Qarabag Media
Haqqımızda Əlaqə

"İrandan Qarabağ məsələsində daha prinsipial mövqe gözləyirdik..." - MÜSAHİBƏ


Tarix:28-02-2019, 14:17 Kateqoriya:Manşet / Müsahibə

"İrandan Qarabağ məsələsində daha prinsipial mövqe gözləyirdik..." - MÜSAHİBƏ

Tofiq Zülfüqarov: “Tarixi və dini birliyimizi əsas tutaraq İrandan daha prinsipial mövqe gözləyirdik”

“İran-Ermənistan əlaqələri problemsiz deyil”


“İran-Ermənistan münasibətlərinin geniş inkişafı üçün əlverişli zəmin yoxdur”

Xəbər verdiyimiz kimi, Ermənistanın baş naziri Nikol Paşinyan İrana səfər edib. Səfər əsnasında düşmən dövlətin baş naziri iki ölkə arasında iqtisadi münasibətlərin inkişaf perspektivinə diqqət çəkib, habelə ölkəsinin İran qazı üçün tranzit ölkə ola bilcəyini vurğulayıb.

Moderator.az olaraq sabiq xarici işlər naziri Tofiq Zülfüqarovla söhbətimizdə Paşinyanın İran səfəri, habelə İran-Ermənistan münasibətlərinin Qarabağ probleminə mümkün təsir imkanlarını araşdırmağa çalışdıq.

-Tofiq bəy, Paşinyanın İran səfərini necə dəyərləndirirsiniz? Sizcə bu səfər İran-Ermənistan münasibətlərinin daha da inkişafına səbəb ola bilərmi?

-Birincisi, qeyd edək ki, əgər biz real nəticədən söhbət ediriksə, İranla Ermənistan əlaqələrinin perspektivi azdır. Bunun da müxtəlif səbəbləri mövcuddur. Paşinyanın İran səfəri isə bu tendensiyanı çətin ki, dəyişə bilər.

Onu da unutmaq olmaz ki, Iran bu gün sanksiyaların altındadır. Ermənistanın iqtisadi imkanları da İranla gələcək əməkdaşlıq üçün o qədər də əlverişli deyil. Çox az sahə var ki, iki ölkə bu istiqmaətdə hansısa əməkdaşlıq edə bilər. Sanksiya altında olan İranın Ermənistan ciddi investisiya qoyması da mümkün deyil. Bütün bunlar isə onu göstərir ki, İran və Ermənistan arasında yaxın gələcəkdə hansısa ciddi iqtisadi əməkdaşlığın reallaşması inandırıcı görünmür.

-Səfər əsnasında Paşinyan Ermənistanın İran qazı üçün tranzit ölkə ola biləcəyini vurğuladı. Sizcə İran tranzit ölkə kimi Ermənistandan hər hansı şəkildə faydalnmaqda maraqlı oal bilərmi?

-Tranzitlə bağlı bu fikirlər hər il səslənir və demək olar ki, bir ənənə şəklini alıb. Yəni bunalr ənənəvi fikirlərdir. Coğrafi və digər amillər səbəbi ilə bununla bağlı heç bir layihə həyata keçirilməyib.

Bu səfər Ermənistan diasporunun təxribatı ilə yadda qaldı. Ermənistan hər vasitə ilə çalışır ki, bu təxribatlar hesabına Azərbaycanın qonşularla münasibətinə ziyan gətirsin. Paşinyanın səfəri əsnasında baş verən təxribat da məhz bu istəkdən irəli gələn addım idi.

-Sizcə İran-Azərbacan münasibətlərinin tarixi, iki xalq arasındakı dini yaxınlıq Tehranın Qarabağ məsələsində Azərbaycana daha ciddi dəstək verməsini zəruri etmirmi?

-Təbii ki, biz tarixi və dini birliyimizi əsas tutaraq İrandan Qarabağ məsələsində daha prinsipial mövqe gözləyirdik. Lakin reallıq budur ki, İran özü üçün bəlli bir mövqe seçib. Iranda səslənən bəyanatlarda Qarabağın Azərbaycanın bir hissəsi olması ilə bağlı fikirlər yer alır. İranın hərbi rəhbərliyinin ölkəmizə səfərində də bu cür bəyanatlar səsləndirildi. Hesab edirəm ki, İranda rəsmilər səviyyəsində səslənən bu fikirlər onu göstərir ki, artıq İran standart mövqeyə malikdir.

