Qarabag Media
Haqqımızda Əlaqə

""OMON"un kəşfiyyat qrupu Ağdamdan 200-300 metr aralanmamış minada partladıldı..."


Tarix:14-03-2019, 18:57 Kateqoriya:Manşet / Araşdırma

Mərhum XTPD komandiri Rövşən Cavadov: “...Və ondan sonra anladım ki...”

""OMON"un kəşfiyyat qrupu Ağdamdan 200-300 metr aralanmamış minada partladıldı..."

Xəbər verdiyimiz kimi, Moderator.az əməkdaşı Xocalı soyqırımı ərəfəsində hərbi birləşmə komandirləri olmuş “Fred Asif” ləqəbi ilə tanınan Milli Qəhrəman Asif Məhərrəmov, keçmiş “OMON” komandiri, Daxili İşlər nazrinin sabiq müavini Rövşən Cavadov və digərlərinin 1992-ci ilun iyul-avqustunda Azərbaycan Respublikası Baş Prokurorluğunun istintaq qrupuna ifadələrinin əlyazmalarının surətini əldə edib.

İfadələrdə faciədən öncə Xocalı sakinlərinin xilas etmək üçün Ağdamda hazırlanan əməliyyatların baş tutmamasının səbəbləri, həmin proseslərdə Şahin Musayev, Fəhmin Hacıyev, Dadaş Rzayev, Tahir Əliyev, Tamerlan Qarayev, Qasım Kərimov və digərlərinin iştirakı barədə ilginc məqamlara toxunulur.

Bu dəfə 1992-ci ilin iyulunda (günü göstərən rəqəm pozulub) tarixlərində mərhum Daxili İşlər nazirinin müavini Rövşən Cavadovdun keçmiş Xüsusi Təyinatlı Polis Dəstəsinin “8-ci km” ərazisində yerləşən bazasında Respublika Baş Prokuroru yanında mühüm işlər üzrə müstəntiq E.Əhmədov tərəfindən hazırlanmış 64524 saylı dindirilmə protokolunda Xocalı soyqırımı ərəfəsində baş verənlər barədə verdiyi qısa ifadəni nəzərinizə çatdırırıq(Üzərindən 27 il keçməsi səbəbindən protokollarda aydın oxunmayan söz və ya ifadələrin yerinə üç nöqtə qoymağa məcburuq):

""OMON"un kəşfiyyat qrupu Ağdamdan 200-300 metr aralanmamış minada partladıldı..."

“Sual:

Şahid qismində dindirilən keçmiş Daxili İşlər naziri Tofiq Kərimov göstərdi ki, 1992-ci il fevralın ortalarında Milli Təhlükəsizlik Şurası qərara aldı ki, Xocalı şəhərinin uçuş xəttinin partladılması zərurəti yaranmışdır və bu işi ona tapşırıblar. Bununla əlaqədar keçmiş nazir bu işi müavini Ramiz Məmmədova tapşırır. Və XTMD-nin kapitanı ...Rüstəmova 250 kq trotil verilərək bu işin icrası ona həvalə olunur.

22-24 fevral 1992-ci il tarixlərində R.X. Məmmədov keçmiş nazirə əməliyyatın həyata keçirildiyini məruzə edir. Bu əməliyyatdan sizin məlumatınız vardımı və nə deyə bilərsiniz?

Cavab:

Bu barədə bizim məlumatımız var idi. Ancaq əməliyyat baş tutmadı. Bunun da səbəbi, məncə, vertolyotların uçmaqdan(Xocalıya) imtina etməsi olmuşdur. Trotili biz vermişdik, ancaq geri qaytarılmayıb. Bu barədə heç bir məlumatım yoxdur...

Ağdamda vəziyyət çox gərgin idi. Hərbçilər Müdafiə Nazirliyinin qərargahına toplanmaqdan imtina edirdilər. Biz özümüz Xocalı istiqamətində bir əməliyyat hazırlamışdıq. Ancaq bizim kəşfiyyat qrupumuz Ağdamdan 200-300 metr aralanmamış minada partladıldı və ondan sonra anladım ki...”(Bundan sonra qalan bir neçə söz oxunmur-S.L.).

P.S. Rəhmətlik Rövşən Cavadovun əldə etdiyimiz materialdakı qısa və bəzi məqamları aydın oxunmayan ifadəsi burada da bitir. Sabiq Daxili İşlər naziri müavininin Xocalı faciəsi ilə bağlı başqa tarixdə prokurorluğa digər ifadə verib-vermədiyi haqda məlumatımız yoxdur...

""OMON"un kəşfiyyat qrupu Ağdamdan 200-300 metr aralanmamış minada partladıldı..."

