Qarabag Media
Haqqımızda Əlaqə

Tanınmış ilahiyyatçı Tural İrfan: "Zəlzələnin dəhşəti və ya dəhşətin zəlzələsi"


Tarix:6-02-2019, 12:04 Kateqoriya:Manşet / Cəmiyyət

Tanınmış ilahiyyatçı Tural İrfan: "Zəlzələnin dəhşəti və ya dəhşətin zəlzələsi"Səmavi dinlərə, şərq fəlsəfəsinə görə həyatda, kainatın mövcudiyyətində və fəaliyyətində təsadüf yoxdur, bəlkə təvafüq vardır. Hər hadisə səbəblərə və ilahi hikmətə bağlıdır.

Odur ki, baş verən təbiət hadisələri də səbəbsiz deyil, hətta üləmanın - hikmət alimlərinin, metafiziklərin, ilahiyyatçıların fikrinə və dini məxəzlərə-mənbələrə əsasən kainatla Yerdə baş verən hadisələr bilavasitə əlaqəlidir.

Peyğəmbərlərdən sonuncusunun sözlərinə görə, Allahın ərşi bir neçə hadisə zamanı titrəyər. Bunlardan biri, yetimin haqqı yeyiləndədir. Digəri evlilər boşanandadır. Zəlzələlərin baş vermə səbəblərindən biri kimi zinanın çoxalmasını da qeyd edir Allah Elçisi.

Peyğəmbər zəlzələni, Allahın zalımlara Qiyaməti xatırlatma görkü kimi əsaslandırır. Quranda "Zilzal" Zəlzələ surəsi var. Qiyamətin zəlzələsindən bəhs edir. Habelə bu gün elm əhli zəlzələnin baş vermə səbəblərini və vaxtını dəqiq öyrənə bilməyiblər.

Bir çox fəsad və küfr hadisələr baş verəndə, zülm çoxalanda bu kimi olaylarla Allah mənəmlik iddiasında olan fiqurları silkələyir.

Meşədən giləmeyvə yığıb, yol kənarında satıb yetiminə ayaqqabı alan məzlumun ruzisini Allahdır verən. Onu kəsdikləri gün Allah silkələdi... Allah mesaj verdi ki, o meşələri, o meyvələri bitirən-yetirən mənəm, siz yox. Yetimun ruzisi kəsilən gün dəhşət olar. Allah küfrə dözür, zülmə səbr etmir... Heyvanların havayı yediyi bir itburnunu, çaytikanını, cır almanı paltarı cırıla-cırıla yığıb ac balalarına çörək alan miskinin ahı dünyanı yandırar.

Məgər o meyvələri daha çox yeyən heyvanları da cərimə edə biləcəklərmi? Əgər edə bilməyəcəklərsə bu ədalətsizlik və vətəndaşı meşə heyvanından da aşağı vurmaq deyilmi?!.

Zəlzələnin dəhşəti hələ qabaqdadır. Bu zəlzələ dəhşətin zəlzələsi idi. Acın, ümidi kəsilənin, pənahı tükənənin, boynu bükük miskinin son ruzi yerinin əlindən alındığı dəhşətinə Allahın xəbərdarlığı idi...

Qiyamətin zəlzələsi daha aramsız, amansız və daha dəhşətli olacaq. Onun qarşısını ABŞ-ın texnologiyası, Rusiyanın avadanlıqları və hətta İsrailin raketdən mühafizə qurğuları "Dəmir dəbilqə" də ala bilməyəcək. Meteor yağışı yağacaq "Təkvir" surəsində təsvir edildiyi kimi... Allahın qəzəbinin qarşısını heç nə ala bilməz, yetimlərin göz yaşı qurumayana kimi.

Bir yarpaq da səbəbsiz yerə düşmürsə, zəlzələlər də səbəbsiz deyil. Zülüm, zina, fəsad, aclıq, rüşvət, oğurluq, cinayətlərin artması zəlzələ, daşqın, quraqlıq kimi hadisələrin səbəbi-hikməti kimi qeyd edilir.

Qiyamətin zəlzələsində ana baladan, qardaş qardaşdan ayrılacaq. Məzlumun halı zalımdan sorulacaq. "Qiyamət" surəsində deyilir ki, o gün özünü itirən insan bilməyəcək hara qaçsın, qıçı-qıçına dolaşacaq...