-Əgər İran da Ermənistanla münasibətdə Türkiyə kimi sərt mövqe sərgiləsəydi, bu, Qarabağ probleminin Azərbaycanın maraqları çərçivəsində həllini sürətləndirə bilərdimi?

-Təbii ki, biz istərdik ki, İran bizə daha çox dəstək versin. Siz haqlı olaraq Türkiyəni misal gətirdiniz. İran heç deyilsə, Türkiyə səviyyəsində mövqe nümayiş etdirsəydi, bu, bizim üçün daha arzuedilən olardı. Belə bir mövqe Azərbaycanın maraqlarına daha çox cavab verərdi.

-Tofiq bəy, İran-Ermənistan münasibətlərində problemli, ziddiyyətli məqamlar da mövcuddurmu?

-Təbii ki, belə məqamlar da var. İran-Ermənistan əlaqələri də problemsiz deyil. Ermənistanın yeni rəhbərliyi Qərbyönümlü siyasət həyata keçirəcəyini bəyan edib. Boltonun səfəri zamanı da bu cür fikirlər gündəmdə oldu. Sanksiyaların dəstəklənməsi kimi düşüncələr də ortaya çıxdı. Yəni iki ölkə arasındakı münasibətləri tamamilə problemsiz hesab etmək olmaz.

Bütün bunları ümumiləşdirərək deyə bilərəm ki, İran-Ermənistan münasibətlərinin geniş inkişaf edəcəyini, bunun üçün əlverişli zəminin mövcud olduğunu düşünmürəm.

Seymur ƏLİYEV

___________________________________________________________________________________________________














SON XƏBƏRLƏR
İlk əsgər məzarlığı salınır: Müharibəyə hazırlıqdır? – Zakir Həsənov
Bu gün Azərbaycanda Bilik Günüdür
Azərbaycan-Türkiyə həmrəylik yürüşü keçiriləcək
Türkiyənin Vitse-prezidenti sabah Azərbaycana səfərə gəlir
Qəhrəmana bərabər qəhrəman: Bitməyən müharibənin döyüşçüləri - FOTOLAR
Piyadalara qarşı cərimələri yol polisi yazacaq - RƏSMİ
Kremlin Qarabağ blefi: Sözdən işə nə zaman keçiləcək?
Bakının işğaldan azad edilməsinin 101-ci ildönümü ilə bağlı tədbir keçirilib - FOTOLAR
Azərbaycan hərbçiləri Almaniyada təlimdə iştirak edirlər
Tramp: Misir Prezidenti mənim sevimli DİKTATORUMDUR
Qazaxıstanda silah anbarı partladı
Türkiyədə ard-arda iki güclü zəlzələ olub
Yaponiyada yüz yaşı tamam olanların sayı 71 mini keçdi
Mirşahin Ağayevə medal verildi
Türkiyə Qarabağ müharibəsində Azərbaycana niyə kömək etmədi? - Kod adı ZƏFƏR olan türk genaralı danışdı - EKSKLÜZİV
Türkmənistan-Azərbaycan iqtisadi əməkdaşlığına dair müzakirələr aparılıb
Türkiyədə siyasi proseslər DƏYİŞİR - Ərdoğanın partiyası niyə parçalanır?
Putin müsəlmanlarla araq içdi – “İmamların 3-də…” - VİDEO
MƏQSƏD SƏTTAROV KİMDİR? - I YAZI
Azərbaycan Türk fəlsəfəsindən yarpaqlar: ŞEYX MƏHƏMMƏD XİYABANİ- III Yazı
Əhməd Davudoğlu AKP-dən istefa verib
Özbəkistan Türk Şurasının üzvü olacaq
2020-ci il üzrə dövlət büdcəsinin gəlir və xərcləri
“Təlimlər döyüş qabiliyyətinin artırılmasına xidmət edir” - Müdafiə naziri
Qarabağ icması Fransa hökumətinə çağırış edib
Piyadaları cərimələyən post-patrul əməkdaşlarının səlahiyyətlərinə xitam verilib
İnsanın soykökünün saxtalaşdırılması onun şərəf və ləyaqətinə qarşı hörmətsizlikdir
Mehriban Əliyeva Kürdəxanıda parkın açılışında - FOTO
Rövşən Rzayev: "Həmsədrlər Azərbaycanın işğal altında olan torpaqları ilə bağlı qətiyyətli mövqe nümayiş etdirməlidirlər"
İşğal olunmuş ərazilərlə bağlı qanun niyə qəbul olunmur? - Deputatdan pessimist CAVAB