Qarabag Media
Haqqımızda Əlaqə

Aqil ABBAS: TELEKANALLARI TELEKANALİZASİYAYA ÇEVİRMƏYİN


Tarix:18-04-2019, 14:51 Kateqoriya:Manşet / Yazarlar

Aqil ABBAS: TELEKANALLARI TELEKANALİZASİYAYA ÇEVİRMƏYİN

Rəşad İlyasovu da tanıyıram, efirin simalarından biridi, gözəl də sənətkardı. Rüfət Axundovu da tanıyıram. Estradada öz yeri, özünəməxsus səsi olan sevilən müğənnilərdən biridi. Hər ikisi yumoru olan, zarafatcıl, həm də çox səmimi insanlardı.

Bəli, kobud, özlərinə və adlarına yaraşmayan böyük bir səhv ediblər, buna görə də hər ikisi xəcalət çəkir və üzr istəyiblər , eləcə də cəzalanıblar. Onların tərəfini saxlamaq fikrində deyiləm. Məsələyə başqa tərəfdən yanaşmaq istəyirəm.

Yadınızdadırsa, Ustad Ədalətin də ömrünün sonlarına yaxın bir verilişdə söyüşünü atmışdılar saytlara və sonra da sazı və səsi iliyimizəcən işləmiş bu böyük sənətkarı linç edirdilər.

Sənətkarın həmin söyüşü efirə getməmişdi. Reklam arasında, yəni fasilə vaxtı yerindən oynatmışdılar, o da həmin ifadəni dilindən qaçırmışdı.

Həmin kadrları bəs kim yaymışdı? Təbii ki, verilişi hazırlayanlar – rejissormu, səs rejissormu, operatormu, day nə bilim hansı namərd. Bu xalqın bir sevimli şəxsiyyətini gözdən salmaq məqsədi güdürdü. Təxribatıydı. Özü də təkcə sənətkara qarşı deyil, həm də çalışdıqları kanala qarşı, onun rəhbərinə qarşı. Bilmirəm, o vaxt kanalın rəhbəri hansısa bir tədbir gördümü? Ola bilər ki, özü öz kanalını izləmir, amma o boyda səs-küydən xəbərsiz ola bilməzdi.

Aqil ABBAS: TELEKANALLARI TELEKANALİZASİYAYA ÇEVİRMƏYİN

Yaxud Xoşqədəm Hidayətqızı. «Səni axtarıram» verilişi danılmaz faktdır ki, çox yüksək reytinqə malikdi. Belə bir veriliş hazırlamaq o qədər də asan məsələ deyil. Təbii ki, Xoşqədəm Hidayətqızı bu verilişin təkcə ssenari müəllifi, aparıcısı deyil, eyni zamanda rejissorudu . Bir rejissor kimi də proqramını daha maraqlı eləmək üçün müxtəlif üsullara əl atır, bir oyun, bir tamaşa qurur. Bu zaman ürəyi istədiyi kimi alınmayanda hirslənə bilər, ekipini danlaya da bilər, bu danlaq əndazədən də çıxa bilər. Eləcə də verilişin iştirakçısı ilə çəkiliş zamanı xoşagəlməz hallar baş verə bilər. Bunlar hamısı pərdə arxasında olur. Amma pərdə arxasında olan söz-söhbətləri sonradan saytlara, sosial şəbəkələrə atmaq, hətta efirdə göstərmək nə qədər doğrudur? Bu təkcə Xoşqədəm xanımın nüfuzuna xələl gətirmir ey, həm də onu ictimaiyyətin müzakirəsinə atanlar tərəfindən telekanala bir zərbədi. İnsanların həmin kanallara etibarı itir. Xüsusilə də həmin verilişə gələnlərin etibarını itirir.

İndi də ATV-də Zaurun apardığı «Zaurla Günaydın» proqramında Röya xanımın aparıcının qulağına dediyi xoşagəlməz ifadə atılıb ortalığa. Hansı ki o ifadə canlı yayımda getməyib. Özü də doqquz ay bundan əvvəl olub. Və bu gün birdən-birə kimsə, kimsə deyəndə təbii ki, həmin proqramı hazırlayanlardan kimsə, atıb ortalığa. Qırhaqırdı.

