Qarabag Media
Haqqımızda Əlaqə

Heçmi əlləri titrəmədi?


Tarix:19-01-2019, 01:42 Kateqoriya:Manşet / Yazarlar

Heçmi əlləri titrəmədi?

Ötən il Cümhuriyyəti yıxanlar arasında yer alan yerli bolşeviklərin İstiqlal küçəsindəki barelyeflərinin çıxarılmasının vacibliyi barədə dəfələrlə yazdım, sabiq meri bolşevik qonşularından xilas olmağa çağırdım.

Dinləyən olmadı.

Əliheydər Qarayevin, Dadaş Bünyadzadənin, Ayna Sultanovanın və bu kimi rusların yanında yer alan, elə rus gülləsi ilə də qətlə yetirilən şəxslərin şəhərimizin önəmli yerlərindən izlərinin götürülməsini istədim.

Olmadı.

Bizim məqsədimiz baş verən hadisələri təftiş etmək deyildi. Bolşeviklər 23 aylıq hökumətin tarixini 70 ildə silə bilmədikləri kimi, biz də 70 illik bolşevik əsarətini tarixdən siləcək gücə sahib deyilik. Bunlar artıq Azərbaycan tarixinin istəməsək də, bir parçasıdır.

Bizim məqsədimiz o idi ki, milli hökumətimizin 100-cü ildönümündə bu hökumətə qarşı çıxanların şəhərimizin ən gözəl küçələrindəki barelyefləri, adları götürülsün. Çünki millətimiz üçün Kirov, Stalin nə deməkdirsə, Əliheydər Qarayev də o deməkdir.

Amma olmadı.

Bakının xilaskarı Nuri paşanın adına layiq bir abidə şəhərdə qoya bilməsək də, bolşeviklərin əbədiləşdirmək istədikləri adlar öz varlıqlarını qorudular...

Amma əvəzinə nə baş verdi?

Dövlətimizi quran şəxsiyyətin barelyefi 2-3 vətənsiz, tamahkar biriləri tərəfindən oğurlandı, parçalandı, satıldı.
Utanmadan, vicdan əzabı çəkmədən gecə ikən barelyefi oğurladılar.

İnanmıram ki, o, barelyefi oğurlayanlar övladlarına çörək aparmaq üçün bunu ediblər. Bir tikə çörək qazanmağın ölkədə min cürə şərəfli, elə min cürə də şərəfsiz yolları var. Dövlətin qurucusunun barelyefini oğurlamaq şərəfsizlikdən də o yana bir anlayışdır.

Həmin barelyef köhnə idi. Üzərindəki yazılar latın qrafikasına keçdiyimiz ilk dönəmlərə xas idi. Dəyişdirilməsi lazım idi. Ümumiyyətlə, həmin məkanın bərpası, muzeyə çevrilməsi gərəkirdi. Amma bunlar olmadığı üçün, oğrular da SAHİBSİZ bilib çirkin əməllərini həyata keçirdilər.

Əgər Rəsulzadə ocağı baxımlı olsaydı, ora muzeyə çevrilsəydi, bir mərkəz halına gətirilsəydi, kənardan tarixi bir dəyəri olan tikili kimi görünsəydi, heç bir oğru buna cəsarət edə bilməzdi.

Əgər Novxanıdakı ev turistlərin cəlb edildiyi, yoxdan dövlət quran şəxsin doğulduğu ev kimi haqqında hər gün televiziyalarda, mətbuatda bəhs edilsəydi, oranın önəmli yer olduğu hər kəs tərəfindən bilinəcəkdi, oğrular da bu addımı atmağa risk etməyəcəkdilər.

... Məşhur yazıçı məşhur kəlamında haqlı çıxdı. Dünyada tək günah var – Oğurluq.

Rəsulzadənin büstünü oğurlamaq isə daha böyük günahdır.

Mənə isə bir məsələ hələ də qaranlıq qaldı. Hansı səbəbdən olur-olsun, o barelyefi oradan sökərkən heçmi əlləri titrəmədi, heçmi vicdanları sızlamadı, heçmi içi ilə çölləri qarşıdurma yaşamadı?

Dilqəm Əhməd










SON XƏBƏRLƏR
İlbər Ortaylı: “Sultan Səlimlə Şah İsmayıl kimi dava edəsi deyilik”
Mayın 29-da Putin və Paşinyan arasında görüş keçiriləcək
Ərdoğandan çağırış: "Seçki mübahisələrini geridə qoyaq"
"Azərbaycan(!) qızının gecə klubunda nə iti azıb ki?.." - Fikir savaşı
Azərbaycan və İranın birgə istehsalı olan avtobuslar satışa hazırlanır
Xəzərdə 6 milyard dollarlıq yeni layihəyə start verildi
Koçaryan Avropa liderlərini köməyinə çağırdı
Əhaliyə hava xəbərdarlığı
Azərbaycan dilinin 113 minlik yeni orfoqrafiya lüğəti hazırlanıb
"Qaz və işığa qoyulan limitin ləğvi məqsədəuyğun deyil" – Deputat
Azərbaycanda zorakılığa məruz qalan uşaqlarla bağlı qaynar xətt yaradılır
Pensiya və əmək haqları yenidən qaldırılacaq – Prezident bəyan etdi
Aqil ABBAS: TELEKANALLARI TELEKANALİZASİYAYA ÇEVİRMƏYİN
"Paşinyan Dağlıq Qarabağda rəngli inqilab etmək istəyir" - NƏZAKƏT MƏMMƏDOVA
Şərif Ağayar: "Laçın indi mənə çatmadığım, çata bilmədiyim bütün arzuların ümumiləşmiş obrazı kimi görünür" - MÜSAHİBƏ
İslam dininə üçlü yanaşma: Mühafizəkarlıq, Dünyəvilik, Millilik - (III yazı)
Prezident və birinci xanım Neftçilər parkının açılışında
Güclü külək və leysan yağışları Gürcüstanda ciddi fəsadlar törətdi
Müasir Azərbaycan Folklorşünaslıqda yeni nəzəri-metodoloji yanaşma təcrübəsi
Bakının şərtinə əməl olunmadıqca, eskalasiya təhlükəsi davam edəcək
"Türk axını"nın Serbiya ərazisində tikintisinə start verildi
Qətlə yetirilən nazir, azad edilən qatil
Əkrəm İmamoğlunun qələbəsi tanındı – SON DƏQİQƏ
Türk deputat İrəvanda erməniləri susdurdu: "Qarabağ Azərbaycanındır"
Mahir Abbaszadə seçiciləri ilə görüşdü - FOTOLAR
Şəki Məhkəməsinə iftira atanlar kimlərdir? - ŞİKAYƏT
AKP rəsmən İstanbulda təkrar seçki tələb edir
Rövşən Rzayev BMT nümayəndəsi ilə görüşdü
Lavrov Azərbaycan və Ermənistan XİN rəhbərlərinin razılaşmasından DANIŞDI
"Belə hoqqabazlarla danışıq yolu ilə Qarabağı azad etmək mümkündürmü?"