Qarabag Media
Haqqımızda Əlaqə

Unutmayaq, unutdurmayaq — Qəzənfər Hüseynov


Tarix:30-01-2019, 23:39 Kateqoriya:Manşet / Yazarlar

Unutmayaq, unutdurmayaq — Qəzənfər HüseynovÖz uşaqlıq aləminə baş vurmaq, xatirələri yada salmaq qəlbən təmizlənmək və xöşbəxtlikdir. Laçın şəhər 1 saylı orta məktəbində oxuyarkən həyat məktəbində bizi hansı çətin və mürəkkəb dərslərin, imtahanların gözləyəcəyinin fərqinə varmadan orta məktəbi tezliklə bitirib, dərslərdən qurtulmağı düşünürdük. Lakin elə müəllimlərimiz vardı ki, tam səmimi deyim ki, çoxumuz onlara görə hələ bir iki il də oxuyub, onların dərslərini dinləmək arzumuz da var idi. Bizim dövrümüzdə gənclər üçün indikindən fərqli meyarlar, daha böyük mənəvi dəyərlər var idi. Əfsanəvi partizan Mehdi Hüseynzadə, general Həzi Aslanov, xalq qəhrəmanı Babək, ilk kosmonavt Yuri Qaqarin və başqa qəhrəmanlar bizim üçün örnək idilər.

Bu gün həyatımda valideynlərimlə birgə mühüm rol oynayan müəllimlərimi böyük minnətdarlıqla xatırlayır, adlarını rəhmətlə anıram. Belə müəllimlərin önündə riyaziyyat müəllimimiz Zeynalov Soltan müəllim durur. O, sözün əsl mənasında həyatını xalqın gələcəyinə həsr edən, məsuliyyətli və şərəfli bir müəllim idi.

Doğrudan da müəllimlik haqqında deyildiyi kimi Soltan müəllim yaradıcı, hazır göstərişlərlə - reseptlərlə, standart proqramlarla işləyən deyildi. O, dərs prosesini tam öz nəzarəti altında saxlamağı bacarırdı. Qeyri adi pedaqoji fəaliyyəti onu başqa müəllimlərdən fərqləndirirdi. Onun tədris etdiyi riyaziyyat dəqiq elm kimi həm də çox çətin fənn idi, fənnin ağırlığını dərindən bilən müəllimimiz dərsləri özünə məxsus qaydada aparırdı. Dediyim kimi sinifdəki dərs prosesini nəzarətində saxlayar, yorulduğumuzu, diqqətimizin yayındığını duyan kimi dərsi dayandırıb deyərdi: Uşaqlar, durun ayağa. Hamımız ayağa durandan sonra o, bunu bir neçə dəfə təkrar edərdi, bütün yorğunluq da dərhal keçərdi.

Mən, həmişə Soltan müəllimi bədahətən, sanki trans vəziyyətə düşərək şeir yazan şairə bənzədirəm. O, dərs keçəndə tamamilə ətraf mühitdən ayrılar, riyazi məsələ və misalları yazı taxtasında izah edərkən də “üst-başı” əlindəki tabaşirdən ağappaq olardı.
Məhz onun sayəsində demək olar ki, sinifimizdə riyaziyyatdan pis oxuyan şagird yox idi.

Sultan müəllim, 1936 cı ildə Laçın rayonunun Qardaşlıq (indiki Fətəlipəyə) sovetliyini Ərəb kəndində anadan olmuşdur.
1953 cü ildə Laçın şəhər orta məktəbini bitirərək, Ağdam iki illik müəllimlər institutuna daxil olmuşdur.

1956 cı ildə isə Azərbaycan Pedaqoji İnstitutunu fizika-riyaziyyat ixtisası üzrə bitirərək Laçın şəhər 1 saylı məktəbində müəllimliyə başlamışdır. Müəllimliyə başladığı ilk gündən bütün şagirdlərin və pedaqoji kollektivin sevimlisinə çevrilmişdi.

