Qarabag Media
Haqqımızda Əlaqə

Müslüm Maqomayevin qızı ilk dəfə atası barədə həqiqətləri açıqlayıb - VİDEO


Tarix:23-05-2019, 00:02 Kateqoriya:Manşet / Cəmiyyət

Müslüm Maqomayevin qızı ilk dəfə atası barədə həqiqətləri açıqlayıb - VİDEO

Müslüm Maqomayevin yeganə qanuni qızı Marina Maqomayeva sükutu pozmaq, atası və onun nikahdankənar övladları haqqında bütün həqiqətləri demək qərarına gəlib

BAKI, 22 may — Sputnik. SSRİ xalq artisti, əfsanəvi bariton Müslüm Maqomayevin yeganə qanuni qızı Marina Maqomayeva sükutu pozmaq, atası və onun nikahdankənar övladları haqqında bütün həqiqətləri demək qərarına gəlib.

Karabakhmedia.az-ın məlumatına görə, o, bütün bunlar barədə Rusiyanın Birinci kanalının "Eksklüziv" proqramının efirində danışıb.

Marinanın dediyinə görə, onun valideynləri qarşılıqlı razılaşma yolu ilə ayrılıblar. Maqomayev məşhur sənətkar olub, ona daim qastrollara getmək lazım gəlib. Marinanın anası üçünsə ailə hər şeydən önəmli olub və buna görə də qadın ayrılmaq qərarına gəlib.

"Mən də olsaydım, məhz belə edərdim. Çünki bütün günü evdə uşağımla birlikdə oturub ərimin necə qastrol etdiyini gözləyə bilməzdim. Anam başa düşürdü ki, ailə atama yalnız mane olur. Tamara (SSRİ xalq artisti, opera müğənnisi, Müslüm Maqomayevin dul qalmış həyat yoldaşı Tamara Sinyavskaya-red. ) atamın həyatında 70-ci illərdə peyda olub. O zaman atam artıq çoxdan gənc deyildi. Onların ümumi maraqları var idi. Onlar əla cütlük idilər. Anam həmişə deyirdi ki, Tamaranın bənzərsiz səsi var. O, mənimlə və anamla əlaqə saxlayırdı" - deyə Marina Maqomayeva bildirib.

Tamara Sinyavskaya onu həmçinin gələcək həyat yoldaşı - musiqiçi Aleksandr Kozlovski ilə tanış edib. Marina gələcək əri ilə ilk dəfə Bakıda tanış olub, sonra isə Amerikaya onun konsertinə gedib. Kozlovski elə buradaca Marinaya evlənmək təklif edib. Maqomayevanın sözlərinə görə, bir çox insanlardan fərqli olaraq, onun Amerikaya getmək və orada yaşamaq arzusu olmayıb. Lakin ailəsinin xatirinə bu addımı atmalı olub. Hazırda Marina Sinyavskaya ilə əlaqələrini davam etdirir və hətta bir neçə dəfə onu özlərinə qonaq çağırıb.

Marina Maqomayeva atasının nikahdankənar uşaqlarının olduğuna inanmadığını deyib. Onun sözlərinə görə, Müslümlə Tamara arasında elə güclü məhəbbət olub ki, onların xoşbəxtliyinə heç kəs mane ola bilməzdi.

Xatırladaq ki, Rusiya KİV-ləri zaman-zaman Müslüm Maqomayevin ayrı-ayrı qadınlarla nikahdankənar əlaqələri və uşaqları barədə şoular təşkil edir. İndiyədək bir neçə adam ortaya çıxaraq Müslüm Maqomayevin övladı olduğunu iddia edib. Müslümü yaxından tanıyanlar onun qeyri-qanuni əlaqələri və uşaqlarının olduğuna inansalar da, ailəsi bu iddiaları əsla yaxına buraxmır.

Görkəmli azərbaycanlı opera və estrada müğənnisi Müslüm Maqomayev 1942-ci ildə Bakıda anadan olub. Müslüm Maqomayev ilk uğurlu çıxışını 14 yaşında olarkən Bakı Dənizçilərin Mədəniyyət Evində 1962-ci ildə edib. 60-cı illərdə o, Azərbaycan Dövlət Akademik Opera və Balet teatrının solisti olub, dünya şöhrətli Milanın "La Skala" teatrında staj toplayıb.

Dünya şöhrətli müğənninin repertuarında 600-dək yaradıcılıq nümunəsi var. Maqomayev 2008-ci ildə 66 yaşında Moskvada vəfat edib. O, Bakıda Fəxri Xiyabanda dəfn edilib./Sputnik Azərbaycan/

Karabakhmedia.az
_______________________________________________________________________________________________________










SON XƏBƏRLƏR
"Arzu edirəm ki, bayraq yürüşlərini işğal altında olan ərazilərimizdə keçirmək səadətini yaşayaq"
Bu gün Azərbaycan Dövlət Bayrağı günüdür
Sabahın hava proqnozu
İcbari tibbi sığorta ilə bağlı YENİ XƏBƏR - RƏSMİ
Sən ey istiqlalımın əbədiyyət sancağı, Azərbaycan bayrağı!!!
8 noyabr Bakı metropoliteni işçilərinin peşə bayramı günüdür - VİDEO
Ağstafada Dövlət Bayrağı Günü münasibətilə tədbir keçirilib - FOTOLAR
İmadəddin Nəsiminin 650 illik yubileyi ilə əlaqədar tədbir keçirildi
"Ermənistan başa düşməlidir ki, bu həll yolunun alternativi yoxdur" - BƏYANAT
Rusiyanın ATƏT-dəki səfiri: Saxlanılan şəxslərin dəyişdirilməsi Qarabağ münaqişəsi tərəfləri arasında etimada gətirib çıxara bilər
Azərbaycanda özəl məhkəmə ekspertləri fəaliyyət göstərəcək
Amaliya Pənahovanın məzarı üzərində abidəsi ucaldılıb
Yağış yağır, rəqs eyləyir gur damlalar...
Azərbaycan hərbi sahəyə Ermənistandan 6 dəfə çox pul xərcləyir
Türkiyədə həkim azərbaycanlı həmkarını güllələdi
Prezident Musa Yaquba EV VERDİ
İcra hakimiyyəti əsgərin şəhid olduğunu təsdiqlədi
Quzanlıda Dövlət Bayrağı Günü münasibətilə yürüş - FOTOLENT
Ərdoğan: “Bağdadinin arvadı bir ildən çoxdur, əlimizdədir”
Özbəkistanda Azərbaycan mədəniyyəti və ədəbiyyatı günlərinin açılışı olub - FOTOLAR
Dövlət Komitəsində vətəndaşların növbəti qəbulu keçirilib
“APOEL-in "Qarabağ"a qalib gəlməməsi intihar olar”
Ermənilər Qarabağ pulu hazırlayırlar
Moderator.az-ın 7 yaşı tamam oldu - Baş redaktor: “Studiyamız açılacaq”
Səhiyyə Nazirliyindən uşaq qidaları ilə bağlı XƏBƏRDARLIQ
“Qarabağ”a görə qovulan baş məşqi Ermənistan yığmasına rəhbərlik edə bilər
Tiqran Abramyan: "Azərbaycanın hərbi xərclərini kəskin artırması Qarabağ üçün ciddi risklər doğurur"
Şəhid Əlövsət Vəliyevin xatirəsi anıldı - FOTOLAR
Azər Qasımlı istefasının səbəbini AÇIQLADI
Türkiyəli həkim Gülalıyevin son durumu barədə danışdı - VİDEO