Ortada görünən odur ki, keçmiş XTPD-nin və ya “OMON”un kəşfiyyat qrupunun Ağdam şəhərinin cəmi 200-300 metrliyində minaya düşməsi, həmin təxribatın kim tərəfindən törədilməsi suallar doğurur. Ümumiyyətlə, “OMON”un Xocalı soyqırımı ərəfəsindəki proseslərdə iştirakı ilə bağlı müəyyən müəmmalar var. Martın 13-də rəhmətlik Milli Qəhrəman Fred Asifin təqdim etdiyimiz - 1992-ci ilin iyulunda eyni müstəntiqə verdiyi ifadəsində o, Xocalı faciəsi gününün səhəri, yəni fevralın 26-da Əsgəran istiqamətində qaçan xocalılıları xilas etmək üçün keçirilmiş hücum əməliyyatında “bir avtobus XTMD üzvü”nün bizim qüvvələrə dəstək vermədiyini, “Qaraqayadan aşağı enmədikləri”ni göstərir. Özü də Fred Asifi tanıyanlar onun daim ədalətli olduğunu, həqiqəti söylədiyini bildirirlər... Amma o da var ki, 1990-cı illərdən bəri verilmiş bəzi digər müsahibə və yazılarda keçmiş “omon”çuların erməni qırğınından qaçan xocalılıların müdafiəsində fəal iştirak etdiyi göstərilir. Məsələn, deyilir ki, əgər Rövşən Cavadov 15 nəfər əsgəri ilə Xocalının çıxacağında mövqe tutub, oradan Ağdama gələn yolu qorumasaydı, heç kəs salamat çıxa bilməzdi...

Xocalı faciəsi ərəfəsindəki proseslərin şahidi və iştirakçısı olmuş keçmiş XTPD üzvlərinin, eləcə də rəhmətlik Fred Asifin taborunda döyüşmüş qazilərin məsələyə münasibətlərini dərc etməyə hazırıq./Moderator.az/

Sultan Laçın

________________________________________________________________________________________________________












SON XƏBƏRLƏR
Laçın rayonunun işğal edilməsinin 27-ci ildönümü ilə bağlı ümumrayon tədbiri keçirilmişdir
Dövlət Komitəsində Laçın rayonunun işğalının ildönümü münasibətilə anım tədbiri keçirilib
Xosrov bəy Sultanovun 140 illiyi keçirildi - FOTOLAR
Xosrov bəy Sultanovun 140 illiyi keçiriləcək
İran ABŞ-ı “başına zərbə endirmək”lə hədələyib
Britaniyanın Azərbaycana dair xəbərdarlığına - XİN-dən reaksiya
Mühasirəyə düşmüş 60 nəfərdən çox döyüşçünü xilas edərkən şəhidlik zirvəsinə ucalan Milli Qəhrəmanımız - VİDEO
“Keşikçidağ” Azərbaycana qarşı siyasi təzyiq vasitəsi ola bilməz
Bu gün 32 173 abituriyent qəbul imtahanı verir
“Qarabağ” çempionluğunu "Neftçi" üzərində qələbə ilə rəsmiləşdirib
Azərbaycanlı diaspora sədri karate üzrə dünya çempionu olub
Qarabağla bağlı prinsipial mövqeyimiz dəyişməyəcək
Həyat yoldaşı ilə birgə güllələnən Sovet İttifaqı qəhrəmanı, gənc general kimdi?
Tarixi qələbənin qazanılmasında Azərbaycan xalqının rolu
Həzi Aslanovun ikinci “Qızıl Ulduz”u - ARAŞDIRMA
Bu gün 9 May - Qələbə günüdür
“Həsrət Yolu” erməni girovluğundakı uşaqlarla bağlı layihəyə başladı
Dövlət Komitəsi Şuşanın işğalının 27-ci ildönümü ilə bağlı anım tədbiri keçirib - FOTOLAR
Prezident Xalq artistinə ev verdi
Qoşa Qala qapıları bərpa edilir - FOTO
100 türk hərbçisi Rusiyada təlim keçməyə başlayıb
Şuşanın işğalı Şəhidlər Xiyabanında anıldı - FOTOLAR
Şuşa tarixi haqqında Şuşasız…
"Yatmış" Keşikçidağ: Niyə "Müqəddəs Giorgi" bayramını qonşular Azərbaycanda keçirir - FOTO
Əməkdar jurnalist Elnarə Dərziyeva BDU-nun jurnalistika fakültəsinin tələbələri ilə görüşüb - FOTOLAR
Xurma satanların Ramazan sevinci
Məhəmməd İsmayıl Daniş: Cavanşir elinin nazir oğlu-ARAŞDIRMA
Şuşanın işğalından 27 il ötür
Elnur Eltürkə yeni vəzifə verildi
"Elə etməsinlər ki, biz də Gürcüstana qarşılıqlı iddialarımızı gündəmə gətirək" - POLİTOLOQ