Qarabag Media
Haqqımızda Əlaqə

Qəlbləri coşduran, ürəkləri fəth edən səs — Məhəbbət Kazımovun doğum günüdür


Tarix:1-07-2019, 23:02 Kateqoriya:Manşet / Mədəniyyət

Qəlbləri coşduran, ürəkləri fəth edən səs — Məhəbbət Kazımovun doğum günüdürGözümün önündə durar həmişə,
Otlu biçənəklər, yamyaşıl meşə.
Mən ki aparmıram şehli bənövşə,
Çöllərdə bitmişdi, çöllərə qaldı.

M.ƏLİYEV


Musiqi insan həyatının bütün anları üçün mənəvi qida mənbəyidir. Hər bir kəs beşikdən məzaradək musiqi ilə müşayiət olunur. Ensiklopedik biliyə malik Mir Möhsün Nəvvab musiqinin insan həyatında oynadığı rolu yüksək qiymətləndirərək demişdir ki, insanın musiqidən aldığı həzzi başqa heç bir şeylə əvəz etmək olmaz. Musiqidən nəinki insanlar, hətta heyvanlar və quşlar da təəssürat alırlar. Lazım olduqda musiqi ilə müalicə də edirlər. Mənim xəstə könlümü ilhamlandıran, məni yaşadan, deyərdim ki, musiqidir.

Azərbaycanın musiqi ifaçılığı sahəsində özünəməxsus ifa tərzi ilə iz qoyan Məhəbbət Kazımovu amansız ölüm sıralarımızdan apardı. Amma zaman bizi Məhəbbət Kazımovdan cismən uzaqlaşdırdıqca onun ifa etdikləri (“La-çınım mənim”, “Dağlar”, “Cavanlığım”, “Təkcə”, “Ay ilk məhəbbətim”, “İn-nən belə o gözlərə baxmaram”, “Bu sevgidə kim uduzdu, kim uddu?!”, “Yaralı durnam”, “Ana, səni sevən gündən”, “Ana, mənə layla de”, “Bəs-tənigar”, “Ağarma, ay saçlarım, ağarma”, “Belə qəmli dayanma”, “Şəhla gözlərin”, “Öldürəcək bu qız məni”, “Əlvida” və s.) mahnıları Məhəbbət dünyasının, Məhəbbət sənətkarlığının əbədiliyini şərtləndirir və bizi ona mənən yaxınlaşdırır. Məhəbbətin unikal səsi qəlbləri coşdurur, ürəkləri fəth edirdi. Amma Məhəbbət təkcə gözəl səsə, nəfəsə, boğaza malik deyildi. Onun gözəlliyi kompleks şəkildə sistemlilik təşkil edirdi. Səhnə mədəniyyəti, diksiyası, jestləri, yerişi, duruşu, geyimi, şəxsiyyəti, psixologiyası, milli mentaliteti, Vətən, xalq sevgisi, ümumiyyətlə, bütün durumu Azərbaycan-türk səhnəsi üçün örnək ola biləcək ölçülərə uyğun səpkidə şriftlənmişdir. Həmçinin bu sadalanan xüsusiyyətlər süni şəkildə deyil, Məhəbbət Ka-zımovun saf, sadə və təbii özünəməxsusluğuna əsaslanırdı. Saflıq, sadəlik və təbiilik Məhəbbətə məhəbbət qazandıran başlıca amil idi. Məhəbbətin zən-gulələrini dinlədikcə özümü doğma yurdda, Laçın dağlarında – Oyuğun yalında, Göy bulaqda, Arpa gədiyində, Əhmədbəyli yaylağında, Uzun yalda, Tək armudda, Pələng qayasında, Haça daşda, Qırxqız yaylağında, Pəri bulağında, Kotan qayada, ümumiyyətlə, başı Kardaş, ayağı Fərraşda hiss edirəm. Bu, o yerlərdir ki, Məhəbbət Kazımovun uşaqlıq illəri orada keçmişdir.

Xalqın sevimlisi, təkrarolunmaz səsə malik Məhəbbət Kazımova Xalq artisti adı verilməsə də, o, xalqın artisti adını özünəməxsus fəaliyyəti ilə qazanmışdır. Azərbaycanda Xalq şairi adına layiq görülən elə şair var ki, bir sözü, bir misrası belə heç kimin yaddaşında qalmayıb, amma elə şairlər də var ki, ona ad verməsələr də, xalqın qəlbində əbədi yer tutur, bütün şeirləri əzbər söylənilir, xalqın şairi kimi yaddaşlara həkk olunur. Məhəbbət Kazımov da xalqımızın yaddaş muzeyinin qızıl fondunda özünə əbədi yer ta-pan, unikal səsə malik olan xalqın artistidir.

Tarixin silinməz daş yaddaşına xalq qəhrəmanı kimi həkk olmuş Sultan bəyin nəsil şəcərəsinin daşıyıcısı olan Məhəbbət Kazımov vətən həsrəti, Qarabağ dərdi, Laçın nisgili ilə sanki şəhid oldu. Məhəbbət Kazımovun qüruru, qeyrəti, əyilməz vüqarı gənclik üçün tərbiyə məktəbidir. O heç vaxt şöhrət dalınca qaçmadı, dünya malına göz dikmədi. Onu tanıyanlar Məhəbbəti xalqın məhəbbəti adlandırırdılar.

