Qarabag Media
Haqqımızda Əlaqə

Başı qırxılan qadın...


Tarix:10-12-2018, 14:50 Kateqoriya:Manşet / Yazarlar

Başı qırxılan qadın...

Son günlər gündəmdən düşməyən o məşum və məşhur videoya baxanda içimdə nəsə qırıldı. Çox düşündüm. Axı niyə bu çəkiliş mənə bu qədər pis təsir edir?

Qadınının başını qırxıb qəddarcasına videoya çəkən, üstəlik kadr arxasında soyuqqanlı şəkildə danışan kişi bizim, biz tamaşaçıların ona dəstək olacağına, gördüyü işi alqışlayacağına inanır. Bizim onunla şərik olduğumuza əmindir.

Halbuki biz bu videoda, yumşaq desək, qeyri-insani hal müşahidə edirik.

Cəmiyyət xəyanət edən qadına qəddar münasibəti ilə bu cür hadisələri şərtləndirir. Hətta o qədər ki, qanun qorxusu da kişilərin qarşısını ala bilmir.

Yılmaz Güneyin məşhur “Yol” filmində bir detal var. Həbsxanadan bir həftəlik iznə çıxan Seyid qohumlardan eşidir ki, arvadı ona xəyanət edib. Atası qızını heyvan kimi tövlədə zəncirləyib saxlayır. Seyidi gözləyir. Çünki qan haqqı onundur. Bacarmasa, atası, yaxud qardaşları öldürəcək qadını. Qayınatası Seyidə öyüd-nəsihət verir: “Öldürərkən əlin titrəməsin!”

Xəyanət edən qadının türklər demiş, infazını gerçəkləşdirmək üçün xüsusi qayda-qanunlar da varmış. Kim, harda, necə, hansı şəraitdə öldürməlidir?

İş o qədər qəlizdir ki, qadının oğlu, doğma bacısı belə, onu anlamağa, bağışlamağa, heç olmasa, bir az yumşaq davranmağa meylli deyil.

Filmin bu hissələri, arvadını sevgilisi ilə yataqda güllələyən bir kişinin məhkəmə işini yadıma salır. O, özünü müdafiə üçün üçcə söz deyirdi: “Namus üstündə öldürmüşəm!”

Nəhayət, hakim dilə gəldi: “Yadda saxla, bu dünyada heç nə insan ölümünə bəraət vermir! İki nəfərin ölümünə isə heç vermir!”

Doğrudur, başını qırxmaq öldürməkdən daha yüngül hadisədir, amma diqqətlə fikir verəndə, o qədər yüngül də deyil. Bunun adı da virtual qətldir və bəlkə də, bir çox cəhətlərinə görə, ölümdən ağırdır.

Bizdə xəyanətkar qadının cəzalandırılmasının ciddi tarixi kökləri var. Video olmadığı dövrdə bu cür qadınları eşşəyin belinə tərsinə mindirib kəndin içində gəzdirirdilər.

Xəyanət edən qadına cəmiyyətin alçaldıcı və inamsız münasibəti bəzən daha eybəcər hadisələrə yol açır. Misal üçün, İran istehsalı olan “Sürəyyanı daşlamaq” filmində kişi qadından boşanır, şəriət qaydasına görə ödəməli olduğu pulu verməmək üçün ona böhtan atır. Guya ərinə xəyanət edib. Beləliklə, qadını quyuya basdırıb daş-qalaq edirlər və ilk daşı ona öz doğma atası atır.
Budur, videosu yayılan qadının da anası oxşar sözlər deyir. Qızıma böhtan atıblar! Onu təhdid altında saxlamaq və şantaj etmək üçün belə bir video çəkiblər.

Haqlıdır, haqsızdır, demək çətindir. Lakin bircə şey hamımıza aydındır; qadın xəyanət edibsə də, ona böhtan atılıbsa da cəmiyyət günahkardır. Bu mövzulara aqressiv, qeyri-humanist və qəddar münasibəti, eyni zamanda şeytani marağı ilə!

Ortada xəyanət varsa, mədəni şəkildə ayrılmaq ən doğrusudur. Həm də sakit-səssiz. Çünki Rusiyanın ucqar bir yerində tanınmayan bir qadının ərinə xəyanət etməsində heç bir sosial mahiyyət yoxdur. Şübhəsiz, əgər onu videoya çəkib ictimailəşdirən yoxdursa...

Şərif Ağayar










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”