsinin sədri, AMEA-nın vitse-prezidenti, NİZAMİ ad. Ədəbiyyat İnstitutunun direktoru İsa Həbibbəyli və Azərbaycan-Rusiya parlamentlərarası dostluq qrupunun rəhbəri, Hüquq siyasəti və dövlət quruculuğu Komitəsinin sədri Əli Hüseynli ilə MM-də, Mədəniyyət Komitəsinin sədri, akademik Rafael Hüseynovla AMEA-nın NİZAMİ ad. Ədəbiyyat Muzeyindəgörüşən Razil Vəliyev, eləcə də, şəhərin görməli yerləri ilə, o cümlədən İçərişəhərlə yaxından tanış olub, Şirvanşahlar Tarixi-Memorial Kompleksini ziyarət edib.Şairin şeirlər kitabı AYB-nin NATAVAN Klubunda geniş təqdimatla ədəbi ictimaiyyətin ixtiyarına verilib.

Bakıda (“Xan” nəşriyyatı) gün üzü görmüş “Payız yağmurları” kitabıXalq şairi Razil Vəliyevin Azərbaycanda çıxan ilk kitabıdır. Kitabda şeirlər iki dildə (Azərbaycanca və Tatarca) verilib.“XAN” nəşriyyatında gün üzü görən şeirlər kitabının məsləhətçiləri Millət vəkili, AMEA-nın həqiqi üzvü Nizami Cəfərov və Tatarıstanda yaşayan soydaşımız İsmət Orucəliyev, rəyçiləri isə millət vəkili dr.Cavanşir Feyziyev və millət vəkili Qənirə Paşayevadır.Kitaba “USTAD” dərgisinin təsisçisi dos.dr. Şəmil Sadiq önsöz yazıb. Tatarıstanın Xalq şairinin kitabı Azərbaycanın, Tatarıstanın aparıcı kitabxanalarının, tatar ədəbiyyatı üzrə tədqiqat aparan Azərbaycanlı elm adamlarının ixtiyarına verilir.

__________________________________________________________________________________________________________










SON XƏBƏRLƏR
"Arzu edirəm ki, bayraq yürüşlərini işğal altında olan ərazilərimizdə keçirmək səadətini yaşayaq"
Bu gün Azərbaycan Dövlət Bayrağı günüdür
Sabahın hava proqnozu
İcbari tibbi sığorta ilə bağlı YENİ XƏBƏR - RƏSMİ
Sən ey istiqlalımın əbədiyyət sancağı, Azərbaycan bayrağı!!!
8 noyabr Bakı metropoliteni işçilərinin peşə bayramı günüdür - VİDEO
Ağstafada Dövlət Bayrağı Günü münasibətilə tədbir keçirilib - FOTOLAR
İmadəddin Nəsiminin 650 illik yubileyi ilə əlaqədar tədbir keçirildi
"Ermənistan başa düşməlidir ki, bu həll yolunun alternativi yoxdur" - BƏYANAT
Rusiyanın ATƏT-dəki səfiri: Saxlanılan şəxslərin dəyişdirilməsi Qarabağ münaqişəsi tərəfləri arasında etimada gətirib çıxara bilər
Azərbaycanda özəl məhkəmə ekspertləri fəaliyyət göstərəcək
Amaliya Pənahovanın məzarı üzərində abidəsi ucaldılıb
Yağış yağır, rəqs eyləyir gur damlalar...
Azərbaycan hərbi sahəyə Ermənistandan 6 dəfə çox pul xərcləyir
Türkiyədə həkim azərbaycanlı həmkarını güllələdi
Prezident Musa Yaquba EV VERDİ
İcra hakimiyyəti əsgərin şəhid olduğunu təsdiqlədi
Quzanlıda Dövlət Bayrağı Günü münasibətilə yürüş - FOTOLENT
Ərdoğan: “Bağdadinin arvadı bir ildən çoxdur, əlimizdədir”
Özbəkistanda Azərbaycan mədəniyyəti və ədəbiyyatı günlərinin açılışı olub - FOTOLAR
Dövlət Komitəsində vətəndaşların növbəti qəbulu keçirilib
“APOEL-in "Qarabağ"a qalib gəlməməsi intihar olar”
Ermənilər Qarabağ pulu hazırlayırlar
Moderator.az-ın 7 yaşı tamam oldu - Baş redaktor: “Studiyamız açılacaq”
Səhiyyə Nazirliyindən uşaq qidaları ilə bağlı XƏBƏRDARLIQ
“Qarabağ”a görə qovulan baş məşqi Ermənistan yığmasına rəhbərlik edə bilər
Tiqran Abramyan: "Azərbaycanın hərbi xərclərini kəskin artırması Qarabağ üçün ciddi risklər doğurur"
Şəhid Əlövsət Vəliyevin xatirəsi anıldı - FOTOLAR
Azər Qasımlı istefasının səbəbini AÇIQLADI
Türkiyəli həkim Gülalıyevin son durumu barədə danışdı - VİDEO