İndi gərək ATV-nin prezidenti bu məsələni araşdırsın, efirə getməyən bir kadrı ictimaiyyətin müzakirəsinə verən əməkdaşını tapsın və ağır da cəzalandırsın.

«Space»nin rəhbərliyi əməkdaşlarını cəzalandırdı. Yaxşı olar ki, ATV də bu addımı atsın.

Yoxsa belə çıxır ki, özəl telekanalların rəhbərləri öz işçiləri üzərində nəzarəti itiriblər. Bir rəhbər kollektiv üzərində nəzarəti itiribsə, əslində istefaya getməlidi.

İndi bəzi telekanalların rəhbərlərinə də bir dərs vermək lazımdı ki, belə hadisələr təkrarlanmasın./adalet.az/

Karabakhmedia.az

_________________________________________________________________________________________________________










SON XƏBƏRLƏR
"Rusiya Krımı 1991-dən bu yana istəyirdi" – Ukraynalı general
Ərəb şeyxi Ermənistanda kilsə təmir etdirib
PKK-nın Qara dəniz düşərgəsi ələ keçirildi
Prezident Ramiz Rövşən və Musa Yaquba “Xalq şairi” adı verdi
Prezident bir qrup mədəniyyət xadiminə "Tərəqqi" medalı verib
Nazarbayev ömürlük Türk dünyasının fəxri lideri seçildi – PREZİDENTLƏRDƏN TARİXİ QƏRAR
Qarabağda rəqs məktəbləri açılır: Həm də Amerika ermənilərinin pulları hesabına...
Şəhid ailəsini yaşadığı mənzildən bayıra atmaq istəyənlər kimlərdir?
İlanqaya
ABŞ prezidenti: "Azərbaycanda islahatlar istiqamətində xalqın mənafeyinə xidmət edəcək bütün addımları alqışlayırıq"
İran tibb tarixində ilk dəfə açıq ürək əməliyyatı keçirən şəxsiyyətin doğum günüdür
Mxitaryan desəydi ki, Qarabağ Azərbaycanındır...
"Şəmistanla bir kəndə getsək, bizim qarşısımıza çox adam çıxar, yoxsa dolayı yolla fəxri ad alanların?"
Müdafiə naziri genişmiqyaslı təlimlərin yekunu ilə bağlı xidməti müşavirə keçirdi
Allahına və dövlətinə güvənən Şəhidim – ƏFİLAĞA HƏSƏNOV
Kiyevdə Nəsiminin heykəli ucaldılıb - FOTOLAR
Təhsil Nazirliyi müəllimin döyülməsinə görə Baş Prokurorluğa müraciət etdi
Şərabdan şirin
Sürücülük etibarnaməsi ilə bağlı vacib – YENİLİK
İqtisadçı: “Bütün yaşlı şəxslər pensiya ala bilməyəcək”
ŞƏXSİYYƏTİ VƏ ƏSƏRLƏRİLƏ TARİXDƏ YAŞAYAN MÜTƏFƏKKİR
Fuad Abbasov təcridxanadan danışdı – Həbsinin əsl səbəbini açıqladı
Şəhid qardaşların atası vəfat edib
Paşinyan hərbi xidmətdə olan oğlunu təcili şəkildə Qarabağdan çıxartdı – Müharibə gözlənilirmi?
Azərbaycan müharibəyə hazırlaşır - Sensasion iddialar
Bakıda 33 yaşlı qadın özünü dənizə atıb
Qarabağ generalları Paşinyanı devirəcəklərinə and içdilər
"Dağlıq Qarabağ Azərbaycanın beynəlxalq aləmdə tanınmış ərazisidir" – İsrail telekanalı
Rusiyalı turistlər QARABAĞDA – Laçın, Şuşa, Kəlbəcər, Xankəndi – VİDEO 2019
ABŞ-dan Türkiyə ilə bağlı - Şok qərar