Və Cəhənnəm alovlandırılacaq. Cənnət zinətləndiriləcək... İnsan peşman olacaq... Ancaq gec olacaq... Geri dönüşü arzu edəcək, mümkün olmayacaq və onu sındırıcı əzab yaxalayacaq...Əbədi Cəhənnəmin alov dilimləri Günəşin haləsi kimi cəsədini bürüyəcək...

O zaman qadağan olunmuş giləmeyvə və anası məktəb paltarı ala bilmədiyi üçün dərsdən qalıb pilləkəndə ağlayan yetim yada düşəcək. Ürəkdən, dünyadakı sərvətin tamamını o yetimə bağışlamaq keçəcək, bu alovdan bircə anlıq aman istəməyin qarşılığında. Ancaq gec olacaq...

Müslüm Gürsəsin bir mahnısında deyildiyi kimi:" ...Son pişmanlık neye yarar?.." Bəli, bu, dəhşətin zəlzələsidir hələ, zəlzələnin dəhşəti isə qabaqdadır.
...Gec olub, güc olmamış düşünün !


Tural İrfan










SON XƏBƏRLƏR
Britaniya XİN başçısı: “İrana nüvə silahı əldə etməsi üçün bir il kifayətdir”
Türkiyə Aralıqda dənizində qaz yatağı tapdı - Sensasion iddia
Saakaşvilidən Azərbaycan və Gürcüstana müraciət
AVRO-2020: Bilet sifarişində rekord qeydə alındı - 19,3 milyon
Rusiya Azərbaycanlıları İttifaqı MeqaFon mobil operatoruna səhvini düzəltdirdi
Növbəti erməni həyasızlığı - VİDEO
Bakı-Batumi aviareyslərinin sayı artırılır
Gəncədə məcburi köçkünlər üçün salınmış qəsəbə telefonlaşdırıldı
Paşinyanın xeyriyyə fondu Laçındakı erməni balaları üçün bağça açdı - FOTOLAR
Baş Prokurorluq: "Şəki Xan Sarayında budaqların qırılmasına səbəb əlverişsiz hava şəraiti olub"
Gürcüstan DİN Keşikçi Dağla bağlı ictimaiyyətə müraciət etdi
Azərbaycan bu gün BMT-yə ikinci hesabatını təqdim edəcək
Onlar 3 dost idilər - Laçında eyni döyüşdə həlak olan şəhidlərin anım tədbiri keçirildi – FOTO/VİDEO
Zelenskinin korteji uşaqları daşıyan avtobusla toqquşdu
Rusiya və Türkiyənin ortaq tarixinə dair bədii film çəkiləcək-VİDEO
Sən ağlama, mən ağlayım, gözəlim... Əhməd Cavadın Şükriyyəsi - Günel EYVAZLI yazır
Zelenski Qara dənizdə qırmızı şortikdə
Prezident Şəkidə baş vermiş hadisəni nəzarətə götürdü, FHN helikopter göndərdi
Şəkidə Xan Çinar qırıldı: yaralılar var - VİDEO
Tiflisdə etiraz davam edir: Nazir istefaya gedəcəkmi?
Qənirə Paşayeva İsveçrədə Azərbaycan həqiqətlərindən danışıb
Təhsil Nazirliyi xaricdə təhsil almaq istəyənlərə müraciət etdi
İrəvan xanları 300 il bu sarayda yaşayıb - Əşyalarını zirzəmidə toz basmışdı, yeni tapılıb - FOTOLAR
Güclü külək 20-yə yaxın ağacı aşırıb - Bakıda
İlham Qəhrəman - "Könül işi"
Mikoyan və Suslovun “millətçilikdə” günahlandırdığı Nazim Hacıyev kim olub?
Fəallar güney azərbaycanlı siyasi məhbuslara dəstək vermək məqsədi ilə Savalan dağına çıxdılar
Türk komandolar bölgəyə girdi – “Pəncə-2” ilə AĞIR ZƏRBƏ
Cümhuriyyət varislərinə medallar təqdim olunub
Goranboyda baş vermiş hadisə ilə bağlı DİN və Baş Prokurorluqdan AÇIQLAMA