Qarabag Media
Haqqımızda Əlaqə

Milli Qəhrəmanın döyüş yolu: “O yanda xeyli erməni leşi qalmışdı” - FOTOLAR


Tarix:2-04-2019, 15:37 Kateqoriya:Manşet / Qəhrəmanlar

Milli Qəhrəmanın döyüş yolu: “O yanda xeyli erməni leşi qalmışdı” - FOTOLAR

Hərbçi olmasa belə düşmənlə döyüşlərdə şücaət göstərən, vətən övladları az olmayıb. Onlar, vətən sevgisi, millət təəssübkeşliyilə seçiliblər. Heç bir hərbi təhsil olmasa da, öz fərziyələri ilə taktikalar quraraq həm hücum, həm də müdafiədə düşmənlə mübarizəyə qalxıblar. Onların hərbi bilik və bacarıqları isə real döyüş meydanlarında püxtələşib. Bu cür övladlarının biri də, Xocalı rayon Kosalar kənd sakini, Azərbaycanın Milli Qəhrənmanı Tabil Hüseynov olub.

Qəhrəmanımızın döyüş yolunu onun ailəsinin dilindən diqqətinizə çatdıracağıq.

Kosalar kənd camaatı onun barəsində hər zaman ağız dolusu danışıb. Onun iri boy-buxunu, həmişə özündən böyüklərin hörmətini saxlaması, özündən kiçiklərə xüsusi diqqət və qayğı göstərməsi, hər zaman hər kəsə örnək göstərilib. O, Azərbaycanın Milli Qəhrəmanı Tabil Həsənov olub. Qarabağda başlanan, elan olunmamış müharibə zamanı ermənilərin Dağlıq Qarabağda olan kəndlərə vaxtaşırı olan hücumları, bütün kəndlərdə olduğu kimi, Kosalarda da ərazi özünümüdafiə batalyonunun formalaşmasına səbəb olub. Batalyonun ən fəal üzvlərindən biri olan Tabil Həsənov, kəndə olan erməni hücumlarının qarşısının alınmasında, həmçinin bəzi kiçik əməliyyatların aparılmasında xüsusilə fərqlənib.

Milli Qəhrəmanın döyüş yolu: “O yanda xeyli erməni leşi qalmışdı” - FOTOLAR

Kəndin işğalından bir neçə gün öncə, ermənilərin kəndin ətrafına əlavə qüvvələrin cəm olmasının müşahidə edilməsindən sonra, kənddən əlil, qoca, qadın və uşaqların çıxarılmasına qərara verilib. Həmin vaxt Tabil Həsənov da öz ailəsini kənddən çıxarıb, daha sonra isə geri Kosalara qayıdıb. Onların Bərdənin Şirvanlı kəndinə gətirilməsini o vaxtı 4 yaşı olan oğlu, Nəsir Həsənov belə xatırlayır: "Atam rəhmətə gedəndə 4 yaşım var idi. Onun bizimlə vidası, uşaq olsam da gözlərimin önündə hələ də canlanır. O vaxt bizi Bərdənin Şirvanlı kəndinə gətirib, qoydu. Darvazanın ağzından çıxıb bizə əl elədi və getdi".
Milli Qəhrəmanın döyüş yolu: “O yanda xeyli erməni leşi qalmışdı” - FOTOLAR

Ermənilərin bir neçə gün fasilələrlə Kosalar kəndinə intensiv hücumu səbəbindən kənd camaatı tədbirli davranmğa qərar verib. Qadınların və uşaqların çıxardılmasından sonra, kənddə yalnız əli silahlı kişilər qalıb. Ermənilərin kəndin ətrafına zirehli texnikalar və ağır artilleriya yığmasından qüvvələrin qeyri-bərabər olduğu bilinirdi. Lakin Kosalar kənd sakinləri kəndi ermənilərə asanlıqla vermək niyyətində deyildilər.

"Ermənilər martın 29-da Kosalara bir neçə tərəfdən hücuma keçdilər. Həqiqətən o, çox ağır əməliyyat oldu. Yəni, deyərdim ki, Dağlıq Qarabağda nə qədər əməliyyat olubsa, ən ağır əməliyyatlardan biri Kosalara olan hücumdur. Biz dəstələrə bölünüb müxtəlif istiqamətlərdə ermənilərin hücumunun qarşısını almağa çalışırdıq. Qardaşım, Tabil Daşaşan istiqamətində idi. Gecə çox dəhşətli döyüşlər getdi, səhəri biz bildik ki, bir neçə şəhidimiz var, onlardan biri də Tabil olub. Biz onun meyidini götürmək üçün gedəndə o yanda xeyli erməni leşi qalmışdı. Hansı erməni ölüsünün yanında keçdiksə dedilər ki, bunu Tabil vurub. Ermənilərin ən güclü hücumu, Daşaşan və Ağqaya istiqamətində, olmuşdu. O vaxt biz ov tüfəngi ilə kəndin müdafiəsində dururduq. Amma ermənilər dağlıq, təpəlik yerdə 1 km-ə qədər səngər qazmışdılar. Tabil döyüşə-döyüşə ermənilərin hücumunu yarıb onların durduğu yerə qədər getmişdi", - deyə Milli Qəhrəmanın qardaşı bildirir.

