Qarabag Media
Haqqımızda Əlaqə

Maaş artımı dövlət işində çalışan 600 min nəfərə şamil olunacaq - ŞƏRH


Tarix:19-06-2019, 00:06 Kateqoriya:Manşet / İqtisadiyyat

Maaş artımı dövlət işində çalışan 600 min nəfərə şamil olunacaq - ŞƏRH

Azərbaycan Prezidenti cənab İlham Əliyevin 18 iyun tarixində imzaladığı son sərəncamlarla ölkədə minimum aylıq əməkhaqqının, maaşların artırılması çox mühüm və inqilabi addımlardandır.

Bunu Oxu.az-a açıqlamasında iqtisadçı, millət vəkili Vahid Əhmədov deyib.

O xatırladıb ki, ümumiyyətlə, 2018-ci ilin 11 aprel seçkilərindən sonra dövlət başçısı tərəfindən ölkədə çox dərin sosial-iqtisadi islahatlara start verilib:

“Bu islahatlar gündən-günə dərinləşməkdə davam edir. Yaşayış minimumu, minimum əməkhaqqı, maaşlar, pensiyalar, müavinətlərlə əlaqədar çoxlu sayda fərman və sərəncamlar imzalanıb. Bu günə qədər, konkret olaraq 2019-cu il yanvarın sonlarından dövlət büdcəsindən bu məsələlərə 3 milyarddan artıq vəsait xərclənib”.

V.Əhmədov qeyd edib ki, minimum əməkhaqqının, maaşların artımı təxminən 600 min insanı əhatə edəcək:

“Son proses bütövlükdə insanların, vətəndaşların, ölkə əhalisinin yaşayış şəraitinin, həyat tərzinin, maddi-sosial durumunun yaxşılaşdırılması ilə əlaqədardır. Mən bunu çox yüksək qiymətləndirirəm. Maaşları artırılan insanlar əksəriyyət etibarilə elə bir təbəqədən olan insanlardır ki, onların əməkhaqları daim diqqət mərkəzində olmalıdır. Çox sevindirici və əlamətdar haldır ki, onlar məhz ölkə Prezidentinin, Azərbaycan dövlətinin diqqət mərkəzindədir”.

Millət vəkili vurğulayıb ki, ümumiyyətlə, son zamanlar ölkədə sosial yönümlü layihələrə daha çox üstünlük verilir, əhalinin yaşayışını, həyat şəraitini, dolanışığını yaxşılaşdırmaq üçün daha ciddi addımlar atılır:

“Bu baxımdan, hesab edirəm ki, bu işlər, islahatlar dayanmayacaq, daha da dərinləşəcək və geridönməz xarakter daşıyacaq. Elə götürək məhkəmə-hüquq sistemini. Bu sahədə islahatlarla bağlı son bir neçə ayda çox mühüm sərəncamlar və fərmanlar imzalandı. Həmçinin kadr islahatları, struktur islahatları həyata keçirilməkdədir. Bunlar çox ciddi addımlardır.Yəni bunlar həm Azərbaycan dövlətinin imicinin artırılmasına, həm də Azərbaycanın müstəqilliyinin möhkəmləndirilməsinə, insanların sosial rifah halının yaxşılaşdırılmasına yönələn, xidmət edən müsbət amilllərdir”.

Millət vəkili Kamilə Əliyeva da ölkə Prezidentinin bir gün ərzində 17-yə yaxın sərəncam imzalamasını, maaşların və minimum aylıq əməkhaqqının artırılmasını tarixi və inqilabi addımlar adlandırıb.

O qeyd edib ki, bunlar bir daha Azərbaycan dövlətinin və ölkə Prezidentinin Azərbaycan insanına, ölkə vətəndaşına verdiyi yüksək dəyərin əyani göstəricisidir:

“Özünüz də şahidsiniz ki, ölkə Prezidentinin 16 illik hakimiyyəti dövründə, xüsusilə, növbədənkənar prezident seçkilərindən keçən 15 ay ərzində ölkəmizdə hansı işlər görülür, hansı tarixi və inqilabi addımlar atılır. Azərbaycan bu gün inkişafının, tərəqqisinin və islahatlar prosesinin yeni mərhələsini, yeni dalğasını yaşayır. Elə bir sahə yoxdur ki, islahatlar prosesi onu əhatə etməsin. İslahatlar getdikcə və dərinləşdikcə ölkə əhalisinin də vəziyyəti, sosial rifahı, güzəranı yaxşılaşır. Çünki bunlar paralel proseslərdir.

Xatırladım ki, ölkə Prezidenti son çıxışlarında, Azərbaycan xalqına Novruz təbrikində, Mərdəkan-Qala avtomobil yolunun açılışında bir daha islahatlar prosesinin davamlı olacağını, minimum əməkhaqqının, maaşların, pensiyaların artırılacağını bildirmiş, bunların anonsunu, xoş müjdəsini vermişdi və bugünkü tarixi sərəncamlar da həmin sözlərin, bəyanatların konkret əməli addımlar olduğunu bir daha sübuta yetirdi. Çünki ölkə Prezidenti indiyə kimi nə deyibsə, nə vəd edibsə, ona da əməl edib, yerinə yetirib. Bundan sonra da məhz belə olacaq, biz qarşıdakı mərhələdə də bu cür növbəti addımların şahidi olacağıq”.

Kamil Həmzəoğlu

______________________________________________________________________________________________










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”