Qarabag Media
Haqqımızda Əlaqə

Kişi öləndə də vüqarla ölər…


Tarix:25-12-2018, 23:56 Kateqoriya:Manşet / Qəhrəmanlar

Kişi öləndə də vüqarla ölər…Şəhid mövzusunda yazmaq çətin olduğu qədər də şərəflidir. Çünki, yazdığın qəhrəmanı ətrafındakı insanlara tanıdır, onun keçdiyi ömür yolunu zərrə qədər də olsa, əbədiləşdirirsən.

Mən onun haqqında ilk dəfə lap çoxdan, məktəbli olanda yazmışdım. Onda da hisslərim çox qarışıq idi. Bilmirdim haradan başlayım, harda yekunlaşdırım. O, şəhid Cabbar Səməd oglu Cabbarovdur. O, mənim bibim oğlu (biz tərəflərdə mamaoğlu deyirlər) idi...

Hər zaman hazırda işğal altında olan kəndimizə gedəndə gülərüz çöhrəsi ilə özündən kiçik dayıoğlanlarını qarşılayıb, kəndin bu ayağından o ayağına qədər gəzdirərdi. İdmançı olduğunu sübuta yetirmək üçün çinarlıqda bəzi hərəkətlər də edərdi. Kəndin soyuq kəhrizlərində dağlardan sızılan o əvəzolunmaz suyu bizə daddırırdı ki, möhkəm olaq... Xatirələr elə də çox deyil... Arada olan yaş fərqi və müharibə onun haqqında yazdıqlarımı məhdudlaşdırır...

Hərbi xidmətini başa vurduqdan sonra Cabbar 1992-ci ildən polisdə xidmətə başlayır. Sonradan isə içində vətən eşqi döyünən yaşıdları kimi doğma torpaqlarının müdafiəsi uğrunda səngərə atılır.

İdmançı olduğu döyüş vaxtında da diqqətdən yayınmır. 1993-cü ildə Füzuli istiqamətdə gedən döyüşlərin birində təkbaşına düşmənin 4 BTR və çoxsaylı canlı qüvvəsini məhv edir. Döyüşçü yoldaşları da onun bu qəhrəmanlığını yada salırlar...

Cabbar həm də o vaxtlar ali məktəbdə qiyabi oxuyurdu. Dekabr ayında akademik məzuniyyəti var idi, təhsili üçün Bakıya getməyi öz vicdanına sığışdırmır və yenidən Füzuli istiqamətində qızışan düşmənin hücumuna sinə gəlmək üçün döyüşə atılır.

Döyüşə də elə gülərüzlə getmişdi. Sonuncu dəfə evdən çıxanda valideynlərinə bu şeiri səsləndirdi:

Kişilər əyilməz hər asan yerə,
Kişinin üzündə rəngi bir olar.
Kişilər əyilməz tufana-selə,
Kişi öləndə də vüqarla ölər.


Bu şeiri səsləndirib, son döyüşünə getdi... Və vüqarla da şəhid oldu... Artıq neçə ildir ki, valideynləri, doğmaları 1993-cü ilin dekabrın 26-da şəhid olan Cabbarı qürurla yad edir, onun 25 illik həyatına işıq salırlar... Göstərdiyi qəhrəmanlığa görə Cabbar Vətən Uğrunda medalı ilə təltif olunur...
Şəhidlər ölməz, Vətən bölünməz!

Mehman Telmanoğlu










SON XƏBƏRLƏR
Dünyanın ən güclü orduları bəlli oldu - Neçənci yerdəyik?
"Rəsulzadənin tapançası məni xilas etdi..." - Türk zabitin xatirələri - FOTOLAR
Bakıda 19 yerdə məktəb yarmarkaları fəaliyyətə başlayıb - SİYAHI
Qabil Hüseynli: “Rəşadın ayağının biri axtarışların ilk günü tapılmışdı”
İrəvanda etirazlar: Parlament binası mühasirəyə alındı
Şəhid Milli Qəhrəman Fazil Mehdiyevin doğum günüdür - VİDEO
Hirkan Milli Parkının ərazisində yanğın başlayıb - YENİLƏNİB
Rəşad Atakişiyevin nəşi TAPILDI
Milli Qəhrəman İlham Əliyevin anım günüdür
“Vikipediya”da publisist və tədqiqatçı Tofiq Hüseynzadə haqqında üç dildə məqalə yaradılıb
Şoyqudan ABŞ-a “raket mesajı”
Qətərdə asfaltı mavi rəngə boyamağa başlayıblar
Xoy şəhərində “Şəms və Mövlana” Festivalı keçirilir
Məktəblilər bu il yeni forma geyinəcəklər? – AÇIQLAMA
Qaçqınların və Məcburi Köçkünlərin İşləri üzrə Dövlət Komitəsində növbəti kollegiya iclası keçirilib
Sumqayıtda 3 məktəbin bütün şagirdləri tələbə adını qazanıb
Qəzaya uğrayan təyyarəmizin “qara qutusu” tapıldı
Bu gün Bəxtiyar Vahabzadənin doğum günüdür - VİDEO
Azərbaycançılıq ideologiyası haqqında film çəkildi
Gürcüstanın Azərbaycana 7.3 milyon dollar borcu var
"Neftçi"nin baş məşqçisi məğlubiyyətdə özünü günahlandırıb
Sosial internet şəbəkələri saxta “qədim erməni dövlətçiliyi” barədə yalanlarla doludur
Vikimaniya beynəlxalq konfransında ölkəmizi üç vikipediyaçı təmsil edəcək
ABŞ Ermənistanın iki şirkətinə sanksiya tətbiq edib
“Baş nazir dəqiq deyib, nəsə əlavə etməyə ehtiyac yoxdur...” - Mnatsakanyan
Azərbaycan və İran prezidentlərinin telefon danışğındakı pərdəarxası MƏQAMLAR
Təslim olmuş erməni hərbçisi ilə bağlı danışıqlar aparılır
Tehran metrosunda hicabına riayət etməyən qadınlara qarşı təzyiqlər şiddətləndirilir
Qəzaya uğramış təyyarəmiz parça-parça olub
Aqil ABBAS: "Qurban Qurbanov, səninləyik!"