Məhəbbət Kazımov vüqarı Laçın dağlarından, coşqunluğu çağlayan saf sulu bulaqlardan, dözümlülüyü sal daşlı sıldırım qayalardan, mərdliyi, cəsa-rəti dağların sərt havasından almışdır, lakin qəlbləri coşduran, ürəkləri fəth edən səsini Tanrı bəxş etmişdir. Odur ki, onun ülvi, saf, təkrarolunmaz zəngulələrini Tanrı hədiyyəsi adlandırsaq yerinə düşər.

Ecazkar zəngulələri Məhəbbət dünyasının ancaq ona məxsus olduğu möhürünü vurmuşdu. “Laçınım mənim” mahnısını Məhəbbət yanğısı ilə Məhəbbətdən başqa heç kim Məhəbbət kimi oxuya bilməz. Məhəbbətin səsini milyon səslər içindən musiqi duyumu olmayan da seçə bilir. Bu xüsusiyyət unikal səsə malik, barmaqla sayıla bilən nadir şəxsiyyətlərə aiddir ki, belə nadir şəxsiyyətlərdən biri də Məhəbbət Kazımovdur. Doğrudur, həyatda hər hansı varlığın qiyməti, qədri onu itirdikdən sonra bilinir. Lakin Məhəbbət Kazımov qədir və qiymətini sağlığında qazanmışdı. Bu faktı onun ölüm xəbəri yayılanda Azərbaycan xalqının matəm saxlaması və bütün bölgələrdə təşkil olunan yas mərasimləri təsdiq edirdi. Odur ki, Məhəbbət bütün Azərbaycan xalqının sevimlisi və yaddan çıxmayan, unudulmayan sənətkarlarından biri kimi daim anılacaq. Ölüm amansızlığı ilə, Sədi Şirazinin təbirincə desək, qiymətə minməyəcək:

– Daş zərli kasanı sındırsa, daşın
Qiyməti artarmı, əskilərmi zər?!


Əsla yox! Məhəbbət dünyası, Məhəbbət zənguləsi, səsi, nəfəsi, ləfsi, şirinliyi xalqımızın qəlbində əbədi yaşayacaq, onun dəyəri əskilməyəcək!

Əli ƏLİYEV,
filologiya üzrə fəlsəfə doktoru

_______________________________________________________________________________________________________










SON XƏBƏRLƏR
Sarı zolaq qadağasının tətbiq ediləcəyi prospektlərin adları açıqlandı - Diqqətli olun
ŞAMAXIDA QƏDİM MƏSCİD AŞKAR EDİLDİ
Azərbaycanda "Facebook" və "Instagram" çökdü
Qanlı hücum - Türkiyəli diplomatlar güllələndi
Laçınlılar ABŞ, Rusiya və Fransa səfirliklərinə etiraz bəyanatlarını çatdırdı — VİDEO
Bu gün Şah İsmayıl Xətainin doğum günüdür
Heydər Əliyev Fondu ürək qüsurlu uşaqların əməliyyatına dəstək oldu
Türkiyə təhlükəsizlik qüvvələri başına 1.5 milyon mükafat qoyulmuş PKK-çını məhv etdi
Qənirə Paşayeva “AMEA-nın professoru” seçilib
ABŞ Türkiyəyə sanksiya tətbiq edəcəkmi?
Dövlət Komitəsində vətəndaşların növbəti qəbulu keçirilib
Əflatun Amaşov: “Keşikçidağ gərginliyinin yaranmasında onlar maraqlıdırlar”
Azərbaycan Türk fəlsəfəsindən yarpaqlar: CƏMALƏDDİN ƏFQANİ - I Hissə
"Partizani"nin baş məşqçisi: "Bakıya turist kimi gəlməmişik"
Cəlilabadda Qadın sahibkarlığının inkişaf etdirilməsi mövzusunda tədbir keçirilib - FOTOLAR
Britaniya XİN başçısı: “İrana nüvə silahı əldə etməsi üçün bir il kifayətdir”
Türkiyə Aralıqda dənizində qaz yatağı tapdı - Sensasion iddia
Saakaşvilidən Azərbaycan və Gürcüstana müraciət
AVRO-2020: Bilet sifarişində rekord qeydə alındı - 19,3 milyon
Rusiya Azərbaycanlıları İttifaqı MeqaFon mobil operatoruna səhvini düzəltdirdi
Növbəti erməni həyasızlığı - VİDEO
Bakı-Batumi aviareyslərinin sayı artırılır
Gəncədə məcburi köçkünlər üçün salınmış qəsəbə telefonlaşdırıldı
Paşinyanın xeyriyyə fondu Laçındakı erməni balaları üçün bağça açdı - FOTOLAR
Baş Prokurorluq: "Şəki Xan Sarayında budaqların qırılmasına səbəb əlverişsiz hava şəraiti olub"
Gürcüstan DİN Keşikçi Dağla bağlı ictimaiyyətə müraciət etdi
Azərbaycan bu gün BMT-yə ikinci hesabatını təqdim edəcək
Onlar 3 dost idilər - Laçında eyni döyüşdə həlak olan şəhidlərin anım tədbiri keçirildi – FOTO/VİDEO
Zelenskinin korteji uşaqları daşıyan avtobusla toqquşdu
Rusiya və Türkiyənin ortaq tarixinə dair bədii film çəkiləcək-VİDEO