Qarabag Media
Haqqımızda Əlaqə

101 yaşın mübarək, Azərbaycan Respublikası!


Tarix:27-05-2019, 18:21 Kateqoriya:Manşet / Cəmiyyət

101 yaşın mübarək, Azərbaycan Respublikası!

Sənin necə şirin olduğunu sənsizliyin acısını dadanda hiss etdim.

Gördüklərim doğma deyil deyə, nə qədər möhtəşəm görünsə də yerini verə bilmir. Bəli, Sənin qoynunda yaşayarkən çətinliklərim olsa da özümü çox xoşbəxt sanırdım. Burada hər nə desən varımdır, amma Sən yoxsan deyə xoşbəxtliyin nə olduğunu çoxdan unutmuşam. Demirəm ki, yaşadığım mühit eybəcərdir, fəqət özgədir, yaddır. Axı bu özgələrə, yadlara doğma olmaq üçün Səni unutmalıyam. Bax bunu bacara bilmirəm, Vətən!..

Yüz illər boyu babalarım qoynunda qərar tutub ömür sürüblər. Aclıqda, fəlakətdə, müharibələrdə, hətta xəyanətdən ölənləri də olub. Amma heç biri Səni tərk edib rahatlığı yad ölkələrdə axtarmayıblar. Hara getsələr də sonda geri dönüblər.
Vətən! Doğma ruhların rahatlıq tapdığı məkan…

Demirəm ki, Səndən gözəli yoxdur, Sən dünyanın ən gözəlisən. Əsla elə deyil, Sənin də öz nöqsanların vardır, amma bütün nöqsanlarınla əzizsən, doğmasan.
Sənin nöqsanlarını biz düzəltməliyik, bir övlad kimi. Axı Sən bizim ANAmızsan…

Min illərlə xəqanların oylaq yeri olmusan. Sənə yiyələnməyə çox sərkərdələr səy göstərib, baş sındırıb. Səni əziblər, Səni məhv etməyə çalışıblar. Amma hər zaman yaşamısan. Tarixin sınaqlarından alnıaçıq, üzüağ çıxmısan. Nəhayət Məmməd Əmin Rəsulzadə adlı bir övladın əqidədaşları ilə birlikdə Sənə sahib çıxıb, işğal altında olan ərazidən ölkə səviyyəsinədək yüksəldə bilib. Sənə ad da veriblər- Azərbaycan Demokratik Respublikası! Sonradan adındakı Azərbaycan və Respublika kəlmələrinin arasına başqa sözlər əlavə olunsa da Sən respublika olaraq yüz bir ildir ki, varsan. Dövlət rəmzlərin- bayrağın, gerbin, himnin neçə dəfə dəyişsə də sonda ilk atributlarına qayıtmısan, onları ən mükəmməli seçmisən…

Azərbaycan! Mənim doğma diyarım. Qoynunda dil açıb danışdığım, ayaq tutub yeridiyim məmləkət. Kaş biləydin, dünyadakı iki yüzə yaxın dövlətin bayraqları sırasında Sənin üç rəngli bayrağının dalğalanmasından necə mənunam, necə qürurluyam.

Bəli, 101 yaşın tamam olur. Mənim 101 yaşlı doğma respublikam! Səni Amerika Birləşmiş Ştatlarından böyük sevinc hissi ilə təbrik edir, Sənə əminamanlıq, bütövlük arzulayıram.
Yaşasın, Azərbaycan Respublikası!

Elman Eldaroğlu,
ABŞ, Miçiqan

____________________________________________________________________________________________________










SON XƏBƏRLƏR
Azərbaycan şahmatçısı erməni rəqibini məğlub edib
39 şəhər və rayon büdcədən dotasiya almayacaq
Qorbaçov Rusiya prezidentinə müraciət etdi
Çində hərbçilərimizin iştirak etdiyi VII Dünya Oyunlarının açılış mərasimi keçirilib
Gömrük Komitəsi xətti ilə dövlət büdcəsinə nə qədər vəsait daxil ola bilər ?
Ərdoğan Trampı buna da məcbur etdi
Paşinyanın saytı dağıdıldı – “Qarabağ Azərbaycandır və nida işarəsi!” yazıldı – FOTO
Leyla Abdullayevadan ermənistanlı həmkarlarına cavab: "Yaddaşınızı yeniləyin"
“Qarabağ alınmayınca, biz hamımız qarabağlıyıq”- Sankt – Peterburqdan Qarabağ mesajları - FOTOLAR
Bəsirə Məmmədli Laçın məktəbinə direktor təyin edildi - FOTO
“Bu köç Qaradağa gedir - Bu köç Qarabağa getmir...”
18 oktyabr - Azərbaycanın Dövlət Müstəqilliyi Günüdür
Dünya çempionatında 7 medal qazanan cüdoçular vətənə qayıdıblar
Nursultan Nazarbayev Türk Şurasının adının dəyişdirilməsini və “Türk Baxışı 2040” proqramının hazırlanmasını təklif edib
"Atamız Dədə Qorqud deyib ki…" - Ərdoğan 300 milyonluq Türk dünyasına SƏSLƏNDİ
Bakı metrosuna yeni vaqonlar gətiriləcək
Şenol Günəşdən fransız müxbirə ibrətamiz cavab: “Bu mənim işim deyil, Trampın, Makronun işidir”
"Qarabağ məsələsinin həlli üçün əlimizdən gələni edəcəyik" – Ərdoğan
Türkiyədə təyyarə qəzaya uğradı
Ermənilər Şuşa məscidinin “açılışını” etdilər - FOTOLAR
Bakıda Türkdilli Dövlətlərin Əməkdaşlıq Şurasının 7-ci sammiti başlayıb
Həmsədrlər sabah Xankəndinə səfər edəcəklər
Ermənistan Suriyaya qoşun göndərdi
Bakıda 10 məktəb direktoru işdən çıxarılıb
Türkiyənin qarşısını almaq üçün daha bir addım atıldı
MTRŞ süni mayalanma reklamları ilə bağlı televiziya yayımçılarına məktub göndərib
Azərbaycanın internet sürətinə görə yeri açıqlandı
Çavuşoğludan Bakıda bəyanat: Qarabağdan PKK-yadək...
İlham Əliyev dövlət və hökumət başçıları ilə birgə şam edib
Erməni batalyonu Türkiyə Ordusu ilə döyüşə yollandı