İndi bilmirəm necədir, biz şagird olanda elə bilirdik ki, müəllim yemək yemir, çay içmir, söyüş söymür, Soltan müəllimə isə bir müqəddəs adam kimi baxırdıq. Bu gündən geri baxanda doğrudan da onu təkcə yaxşı pedaqoq-müəllim kimi yox, həm də yüksək əqidə, məslək sahibi olan vətəndaş, nəcib bir insan kimi, qayğıkeş bir valideyn kimi görürük.

Çox təəsüf ki, bir çox hallarda ömür yaxşılara yetmir ki, yaxşıların yetişməsinə yardımçı olsunlar, arzularının bir qismini yerinə yetirə bilsinlər. Soltan müəllim də çox qısa – 36 il yaşadı, onun da 13 ilini təhsil yolunda şam kimi yandıra bildi.


Unutmayaq, unutdurmayaq — Qəzənfər HüseynovMən, əziz müəllimimin ölüm xəbərini Bakıda aldım, tələbə yataqxanasında başımı balıncın altına soxaraq ağlamaqla onu yad etdim.

Allah sənə rəhmət eləsin, əziz insan, qızıl müəllim! Sən bütün şagirdlərinin qəlbindəsən.

İnşəAllah, niyyət və əməli ilə axirətdə sevinənlərdən olar!

Qəzənfər HÜSEYNOV

______________________________________________________________________________________________________________










SON XƏBƏRLƏR
İlbər Ortaylı: “Sultan Səlimlə Şah İsmayıl kimi dava edəsi deyilik”
Mayın 29-da Putin və Paşinyan arasında görüş keçiriləcək
Ərdoğandan çağırış: "Seçki mübahisələrini geridə qoyaq"
"Azərbaycan(!) qızının gecə klubunda nə iti azıb ki?.." - Fikir savaşı
Azərbaycan və İranın birgə istehsalı olan avtobuslar satışa hazırlanır
Xəzərdə 6 milyard dollarlıq yeni layihəyə start verildi
Koçaryan Avropa liderlərini köməyinə çağırdı
Əhaliyə hava xəbərdarlığı
Azərbaycan dilinin 113 minlik yeni orfoqrafiya lüğəti hazırlanıb
"Qaz və işığa qoyulan limitin ləğvi məqsədəuyğun deyil" – Deputat
Azərbaycanda zorakılığa məruz qalan uşaqlarla bağlı qaynar xətt yaradılır
Pensiya və əmək haqları yenidən qaldırılacaq – Prezident bəyan etdi
Aqil ABBAS: TELEKANALLARI TELEKANALİZASİYAYA ÇEVİRMƏYİN
"Paşinyan Dağlıq Qarabağda rəngli inqilab etmək istəyir" - NƏZAKƏT MƏMMƏDOVA
Şərif Ağayar: "Laçın indi mənə çatmadığım, çata bilmədiyim bütün arzuların ümumiləşmiş obrazı kimi görünür" - MÜSAHİBƏ
İslam dininə üçlü yanaşma: Mühafizəkarlıq, Dünyəvilik, Millilik - (III yazı)
Prezident və birinci xanım Neftçilər parkının açılışında
Güclü külək və leysan yağışları Gürcüstanda ciddi fəsadlar törətdi
Müasir Azərbaycan Folklorşünaslıqda yeni nəzəri-metodoloji yanaşma təcrübəsi
Bakının şərtinə əməl olunmadıqca, eskalasiya təhlükəsi davam edəcək
"Türk axını"nın Serbiya ərazisində tikintisinə start verildi
Qətlə yetirilən nazir, azad edilən qatil
Əkrəm İmamoğlunun qələbəsi tanındı – SON DƏQİQƏ
Türk deputat İrəvanda erməniləri susdurdu: "Qarabağ Azərbaycanındır"
Mahir Abbaszadə seçiciləri ilə görüşdü - FOTOLAR
Şəki Məhkəməsinə iftira atanlar kimlərdir? - ŞİKAYƏT
AKP rəsmən İstanbulda təkrar seçki tələb edir
Rövşən Rzayev BMT nümayəndəsi ilə görüşdü
Lavrov Azərbaycan və Ermənistan XİN rəhbərlərinin razılaşmasından DANIŞDI
"Belə hoqqabazlarla danışıq yolu ilə Qarabağı azad etmək mümkündürmü?"