Qarabag Media
Haqqımızda Əlaqə

Akif Nağı: “Qarabağ mitinqinin məqsədini başa düşmək istəmirlər”


Tarix:11-12-2018, 16:15 Kateqoriya:Manşet / Gündəm

Akif Nağı: “Qarabağ mitinqinin məqsədini başa düşmək istəmirlər”

Qarabağ Komitəsi dekabrın 25-də “Qarabağ mitinqi” keçirmək barədə qərar verib. Mitinqlə bağlı Bakı Şəhər İcra Hakimiyyətinə müraciət edilsə də, müsbət cavab verilməyib. Qarabağ Komitəsinin bu cavabdan sonra hansı addım atacağı maraq doğurur.

Məsələ ilə bağlı Modern.az-a danışan Qarabağ Azadlıq Təşkilatının (QAT) sədri Akif Nağı bildirib ki, icazə verilməməsi üçün ciddi bir səbəb yoxdur.

“Ənənəvi səbəb göstərirlər ki, Prezident bu işlərlə məşğul olur, əlavə dəstəyə ehtiyac yoxdu. Amma biz o cavabı uyğunsuz hesab edirik. Biz demirik ki, Prezident bu işlərlə məşğul olmur, biz ictimai dəstəyi təmin edirik. Torpaqlarımızın işğalından həddindən artıq çox vaxt keçib. Bunu həm beynəlxalq təşkilatların diqqətinə çatdırmaq, həm də cəmiyyəti fəallaşdırmaq istəyirik. Nə qədər susub oturmaq olar? Hökumət müəyyən işlər görür, ola bilər alınmır, amma xalqın da rolu olmalıdır, xalq da meydanda olmalıdır. Xalqın tələbi mitinq vasitəsilə nümayiş etdirilir. Ona görə də bu mitinqlərə niyə icazə vermirlər, heç başa düşmürük. Ya çəkinirlər, ya hansısa səbəblər var, biz bilmirik. Amma bu yanlış bir mövqedir. Biz dəfələrlə bildirmişik ki, Qarabağın işğaldan azad olunması üçün iki amil, iki tərəf bir yerdə hərəkət etməlidir – hakimiyyət və xalq. Biz Qarabağ Komitəsi olaraq özümüzü xalqın təmsilçisi kimi göstəririk, bu mövqeyə iddialıyıq, xalq da bizi dəstəkləyik.

29 sentyabr mitinqində xalq bizi dəstəklədiyini göstərdi. Başqa bir məqsədimiz də yoxdur, siyasi tələb qoyulmur. Bu mitinqlər ancaq Qarabağın işğaldan azad olunmasına dəstəkdir. Amma hələlik bizim bu məqsədimizi başa düşmürlər. Bu istiqamətdə işlərimiz davam edir, bu gün Koordinasiya Şurasının iclası olacaq. Sabah da Komitənin geniş toplantısını keçirəcəyik. Ümumi fikrimiz hər zaman belə olub ki, bu istiqamət davam etdirilməldir. Yəni mitinq Qarabağın işğaldan azad olunması üçün təsirli silahlardan biridir. O silah da hər zaman hazır olmalıdır. İstənilən məqamda onminlərlə, yüzminlərlə soydaşımız ayağa qalxmalıdır və Qarabağın azadlığını tələb etməlidir”.

Akif Nağı deyib ki, əvvəlki mitinqdə istənilən nəticə alınıb:

“Biz fəallığı artırmağı bacardıq. Hamı düşünürdü ki, insanlar biganələşib. Amma gördük ki, biganəlik yoxdur. Nəticə yaxşı idi, amma istədiyimiz yüzminlərin mitinqidir. Biz hələ ki, istədiyimizə çatmamışıq”.

QAT sədri deyib ki, hər zaman iqtidar partiyasını da mitinqə dəvət edirlər.

“Birinci mitinqdə rəsmi qaydada məktub yazmışdıq YAP-ın rəhbərliyinə, münasibət də müsbət idi. Birinci mitinq ərəfəsində YAP-ın rəhbərliyindən də mitinqin ideyasını təbliğ edən, müdafiə edən oldu. Hamı tərəfindən başa düşülür, qəbul olunur, yəni ümid edirik ki, onlar da bu məsələnin əhəmiyyətini, mahiyyətini başa düşəcəklər”.

Karabakhmedia.az










SON XƏBƏRLƏR
Məmmədyarovla Mnatsakanyanın görüşməmə səbəbi açıqlandı
Sultan bəyin məğlub etdiyi tayqulaq Andraniki Rotşildlər maliyyələşdirib — VİDEO
Ermənisayağı güzəşt
Saakaşvili qanında erməni qarışığının olmadığını genetik testlə sübuta yetirib
BALACA İSMAYILIN BÖYÜK İSTEDADI
Yeni nəzarət-kassa aparatlarının tətbiqi tezləşdiriləcək
Rövşən Rzayev Beyləqanda köçkünləri qəbul etdi
Soçi görüşü – Hər şeyin öz yerini tutduğu danışıqla
Yığılan vergi daha çox bu sahəyə xərclənir – Nazir açıqladı
Azərbaycan əhalisinin sayı açıqlanıb
Rafiq Hüseynovun barelyefinin açılışı oldu - FOTO
Azərbaycan və İran xarici işlər nazirləri Tehranda görüşəcək
Azərbaycanlılar Gürcüstan parlamentinin qarşısında aksiya keçirirlər
Yeddi dövlət Türkiyəyə qarşı bəyannamə imzaladı
Avropada qrip epidemiyası: ölənlərin sayı artır
Ölkədə ictimai rəyi araşdıracaq mərkəz yaradılır – Prezidentdən fərman
Şənbə gününün hava proqnozu: yağış, qar yağacaq
Avtomobillərin bahalaşmasının səbəbləri sadalanıb
Aleksander Çeferin yenidən UEFA prezidenti seçilib
Oqtay Şirəliyevin oğlu İSTEFA VERDİ
Prezident İlham Əliyev zəlzələ bölgəsinə gedib - FOTO
Şəhid polkovnik Raquf Orucovun oğlu: “Şəhidlərin hər biri bizik!”
Səni unutmaq olmur... - İlham QƏHRƏMAN - ŞEİRLƏR
Qaxda müğənni yol qəzasında öldü - FOTO
Bakıdan Güneyə dəstək: Kim qoşulacaq?
Yağış yağacaq, külək əsəcək, qar yağacaq - XƏBƏRDARLIQ
“Gəncliyin səsi” festivalına yekun vuruldu
“MONQOL-TATARLAR” MƏNBƏ VƏ RƏSMLƏRDƏ SARIŞINDIRLAR
Nəsimini sovet vətəndaşına çevirənlər
Qənirə Paşayeva Qovlar şəhərində şəhid ailələri ilə görüşüb