Qarabag Media
Haqqımızda Əlaqə

“İsmət Qayıbovun cəsədini öz əllərimlə tabuta qoydum...” - Faciə yerində olmuş polkovnik...


Tarix:22-11-2018, 23:33 Kateqoriya:Manşet / Müsahibə

“İsmət Qayıbovun cəsədini öz əllərimlə tabuta qoydum...” - Faciə yerində olmuş polkovnik...

“Ermənilər Rusiyada da şayiə yayırdılar ki, 20 noyabrda vertolyotu azərbaycanlılar vurub...”

1988-1989-cu illərdə Dağlıq Qarabağ Muxtar Vilayəti Daxili İşlər İdarəsinin rəis müavini, 1989-1991-ci illərdə isə Şuşa rayon polis idarəsinin rəisi kimi çalışmış, istefada olan polkovnik Sadir Məmmədovla bu dəfə əsasən 20 Noyabr 1991-ci il Qarakənd-vertolyot faciəsi ətrafında söhbətləşdik.

“Rus generalların cənazələrini şəxsən özüm Rusiyaya aparıb bir-bir yaşadıqları şəhərlərə çatdırdım...”

-Sadir müəllim, yadımdadır ki, 20 Noyabr faciəsindən az sonra şayiə yayıldı ki, guya vertolyotda olanlar arasında atışma olub. Ekspertiza vertolyotun qalıqlarında göyərtənin içərisindən dəymiş güllə yerləri müəyyən etmişdimi?
“İsmət Qayıbovun cəsədini öz əllərimlə tabuta qoydum...” - Faciə yerində olmuş polkovnik...

-Bilirsiz, bunlar şayiələrdir. Mən də adətən, görmədiyim şey haqda danışmağı xoşlamıram. Adətən gördüyüm, bilavasitə şahidi olduğum olaylar haqda danışıram. Eşitdiyim də yox, yalnız gördüyüm… Qarakənd vertolyot faciəsi haqda da yalnız gördüklərimi nəql etmək fikrindəyəm. Mən özüm vertolyotun qalıqlarında 3 irikalibrli güllə yeri gördüm. Biri pilot kabinasında idi, biri gövdədə, digəri isə pərin üzərində. Həmin güllə yerlərinin konkret hansı silaha aid olduğunu, eləcə də bayırdan, yoxsa içəridən atıldığını yalnız ekspertlər dəqiq söyləyə bilər…

-Bəs vertolyotun “qara qutu”larını gördünüz?..

-Mənim başım əsasən mərhumların cəsədlərinin və qalıqlarının yığılmasının təşkilinə qarışdığından “qara qutu”ları tam aydın görə bilmədim. Sadəcə, ekspertlərdən eşitdim ki, onlar çox bərbad vəziyyətə düşüb və oxunması çətin ki, mümkün olsun. Bunların hamısı prokurorluğun arxivindəki cinayət işində aydın yazılmış olar…
“İsmət Qayıbovun cəsədini öz əllərimlə tabuta qoydum...” - Faciə yerində olmuş polkovnik...

-Vertolyotun qalıqlarında raket və ya qumbaraatan mərmisinin açdığı iri yarıqlar görmədiniz ki?

-Xeyr. Biz çatanda vertolyot 3 yerə bölünmuşdü. Kabina bir yanda, quyruq bir yanda, orta - gövdə hissə isə tamamilə yanmışdı. Bayaq dediyim kimi, biri kabinada, biri gövdədə, digəri isə pərdə olmaqla 3 güllə yeri vardı…

-Faciədən bir müddət sonra belə şayiələr də yayılmışdı ki(hətta bu gün də belə fərziyyələr söyləyənlər var), guya vertolyotda uçan rus generallar ölməyib, vertolyot yerə düşəndə salamat olub, kənardan ermənilər gəlib içəridəki azərbaycanlı dövlət xadimlərini və digərlərini güllələyib qətlə yetiriblər, rus generalları isə aradan sağ-salamat çıxarıblar…

-Bu, tam əsassız şayiədir. Şəxsən mən özüm bulavasitə Daxili İşlər Nazirliyindən verilən tapşırığa əsasən 9 gün ərzində vertolyotda həlak olmuş rus generalları Rusiyada bir-bir yaşadıqları şəhərlərdə ailələrinə təhvil verib dəfnlərində, yas mərasimlərində, sonradan isə 40 mərasimlərində də iştirak etmişəm. 22 noyabr 1991-ci il tarixdə o vaxtkı daxili şlər naziri Tofiq Kərimov mənə zəng edib dedi ki, artıq Rusiyada rus generalların ölümüylə bağlı xoşagəlməz şayiələr yayılıb, sən özün generallar Jinkin, Kovalyov və Koçerovun cənazələrini aparıb yiyələrinə təhvil verməli və onların hüzn qaydalarına uyğun olaraq 9 gün orada qalıb yaranmış şayiələrə son qoymalısan.

