Qarabag Media
Haqqımızda Əlaqə

30 il əvvəl Laçında da belə idi...


Tarix:14-12-2018, 00:32 Kateqoriya:Manşet / Yazarlar

30 il əvvəl Laçında da belə idi...

Bəzən bir dağın, uca bir ağacın əzəmətini, gözəlliyini görmək üçün ona uzaqdan-kənardan baxmaq lazımdır.

Dövlət də, xalq da elədir.

Millətini, xalqını, dövlətini qəriblikdə olanlar daha aydın görür, məncə daha çox da sevir.

Uzun illərdir Azərbaycandan uzaqdayam.

Amma necə görünür, soruşmayın...

Ancaq necə gördüyümü deyəcəm - Azərbaycan vətəndir, möhtəşəmdir!

Hərdən boş vaxtlarım olanda heç kimin olmadığı otağa çəkilib özümü vətəndəki kimi hiss etməyə çalışır, təsəvvürümdə bir Azərbaycan oyadıram...

Hər gün Azərbaycan mediasını izləyirəm.

Ən çox sevdiyim iş isə ilin bu aylarında hava proqnozlarına baxmaqdır.

Niyə yalan deyim, məni ən çox vətənə bağlayan, daha doğrusu vətəni, xatirələrimi bütün çalarları ilə birgə xəyalımda canlandıran hava proqnozlarıdır.

Məxsusi seçib baxdığım rayonlar da var.

Lerik, Xızı...

Dağlıq rayonlardı, çayları, bulaqları var.

Yağış da yağar, qar da.

Burada evlərdəki sobaları səhərlər qadınlar qalayarlar.

Kişilər tövləyə heyvanlara ot verməyə gedər.

Həyətdəki itlər üzlərini kişilərin ayaqlarındakı rezin çəkmələrə sürtərək buludların arxasından tənbəl-tənbəl boylanan günəşin şirinliyini çıxararlar.

Qadınlar sobanı qalayıb həyətə toyuq-cücəyə dən səpməyə qaçarlar.

Sonra da axşamdan yuduqları dəmir vedrəni səhərin sazağında yenidən yuyub, salavatlayıb inəkləri sağmağa gedərlər.

O sabahın sazağında dəmir vedrələrə sağılan süddən buğ qalxar...

Kişilər zoğal ağacından düzəldikləri əl ağacına söykənib acqarına bir siqaret yandırar, dağların başındakı qara baxa-baxa çəkərlər...

Buzovlar qarın üstündə tullana-tullana o yan-bu yana qaçar.

Toyuqlar qarın üstündəki dənləri yeyər...

Sonra hamı yerinə qayıdar - Kişiylə arvad evə, toyuqlar hinə, inəklər tövləyə, it daxmasına...

Kişi arvada "gədəni durğuz", arvad kişiyə "sən alllah, qoy, bir az da yatsın" deyər...

Hər dəfə vətənə qar yağanda sevinirəm.

Hər dəfə qar yağanda Laçın yadıma düşür.

30 il əvvəl Laçında da belə idi.

Kişilər əl ağacına söykənib kibritlə siqaret yandırar, qarlı dağlara baxa-baxa çəkərdilər.

Arvadlar buynuzuna dua bağladıqları inəklərdən dəmir vedrələrə süd sağardılar.

30 il əvvəl Laçında da belə idi...Buzovlar oynaşar, toyuqlar dən yeyər, itlər qarın üstünə uzanıb özlərini günə verər, uşaqlar isti yorğanda yatardılar.

30 il əvvəl Laçın belə idi.

Kişilərin bir atı, bir arvadı, bir papağı vardı.

Cahandar İsmiyev

Qlobal.az










SON XƏBƏRLƏR
Dünya çempionatında 7 medal qazanan cüdoçular vətənə qayıdıblar
Nursultan Nazarbayev Türk Şurasının adının dəyişdirilməsini və “Türk Baxışı 2040” proqramının hazırlanmasını təklif edib
"Atamız Dədə Qorqud deyib ki…" - Ərdoğan 300 milyonluq Türk dünyasına SƏSLƏNDİ
Bakı metrosuna yeni vaqonlar gətiriləcək
Şenol Günəşdən fransız müxbirə ibrətamiz cavab: “Bu mənim işim deyil, Trampın, Makronun işidir”
"Qarabağ məsələsinin həlli üçün əlimizdən gələni edəcəyik" – Ərdoğan
Türkiyədə təyyarə qəzaya uğradı
Ermənilər Şuşa məscidinin “açılışını” etdilər - FOTOLAR
Bakıda Türkdilli Dövlətlərin Əməkdaşlıq Şurasının 7-ci sammiti başlayıb
Həmsədrlər sabah Xankəndinə səfər edəcəklər
Ermənistan Suriyaya qoşun göndərdi
Bakıda 10 məktəb direktoru işdən çıxarılıb
Türkiyənin qarşısını almaq üçün daha bir addım atıldı
MTRŞ süni mayalanma reklamları ilə bağlı televiziya yayımçılarına məktub göndərib
Azərbaycanın internet sürətinə görə yeri açıqlandı
Çavuşoğludan Bakıda bəyanat: Qarabağdan PKK-yadək...
İlham Əliyev dövlət və hökumət başçıları ilə birgə şam edib
Erməni batalyonu Türkiyə Ordusu ilə döyüşə yollandı
ATƏT-in Minsk qrupu həmsədrlərinin regiona səfəri başlayıb
"Tapmıram izini yanına gəlim" - Gilə Əliqızının şeirləri
“Barış pınarı”dırsa, oradan su deyil, qan axır” deyən prezidentə qarşı SƏRT TƏPKİ: "Heç utanmır?”
Nursultan Nazarbayev Bakıya gəldi
Rəqs sənətinin zirvələrini fəth edən ölməz sənətkar
Krediti olanlar MÜTLƏQ OXUSUN – Zamin probleminin HƏLLİ
Paşinyan Putinə “Madrid prinsipləri” səhifəsini bağlamağı təklif edir?
“Türk-İslam dünyasının gələcəyi Türkiyənin apardığı mübarizənin taleyindən asılı olacaq”
Ərdoğan Azərbaycana gəlib
Qırğızıstan Prezidenti Azərbaycana səfərə gəlib
Milli Qəhrəman Samid İmanovun doğum günüdür - VİDEO
Fərid Şəfiyev: “Gövhər ağa” məscidinin Fars mədəniyyət nümunəsi kimi təqdim edilməsi irsimizə qarşı terrordur”