Şəhid olduğu gündən indiyə kimi onun şəxsi əşyaları ailəsi tərəfindən göz bəbəyi kimi qoryunub saxlanılır. Hətta, gecə posta çıxdığı zaman yoldaşı tərəfindən onun cibinə qoyulan qoz ləpəsi belə saxlanılır.

Milli Qəhrəmanın döyüş yolu: “O yanda xeyli erməni leşi qalmışdı” - FOTOLAR

Hələ körpə olduğu üçün atasını xatırlamayan övladları, Tabilsiz ötən günlərində belə atasının mənəvi dəstəyini hiss etdiklərini bildirirlər. Milli Qəhrəmanın qızı Qəndab Həsənova cismani olmasa da atasının mənəvi olaraq, daim dəstəyini hiss etdiklərini deyir: "Mən atamı görməmişəm. Əsas əmilərim, dayılarım, babalarımdan eşitmişəm atamın necə qəhrəmancasına döyüşdə iştirak elədiyini. O, tək mənim atam deyil. O elin oğludu, bacıların qardaşlarıdı və bizim kimi uşaqların da atalarıdı. Tək bizim üçün o, ata deyil, hamı üçün atadır. Hər yerdə də bizi seçiblər. Çünki biz cəsur və igidcəsinə döyüşən Tabilin övladlarıyıq".

Milli Qəhrəmanımızın ömür-gün yoldaşı Lətifə xanım deyir ki, 2 qız, 1 oğul övladı var və hamısı qəhərmanımızın adına layiq olmalıdır. Bu gün müharibə başlayarsa, o öz övladlarını heç tərəddüd etmədən vətən yolunda verməyə hazır olduğunu vurğulayıb: "Mənim onda 26 yaşım vardı. Oğlum 4, qızımın biri 3, biri isə 1 yaşındaydı. Torpaqlarımızda şəhidlərimizin ruhu yatır, hər bir damlasında şəhidlərimizin qanı var. Mən ona görə də deyirəm ki, bu gün prezidentin fərmanı olarsa, mən oğlumu yenə müharibəyə yola salmağa hazıram".

Azərbaycanın Milli Qəhrəmanı Tabil Həsənovun övladlarının ən böyük istəyi də, tezliklə torpaqlarımızın azad olunması üçün döyüş əməliyyatlarının aparılmasını görməkdir.

Daşqın Güneyli
Ordu.az

________________________________________________________________________________________________________










SON XƏBƏRLƏR
Dünyanın ən güclü orduları bəlli oldu - Neçənci yerdəyik?
"Rəsulzadənin tapançası məni xilas etdi..." - Türk zabitin xatirələri - FOTOLAR
Bakıda 19 yerdə məktəb yarmarkaları fəaliyyətə başlayıb - SİYAHI
Qabil Hüseynli: “Rəşadın ayağının biri axtarışların ilk günü tapılmışdı”
İrəvanda etirazlar: Parlament binası mühasirəyə alındı
Şəhid Milli Qəhrəman Fazil Mehdiyevin doğum günüdür - VİDEO
Hirkan Milli Parkının ərazisində yanğın başlayıb - YENİLƏNİB
Rəşad Atakişiyevin nəşi TAPILDI
Milli Qəhrəman İlham Əliyevin anım günüdür
“Vikipediya”da publisist və tədqiqatçı Tofiq Hüseynzadə haqqında üç dildə məqalə yaradılıb
Şoyqudan ABŞ-a “raket mesajı”
Qətərdə asfaltı mavi rəngə boyamağa başlayıblar
Xoy şəhərində “Şəms və Mövlana” Festivalı keçirilir
Məktəblilər bu il yeni forma geyinəcəklər? – AÇIQLAMA
Qaçqınların və Məcburi Köçkünlərin İşləri üzrə Dövlət Komitəsində növbəti kollegiya iclası keçirilib
Sumqayıtda 3 məktəbin bütün şagirdləri tələbə adını qazanıb
Qəzaya uğrayan təyyarəmizin “qara qutusu” tapıldı
Bu gün Bəxtiyar Vahabzadənin doğum günüdür - VİDEO
Azərbaycançılıq ideologiyası haqqında film çəkildi
Gürcüstanın Azərbaycana 7.3 milyon dollar borcu var
"Neftçi"nin baş məşqçisi məğlubiyyətdə özünü günahlandırıb
Sosial internet şəbəkələri saxta “qədim erməni dövlətçiliyi” barədə yalanlarla doludur
Vikimaniya beynəlxalq konfransında ölkəmizi üç vikipediyaçı təmsil edəcək
ABŞ Ermənistanın iki şirkətinə sanksiya tətbiq edib
“Baş nazir dəqiq deyib, nəsə əlavə etməyə ehtiyac yoxdur...” - Mnatsakanyan
Azərbaycan və İran prezidentlərinin telefon danışğındakı pərdəarxası MƏQAMLAR
Təslim olmuş erməni hərbçisi ilə bağlı danışıqlar aparılır
Tehran metrosunda hicabına riayət etməyən qadınlara qarşı təzyiqlər şiddətləndirilir
Qəzaya uğramış təyyarəmiz parça-parça olub
Aqil ABBAS: "Qurban Qurbanov, səninləyik!"