Qarabag Media
Haqqımızda Əlaqə

Nə dəhşət imiş evinin qapısını xəyallarda döymək...


Tarix:22-05-2019, 23:24 Kateqoriya:Manşet / Yazarlar

Nə dəhşət imiş evinin qapısını xəyallarda döymək...Qönçəgül Kamalqızı

Sənə necə qovuşsam?
Göyəmi çıxsam, torpağamı gömülsəm?
Çarəsi varmı dərdimin?
Bu həyat necə keçdi kaş biləsən.
Yüyənsiz, yəhərsiz, ayaqyalın at belində. Röyalarda dağlara, dərələrə baş alıb getdi nəfəsi kəsilənəcən.
Dörd fəsli necə yaşadım, heç bilmirəm.
İçində həsrət olunca, dörd mövsümdə də üşüyərmiş insan.

Hər yaz gələndə gözlərimi yumub zəncirotunun çiçəklərini üflədim.
Nəfəsimi rüzgar gətirdimi sənə?
Yadına düşdümmü heç?
Yoxsa unutdun məni. Acizliyimə, vəfasızlığıma görə.

* * *

Uşaq vaxtı bir yaşıl darağım vardı. Nədənsə son zamanlar hər güzgüyə baxanda o darağımı xatırlayıram.
Bəlkə də heç vaxt qocalmayacağını düşünən, oyuncaqlarıyla ev qurub, amma evi dağılan, gəlinciklərə öz nağılını danışan, sonu hüsran olan o qızcığazın qapqara saçlarını daramağın həsrətindəyəm.
Bitmədi ki, bu həsrət.
Sonu olmadı bu ayrılığın.
Sən demə bütün sevgilərin ən gözəli sənmişsən.
Sən demə, ən çox sənə susayarmış dodaqlar.
Ən gözəl şeirlər sənə yazılarmış.
Ən unudulmaz qovuşmalar sənlə olarmış.

* * *

Daha ümidlərimi ipə-sapa düzüb boynuma bağlamıram.
Hər il bir ümidim itir boyunbağım qırıldıqca.
Nə çəhrayı xəyallarım var artıq, nə də işıqlı arzularım.
Qapımızdakı yasəmənin bənzərini də axtarmıram.
Qürbət qoxuyar nə də olsa bütün güllər.
Hər gecə küçəmizdə var-gəl edirəm hələ də.
Evimizə elə hey uzaqdan baxıram.
Nə dəhşət imiş evinin qapısını xəyallarda döymək.
Dağların dumanını baxışlarınla oxşamamaq.
Əllərinə bir ovuc torpaq sığdıra bilməmək.
İllərin ürəyimi yaralayan boş gilizlərini sayıram yenə.
Bir, iki, üç..... Tam 27-di oldu.
Rəqəmlərin anlamı var deyirlər.
Tilsim nə vaxt çözüləcək, ey sevgililərin ən füsünkarı?
Mən səni bir an belə unutmadım.
Gözümün yaşında, ürəyimin döyüntüsündə saxladım.
Sən də məni unutma. Heç olmazsa bir məzarlıq torpaq saxla.
Ovuclarımdan axıb gedən gəncliyimi dəfn etmək üçün.
Nimdaş xəyallarıma bürünüb, sənə gələcəyəm.

Karabakhmedia.az
___________________________
_____________________________________________________________________________________










SON XƏBƏRLƏR
Dünyanın ən güclü orduları bəlli oldu - Neçənci yerdəyik?
"Rəsulzadənin tapançası məni xilas etdi..." - Türk zabitin xatirələri - FOTOLAR
Bakıda 19 yerdə məktəb yarmarkaları fəaliyyətə başlayıb - SİYAHI
Qabil Hüseynli: “Rəşadın ayağının biri axtarışların ilk günü tapılmışdı”
İrəvanda etirazlar: Parlament binası mühasirəyə alındı
Şəhid Milli Qəhrəman Fazil Mehdiyevin doğum günüdür - VİDEO
Hirkan Milli Parkının ərazisində yanğın başlayıb - YENİLƏNİB
Rəşad Atakişiyevin nəşi TAPILDI
Milli Qəhrəman İlham Əliyevin anım günüdür
“Vikipediya”da publisist və tədqiqatçı Tofiq Hüseynzadə haqqında üç dildə məqalə yaradılıb
Şoyqudan ABŞ-a “raket mesajı”
Qətərdə asfaltı mavi rəngə boyamağa başlayıblar
Xoy şəhərində “Şəms və Mövlana” Festivalı keçirilir
Məktəblilər bu il yeni forma geyinəcəklər? – AÇIQLAMA
Qaçqınların və Məcburi Köçkünlərin İşləri üzrə Dövlət Komitəsində növbəti kollegiya iclası keçirilib
Sumqayıtda 3 məktəbin bütün şagirdləri tələbə adını qazanıb
Qəzaya uğrayan təyyarəmizin “qara qutusu” tapıldı
Bu gün Bəxtiyar Vahabzadənin doğum günüdür - VİDEO
Azərbaycançılıq ideologiyası haqqında film çəkildi
Gürcüstanın Azərbaycana 7.3 milyon dollar borcu var
"Neftçi"nin baş məşqçisi məğlubiyyətdə özünü günahlandırıb
Sosial internet şəbəkələri saxta “qədim erməni dövlətçiliyi” barədə yalanlarla doludur
Vikimaniya beynəlxalq konfransında ölkəmizi üç vikipediyaçı təmsil edəcək
ABŞ Ermənistanın iki şirkətinə sanksiya tətbiq edib
“Baş nazir dəqiq deyib, nəsə əlavə etməyə ehtiyac yoxdur...” - Mnatsakanyan
Azərbaycan və İran prezidentlərinin telefon danışğındakı pərdəarxası MƏQAMLAR
Təslim olmuş erməni hərbçisi ilə bağlı danışıqlar aparılır
Tehran metrosunda hicabına riayət etməyən qadınlara qarşı təzyiqlər şiddətləndirilir
Qəzaya uğramış təyyarəmiz parça-parça olub
Aqil ABBAS: "Qurban Qurbanov, səninləyik!"