Qarabag Media
Haqqımızda Əlaqə

Gəncliyimin idealı idi İradə Tuncay...


Tarix:20-11-2015, 10:34 Kateqoriya:Manşet / Yazarlar

Gəncliyimin idealı idi İradə Tuncay...

Şərafət ŞƏFA
Ona baxarkən məşhur fransız müğənnisi Edit Piafın bir sözünü xatırlayıram:” Mən istəyirəm ki, «Etiraf»ımı oxuyanlar Mariya Maqdalenaya dedikləri kimi mənə də «o bağışlanacaq, çünki o sevirdi» desinlər”.

Məktəb illərinin ən məşhur sualı idi bu. İdealınız kimdi? O zaman aldığımız tərbiyə nəticəsində düşüncələrimizdə, gözlərimizdə yalnız qəhrəman, güclü insanları canlandırırdıq. Tez-tez - doğrumu seçdik?-deyə fikir mübadiləsi aparardıq müəllimlərimizlə. Sonra tələbəlik illəri.. Eynilik təkrarlanır. İnsan aldığı tərbiyənin bünövrəsi üstündə binələşir, möhkəmlənir. Və illər keçdikcə hər şeyin safını, gözəlini, dəyərlisini axtarıb seçməyə çalışır. İdeal seçməyə çalışdığı kimi. Mənim də diqqətimdən yayınmayan, nagıl və tarixi qəhrəmanlardan belə seçilən möhtəşəm bir qadın vardı. Gözəl, qara gözlü, işvəli və iradəli, məğrur və qətiyyətli! Mən bu güclü və gözəl qadını idealım seçmişdim. Onu efirlərdə seyrə başlamışdım. Gözəl şairimiz Gəray Fəzliylə çalışmağa başlayandan sonra isə bu qadın daha da doğmalaşmışdı mənə. Gəray Fəzli atamla dost idi. Həmişə işdən söz düşəndə İradə xanımdan danışardı. Onun dəyanətindən, mərdliyindən, diqqətcil və qayğıkeş olmasından.

Mən də ağzımı ayırıb maraqla qulaq kəsilərdim bu şirin söhbətlərə. İllərlə seyrimdən nəzərdən qaçırmadığım bir nüans da vardı. Hər şeyə mətanətlə dözüb, içindəki təlatümlü fırtınanı boğan bu qadın həm də çox sadiq bir dost idi. Yəqin oxucuların çoxu bu dostun, bu insanın kim olduğunu anladı. Öz əxlaqı, özünəməxsusluğu ilə seçilən gözəl qələm sahibi Rəşad Məcid! Bilirsizmi, mən illərdir bu dostluqdakı sədaqətə həsəd aparmışam! Çox gözəl, mehriban, sarsılmaz bir dostluqdu bu! Sivil cəmiyyətin çirkinliyi içində nülufər gülünə bənzəyir bu dostluq! Dost – insanın güvən təməlidi. İmam Sadiq (ə) buyurur: “Yaxşı dost gülüstanda əsən küləyə bənzər. Əgər dostun yaxşıdırsa, səni ətirli edər, amma əksinə, pis dost atəş kimidir və əgər siz o atəşlə təmasda olsanız, o, sizi yandırar”. Rəşad Məcid mətbuat aləmində dəyər verdiyim şəxslərdən biri olaraq, həm də gözəl ailə başçısıdı. Eqoizmdən uzaq olan bu adamın sadəliyi və səmimiyyəti onu həmişə cəmiyyətə sevdirmişdir. Bu xüsusiyyətlərin ən ekzotik görüntüsü isə məhz İradə Tuncayla olan sədaqətli dostluğudur!

İradə Tuncay olduğu kimi olan bir xanımdı. Maskalanmaqdan, riyadan uzaq bu xanım cəsarətli çıxışları ilə də fərqlənir. Sosial şəbəkələrdə seçilən statuslarla çıxış edən İradə xanımın yazılarında sətiraltıdan çox mükəmməllik daha çox diqqət çəkir. Güclü mütailəsi olan xanımın ünvanlı statusları başqalarını deyə bilmərəm, mənim ruhuma qida verir. Tutarlı ifadələrlə bayağılaşan və ucuzlaşan insanlara öz yerlərini göstərməyin özü də böyük fədakarlıqdı! Bir dəfə bir statusunu oxumuşdum. Yazırdı:” İnsan özunə amnistiya verməyi bacarsa nə gözəl olar ..... Özüylə barısıq yasaya bilsə, özünü istintaq eləməsə, məhkum eləməsə, edam eləməsə.... Nə gözəl olar.....!!!!”. Bu status deyil, bu böyük bir fəlsəfə kitabıdı! İnsanın ruhunun daxili sınıqlarının sızıltılı hayqırtısıyla dolu bir əsəridi! Bu əsərdə duyğulu qadın qəlbi özünü axtarmağa başlayır. Bir çox çatların eyniliyini görür!

