Qarabag Media
Haqqımızda Əlaqə

Möhtəşəm bir eşq hekayəsinin başlanğıcı - Gənc Şah İsmayıl və Taclı Bəyimin ilk görüşü


Tarix:29-12-2018, 13:37 Kateqoriya:Manşet / Maraqlı

Möhtəşəm bir eşq hekayəsinin başlanğıcı - Gənc Şah İsmayıl və Taclı Bəyimin ilk görüşü

".. Hələ səhər Taclını küləfirəngidə görərkən qəlbində oyanan duyğular indi İsmayılın bütün varlığına yayılmışdı. Gənc bunun nə olduğunu anlamırdı. Bu hiss onun üçün təzə idi, xoş idi. O bütün iradəsini gərginləşdirmək bahasına özünü sakit aparır, artıq hərəkət etməkdən saxlayırdı. Ancaq bu, qəlbi odla dolu gəncə çox baha başa gəlirdi. Damarlarında qızmış qan elə surətlə axırdı ki, ürəyi sanki partlayacaqdı. Beynində, qəlbində üç kəlmə söz ara vermədən təkrar olunur, amansızcasına səslənirdi: "Taclı, mənim Taclım."

Taclı da sanki gözləriylə, dodaqlarıyla, əlləriylə ona cavab verirdi....

İsmayıl Əbdinin və Kərbəlayi Möhsünün sorğu-suallarına güclə cavab verir, özünü mətləbə dəxli olmayan bir söz deməkdən güclə saxlayırdı. O, Taclıya tərəf baxmırdı. Qızın yalnız süfrəyə uzanan balaca əlini görürdü.... Əgər onların gözləri bircə kərə rastlaşsaydı, ikisindən biri çaşacaq, artıq bir hərəkət edəcəkdi. Nəhayət, sirr yavaş-yavaş açıldı. Gənc sərkərdənin alnından mirvari kimi tər damcıları düzüldü. Halbuki, otağın havası sərin idi. İsmayılın yanaqları da yalnız indi qızardı. O, yanındakıların onun ürək döyüntülərini eşidə biləcəklərindən qorxur, bu qəribə acizliyindən xəcalət çəkirdi. Cazibədar Taclı isə ağılasığmaz bir mətanətlə dözürdü. Lakin balaca Səlimdən başqa otaqdakıların hamısı hiss edirdi ki, qız nələr çəkir.

Nəhayət, bu qədər əzablı şam yeməyi qutardı.... Anasının him-cimi ilə Taclı qalxdı. Lakin qalxmamış şirin vədlər və arzular dolu sehrkar gözlərilə İsmayıla tərəf baxdı və sakitcə otaqdan çıxdı. Hamı, hətta hələ özünə gəlməyən İsmayıl belə onun sakitliyinə təəcüb etdi. Lakin bu bir neçə anlıq sakitliyin əsl mənasını Aynadan başqa heç kim bilmədi. Qorxmuş ana cəld qalxıb qızının dalınca gedərkən qapıya çatmamış diksindi. O biri otaqdan çılğıncasına qopan hıçqırıq bu otaqdakı saxta söhbəti tar-mar etdi.

- Qıza nə olub? - deyən Əbdi bəy özünü saxlaya bilmədi.

- Deyəsən, biraz xəstədir, - Ayna yalan dediyinin aşkar bilinəcəyindən azca qızarıb cavab verdi.

İsmayıl qalxmaq üçün bəhanə fikirləşirdi, amma fikrini başqa bir yerə cəlb edə bilmirdi. Nəhayət, qalxmaq üçün bəhanə tapdı. Ancaq indi o, Əbdiyə necə müraciət edəcəyini bilmirdi. İki ildən bəri gecə-gündüz ondan ayrılmayan, hər cür əziyyətə dözüb balaca Şeyxi təqib və edamlardan xilas edənlərdən biri olan bu Qızılbaş əmirinə qarşı İsmayılın qəlbində heç zaman indi olduğu qədər doğmalıq hissi oyanmamışdı. O, Əbdinin üzünə baxmağa cəsarət etmirdi. Elə bil Əbdi gənc əmirin qəlbindəkiləri oxuyacaqdı.

