Qarabag Media
Haqqımızda Əlaqə

İranda 14 qadın fəalı birgə bəyanat yayaraq Xamneyinin istefaya getməsini tələb ediblər


Tarix:6-08-2019, 16:25 Kateqoriya:Manşet / Dünya

İranda 14 qadın fəalı birgə bəyanat yayaraq Xamneyinin istefaya getməsini tələb ediblərİranda qadınların hüquqları sahəsində fəaliyyət göstərən 14 qadın fəalı “Telegram” sosial şəbəkəsində birgə bəyanat yayaraq, İranın dini lideri Əli Xamneyinin tutduğu vəzifədən istefa verməsini və islam respublikasına son qoyulmasını tələb ediblər.

Karabakhmedia.az gunaz.tv-ə istinadən xəbər verir ki, bəyanatda hakim ruhanilərin son 40 ildə ölkə qadınlarının bütün hüquqlarını əzməsi pislənilərək deyilir ki, İranın dini lideri Əli Xamneyi istefaya getməli, islam respublikası ləğv edilməli, ölkə üçün yeni bir konstitusiya (Ana yasa) yazılıb hazırlanmalıdır: “İslam Respublikası bərqərar edildikdən sonra biz İran qadınlarının ibtidai və insani hüquqları əllərindən alınıb, bizim cinsiyyətimiz və qadın kimliyimiz mütləqiyyətə söykənən hakim “Vilayəti-fəqih” sisteminin və mövcud patriarxat mədəniyyəti və baxış tərzinin əsiri olub. Həmin müddətdə isə cinsi ayrı-seçkiliyə etiraz edən hər kəs ya təhqir və təhdid edilib, ya da həbsə salınaraq döyülüb, işgəncə edilib və yaxud edam edilib.

Təəssüflər olsun ki, hazırda dünyanın bir çox ölkələrində qadınlar siyasi, iqtisadi, elmi, mədəni, incəsənət və idman sahələrində kişilərlə çiyin-çiyinə irəlilədiyi bir vaxtda islam respublikasında qadınlar hələ də öz ilkin insani hüquqları uğrunda çalışır, dinc mübarizə aparırlar. Biz qadınlar ayağa qalxaraq, bizim insani dəyərlərimizi məhv edən fiqh sisteminin patriarxat baxış tərzinə söykənən islam respublikasının tamamilə aradan qaldırılaraq ləğv edilməsini və ölkəyə yeni bir Ana yasa yazılmasını tələb edirik.

Biz, ölkədə elə bir sistemin bərqərar olunmasını istəyirik ki, biz qadınların kimliyini, insani dəyərlərimizi və bütün sahələrdəki hüquqlarımızı tanısın və ona hörmətlə yanaşsın. Biz qadın hərəkatının fəalları olaraq, bir daha bildiririk ki, ruhanilərin hakimiyyətdə olduğu son 40 ildə islam respublikası və onun başçıları qadınlara zidd qanunlar qəbul edib repressiya siyasəti yürütməklə ölkə qadınlarını cəmiyyətdən uzaqlaşdırıb, onları məhdudlaşdırıb. Bu ağır vəziyyətin davam etdirilməsi isə artıq bizim üçün dözülməzdir. Məhz buna görə də, Ümumdünya İnsan Hüquqları Bəyannaməsi əsasında gender bərabərliyinə inanan biz qadınlar, ölkədə sekulyar-demokrat bir hakimiyyətin bərqərar olunmasını tələb edirik. Elə bir sistem və hakimiyyət ki, ölkə qadınlarının bütün hüquqlarını tanımaqla yanaşı, həm də ona riayət etsin” –deyə bəyanatda vurğulanır.

Bəyanatı imzalayan qadın fəalları bunlardır: Şəhla İntisari, Nüsrət Beheşti, Firiştə Təsvibi, Pərva Paçidə, Giti Purfazil, İzzət Cavadi Hisar, Zəhra Camali, Şəhla Cahanbin, Fatimə Sepehri, Məryəm Süleymani, Susən Tahirxani, Firəngiz Məzlum, Nərgiz Mənsuri və Kimiya Novruzi Sabir.

Qeyd edək ki, Xamneyinin istefaya getməsi tələbi ilə iki ay əvvəl də 14 tanınmış siyasi və ictimai fəal və ziyalılar buna oxşar bəyanat yaymışdı. Həmin bəyanatın yayılmasından sonra bəyanatı imzalayanlardan bir neçəsi həbs edilərək işgəncə edilib, bəziləri isə telefonla təhdid edilib.

___________________________________________________________________________________________________










SON XƏBƏRLƏR
Prezidentlərin görüşündə işıq söndü
Ziya Bünyadovun oğlu vəfat etdi
Hərbi attaşelər Müdafiə Nazirliyində toplandı
Nizami Paşayev 10 ildən sonra dünya çempionu adını qazandı
Qar yağacaq, yollar buz bağlayacaq – XƏBƏRDARLIQ
Xəstənin öd kisəsindən 4 minə yaxın daş çıxarıldı - HEYRƏTAMİZ ƏMƏLİYYAT
Ərdoğan Moskvadakı Qələbə Paradına dəvət edilib
Fərid Şəfiyev Brüsseldə görüşlər keçirib
Millət vəkili Yevda Abramov vəfat etdi
Belə millət vəkillərimiz də olub!
Yerə yıxılan köməksiz yaşlı qadına lağ edib gülürdülər...
10 hakimimiz FİFA statusunu itirdi
Kağızın keçdiyi tarixi yol
Vilayət Eyvazov sosial şəbəkələrlə bağlı göstəriş verdi
Baş redaktor azadlığa buraxıldı
İmzalar içində Hadi - Elnarə AKİMOVA YAZIR
Azərbaycan yazıçısı ABŞ-ın nüfuzlu mükafatını aldı
Lavrovun səfəri və regiondakı həssas balans – TƏHLİL
Dövlət Komitəsinin sədri gənc könüllüləri təbrik edib - FOTOLAR
İlham Əliyev və birinci xanım Şamaxıda ağac əkdi
Hafiz Hacıyev: "Partiyadan 50-60 nəfərin namizədliyini verməyi düşünürük"
Stalinin ən qəddar cəlladı – 30 min adama ölüm hökmü kəsən Ulrix
Mikayıl Cabbarov erməni nazirin müavininə cavab verib
Tanınmış jurnalist yeni vəzifəyə təyin edildi
Bir gündə 650 min ağac: Şamaxıdan start verildi
İlham Əliyev və Birinci vitse-prezident Şahxəndan türbəsi ilə tanış olublar
“Fənərbağça” komandasının fanatlarından “Traxtur”a dəstək - VİDEO
Brüsseldə Azərbaycanla bağlı dəyirmi masa
Erməni polkovnikdən ŞOK AÇIQLAMA: "Müharibə başlasa, biz heç nə edə bilməyəcəyik"
"Vəzir gəldi ki, bəs, həmin yerləri ermənilər yenə alıb" - Asim Qasımov