Yazar olaraq illərin qanadında daha çox dərinliklərə varıb müdrikləşən İradə Tuncayın inadkarlığı mənə İndiananı xatırladır. Qadınlar bəzən nə istədiklərini anlaya bilməyəndə çılğına dönür. Bunun səbəbinin isə ona qarşı olunan haqsızlığa istinadlığını görəndə içində bir yalquzaqlıq əmələ gəlir. Və təhlükələrə baxmayaraq bir addım qabağa atır! Başı dikəlir və savaşa hazır olur! Bir müsahibəsini oxuyurdum bu dəyərli insanın. Öz fikirlərini olduğu kimi tərənnüm edən İradə xanım əlindəki söz möhürüylə cümlələri möhürləyib publikaya çatdırır! O, deyir:” Ümumiyyətlə, yaradıcı insanın həmişə yeni hisslərə ehtiyacı var. Mən bunların hamısını anlayırdım. Çünki atamı görmüşdüm. Evdə də bu zəmində yaranan konfliktlərin travmasını yaşamışdım. Özümə söz vermişdim ki, mən evdə uşaqlarıma bu travmanı yaşatmayacam. Amma illər keçdi və mən anladım ki, səhv etmişəm. Cəmiyyətin xasiyyətinə uyğun davranmaq lazım imiş – həyasızlıq, ləçərlik etmək lazımdır, bildin, tut yaxasından çək ki, gəlib sənin haqqını tapdalamasınlar. Yoxsa ki, küçələrdə qalmış hansısa insanlar elə bilirdilər ki, onlar da mənim tayımdır. Bəzi qadınlarda belə bir xasiyyət var – paxıllıq etdikləri qadının əriylə yatağa girəndə özlərini elə sənin yerində zənn edirlər. Amma yox, deyilsən, heç ayağımın tozu da deyilsən. Onunla heç nə olmur. Adamın içi olmalıdır. Qadınlar özlərinə qiymət vermirlər. Elə bilirlər ki, bir idarəyə gedəndə, hansısa kişi onları çay içməyə aparanda... özlərini xoşbəxt sayırlar. Axı sən, istifadə olundun, daha sənin heyvandan nə fərqin var ki?”. Gözəl şərhdi! Anlayan üçün başqa tədris mərkəzi lazım deyil!

Əziz, sevimli, güclü və dəyərli İradə xanım!

Lap çoxdan səmimi hisslərimi qələmə almaq istəsəm də hardasa qəlbinə toxunmaqdan qorxub, əl saxlamışdım. Lakin dünən (bəlkə də saatlarla qulağın cingildəyib) sevdiyim sevimli bir dostumun sənin barəndə etdiyi xoş, gözəl söhbətindən sonra səmimi hisslərimi qələmə almaq qərarına gəldim. İndi gecə saat 01-10-du. Bəlkə də sən indi şirin bir yuxudasan! Bəlkə də gözəl övladların, şirin nəvələrin barədə xoş düşüncələrdəsən. Mən də bunları fikirləşə-fikirləşə xoş təbəssümlə bu sətirləri qələmə alıram! Sən bütün qadınların hamısından çox doğma, çox əzizsən mənə! Bəzən olub ki, sarsıntılı anlarımda qucağına gəlmək istəmişəm..Düşünmüşəm ki, məni kim anlar sənin qədər....

Əziz bacım, o gözəl gözlərində hansı xatirənin izi, böyük sevgiylə dolu ürəyində hansı arzu, diləyin varsa, hamısına qovuşmağını diləyirəm! Sən həyatda hər şeyin ən gözəlinə layiqsən!!!

Karabakhmedia.az










SON XƏBƏRLƏR
Bu gün Azərbaycanda Novruz bayramı qeyd olunur
Məcburi köçkün qəsəbələrində Novruz şənlikləri keçirildi - FOTOLAR
Atılan addımlar milli birliyə xidmət edir
Şuşa-Laçın yolu - 2019/VİDEO
Putin istefa verən Nazarbayevə zəng edib
Ceyhun Salmanova vəzifə verdi - Sərəncam
Nursultan Nazarbayev istefa verib
Prezidentlə Xanımı Novruz şənliyində
Ərdoğandan Avropaya sərt etiraz
Sənətilə Sumqayıtda ucalan həkim
Erməni Marqarita Simonyanın əri Bakıda – “Sputnik”də toplantı keçirdi, Azərbaycan jurnalistlərini təhdid etdi – FOTO
Problemli kreditlərlə bağlı Apellyasiya Komitəsi yaradılır
Qarabağ seprataçılarının keçmiş komandanı müharibə anonsu verib
Əli Nağıyev Əli İnsanovun çıxışına münasibət bildirdi: “Dedikləri hamısı səhvdir, gərək 15 il əvvəl məni dinləyərdi...”
Mənim mifik tanrım, sevgi tanrısı, Ayzıt (duyğu)
NATO Rusiyanı Krımı Ukraynaya qaytarmağa çağırıb
Prezident Birləşmiş Ərəb Əmirliklərinin enerji və sənaye nazirini qəbul edib
Çinarə Ömray "Yalquzaq ulartısı"ndan yazır...
Mərkəzi Bank yenilənmiş 10 manatlıq pul nişanını dövriyyəyə buraxır
“Traxtur” turnir cədvəlinin 1-ci pilləsinə yüksəldi - Güney Azərbaycan
Ermənilər Xankəndidə İran təyyarəsini NİYƏ VURDU: diplomatlar öldü - Tarix
Çanaqqala zəfərindən 104 il ötür - VİDEO
Dövlət Komitəsinin sədri Yevlaxda vətəndaşları qəbul edib
Hava şəraiti ilə bağlı növbəti xəbərdarlıq edilib
Vüqar Bayramov: "Evlərin rəsmiləşdirilməsi üçün simvolik məbləğ müəyyənləşdirilməlidir"
Energetika naziri Pərviz Şahbazov rusiyalı həmkarı Aleksandr Novakla görüşüb
"Mən elə bilirdim, şərəflə yaşamağı öyrənirəm, sən demə, həm də şərəflə ölməyi öyrənmişəm…"
Dağlıq Qarabağ bölgəsinin Azərbaycanlı İcmasının rəhbəri ABŞ mediasına müsahibə verdi
Azərbaycanla Səudiyyə arasında memorandum imzalandı
Qiyas İbrahimov və Fikrət Fərəməzoğlu azadlığa çıxdı