- Deyəsən, uşaqlarla söhbətimiz olacaq, hə? - deyə Əbdi özü oğlanın köməyinə gəldi.

- Bəli, - İsmayıl dalğın halda cavab verib, ayağa qalxdı; ancaq ürəyi getmək istəmədi. O, yan otaqda hələ də kəsik-kəsik hıçqıran Taclını bir də görmək istəyirdi. Hamı ayağa qalxdı. İsmayıl pərəstişlə ona baxanlara yüngülcə baş əyib eyvana çıxdı, dərindən nəfəs aldı. Onlar Qızılbaş əmirlərinin olduğu otağa girdilər. Hamı İsmayıla təəccüblə baxırdı. Gənc Şeyx sanki fırtına içində idi. Əbdi bu fırtınanın səbəbini bilirdi..."

Əlisa Nicat
"Qızılbaşlar"










SON XƏBƏRLƏR
Dünyanın ən güclü orduları bəlli oldu - Neçənci yerdəyik?
"Rəsulzadənin tapançası məni xilas etdi..." - Türk zabitin xatirələri - FOTOLAR
Bakıda 19 yerdə məktəb yarmarkaları fəaliyyətə başlayıb - SİYAHI
Qabil Hüseynli: “Rəşadın ayağının biri axtarışların ilk günü tapılmışdı”
İrəvanda etirazlar: Parlament binası mühasirəyə alındı
Şəhid Milli Qəhrəman Fazil Mehdiyevin doğum günüdür - VİDEO
Hirkan Milli Parkının ərazisində yanğın başlayıb - YENİLƏNİB
Rəşad Atakişiyevin nəşi TAPILDI
Milli Qəhrəman İlham Əliyevin anım günüdür
“Vikipediya”da publisist və tədqiqatçı Tofiq Hüseynzadə haqqında üç dildə məqalə yaradılıb
Şoyqudan ABŞ-a “raket mesajı”
Qətərdə asfaltı mavi rəngə boyamağa başlayıblar
Xoy şəhərində “Şəms və Mövlana” Festivalı keçirilir
Məktəblilər bu il yeni forma geyinəcəklər? – AÇIQLAMA
Qaçqınların və Məcburi Köçkünlərin İşləri üzrə Dövlət Komitəsində növbəti kollegiya iclası keçirilib
Sumqayıtda 3 məktəbin bütün şagirdləri tələbə adını qazanıb
Qəzaya uğrayan təyyarəmizin “qara qutusu” tapıldı
Bu gün Bəxtiyar Vahabzadənin doğum günüdür - VİDEO
Azərbaycançılıq ideologiyası haqqında film çəkildi
Gürcüstanın Azərbaycana 7.3 milyon dollar borcu var
"Neftçi"nin baş məşqçisi məğlubiyyətdə özünü günahlandırıb
Sosial internet şəbəkələri saxta “qədim erməni dövlətçiliyi” barədə yalanlarla doludur
Vikimaniya beynəlxalq konfransında ölkəmizi üç vikipediyaçı təmsil edəcək
ABŞ Ermənistanın iki şirkətinə sanksiya tətbiq edib
“Baş nazir dəqiq deyib, nəsə əlavə etməyə ehtiyac yoxdur...” - Mnatsakanyan
Azərbaycan və İran prezidentlərinin telefon danışğındakı pərdəarxası MƏQAMLAR
Təslim olmuş erməni hərbçisi ilə bağlı danışıqlar aparılır
Tehran metrosunda hicabına riayət etməyən qadınlara qarşı təzyiqlər şiddətləndirilir
Qəzaya uğramış təyyarəmiz parça-parça olub
Aqil ABBAS: "Qurban Qurbanov, səninləyik!"