Mənim üçün Gəncədən “AN-24” tipli hərbi təyyarə ayrıldı. Hava limanından bizi şəhər Daxili İşlər İdarəsinin rəis müavini, milis polkovniki Ramiz Cahangirov yola saldı. Mərhumların cənazələrini -Jinkini Minvoda, Koçerovu Moskvaya, Kovalyovu Nijni Novqoroda gətirdim. Hətta Nijni Novqorodda etubarlı adamlar, o cümlədən vilayət Daxili İşlər İdarəsinin rəisi Vitali Potapov dedi ki, ermənilər, konkret olaraq Qarabağdan olan bir erməni sahə müvəkkili iki gündür şəhərdə əhali arasında şayiə yayır ki, vertolyotu azərbaycanlılar özləri vurub. Mən 25 noyabrda general Kovalyovun dəfnində çıxış edərək rus xalqına və generalın əzizlərinə başsağlığı verdikdən sonra söylədim ki, bu dəhşətli terakt Qarabağda ermənilərin yaşadığı Qarakənd kəndi ərazisində erməni terrorçuları tərəfindən törədilib. Ümumiyyətlə, mən və mənimlə birgə gəlmiş həmkarlarım Mehman Hüseynov və Teymur Manafov başladıq Rusiya şəhərlərində 20 Noyabr faciəsi barədəki gerçəkləri təbliğ etməyə. Orada 9 gün qaldıq və həmin günlər ərzində bütün məclislərdə faciəni təfsilatıyla ünsiyyətdə olduğumuz, gördüyümüz hər kəsə danışdıq. 9 gündən sonra Bakıya qayıdıb rus generalların dəfni barədə daxili işlər nazirinə məruzə etdim…

Bilirsiz, 27 ildir, belə ziddiyyətli, həm də əsassız söz-söhbətlər çox yayılır. Artıq bunlara cavab verməkdən yorulmuşuq. Səhv etmirəmsə, 1998-ci ildə Cümşüd Nuriyev “Yeni Müsavat” qəzetinə açıqlamasında bildirmişdi ki, guya İsmət Qayıbovu Göyçə(Sevan) gölündəki bir adada saxlayırlar. Birincisi, bildiyimə görə, Göyçə gölündə ada yoxdur. İkincisi də rəhmətlik İsmət Qayıbovun cəsədi tanınırdı və onu öz əllərimlə qoymuşam tabuta… Hətta bir ürəkağrıdan epizodu da deyim ki, faciədən bir gün öncə, noyabrın 19-da Ağdamda qonaq evində qısa istirahət vaxtı rayonun o vaxtkı başçısı Səyyaf Verdiyev rəhmətlik İsmət müəllimə dedi ki, nə qəşəng ayaqqabıların var. Rəhmətlik də gülümsədi. Sonra razılaşdılar ki, bir yaxşı ayaqqabıdan bilyard oynasınlar və oynadılar… Ertəsi gün yanmış vertolyotun külləri arasında şəhid baş prokurorumuzu həmin qəşəng ayaqqabılarından tanıdıq…Allah hamısına rəhmət eləsin!..

-Mərhum “Ala Yaqub”, yaxud “Qatır Məmməd” ləqəbli Yaqub Məmmədovu tanıyırdınızmı?

-Əlbəttə, tanıyırdım. Müharibədən əvvəl o, qəbir daşları düzəltməklə məşğul idi.

-Bildiyiniz kimi, Azərbaycan siyasi meydanında tanınmış bir neçə şəxs vertolyotun guya Tamerlan Qarayevin göstərişi ilə “erməni vertolyotu” adıyla məhz “Ala Yaqub” tərəfindən vurulmasını iddia edirlər. Bu barədə nə deyə bilərsiz?

(Davamı var)

Söhbətləşdi: Sultan Laçın

Mənbə: mderator.az
_______________________________________________________________________________________












SON XƏBƏRLƏR
Laçın rayonunun işğal edilməsinin 27-ci ildönümü ilə bağlı ümumrayon tədbiri keçirilmişdir
Dövlət Komitəsində Laçın rayonunun işğalının ildönümü münasibətilə anım tədbiri keçirilib
Xosrov bəy Sultanovun 140 illiyi keçirildi - FOTOLAR
Xosrov bəy Sultanovun 140 illiyi keçiriləcək
İran ABŞ-ı “başına zərbə endirmək”lə hədələyib
Britaniyanın Azərbaycana dair xəbərdarlığına - XİN-dən reaksiya
Mühasirəyə düşmüş 60 nəfərdən çox döyüşçünü xilas edərkən şəhidlik zirvəsinə ucalan Milli Qəhrəmanımız - VİDEO
“Keşikçidağ” Azərbaycana qarşı siyasi təzyiq vasitəsi ola bilməz
Bu gün 32 173 abituriyent qəbul imtahanı verir
“Qarabağ” çempionluğunu "Neftçi" üzərində qələbə ilə rəsmiləşdirib
Azərbaycanlı diaspora sədri karate üzrə dünya çempionu olub
Qarabağla bağlı prinsipial mövqeyimiz dəyişməyəcək
Həyat yoldaşı ilə birgə güllələnən Sovet İttifaqı qəhrəmanı, gənc general kimdi?
Tarixi qələbənin qazanılmasında Azərbaycan xalqının rolu
Həzi Aslanovun ikinci “Qızıl Ulduz”u - ARAŞDIRMA
Bu gün 9 May - Qələbə günüdür
“Həsrət Yolu” erməni girovluğundakı uşaqlarla bağlı layihəyə başladı
Dövlət Komitəsi Şuşanın işğalının 27-ci ildönümü ilə bağlı anım tədbiri keçirib - FOTOLAR
Prezident Xalq artistinə ev verdi
Qoşa Qala qapıları bərpa edilir - FOTO
100 türk hərbçisi Rusiyada təlim keçməyə başlayıb
Şuşanın işğalı Şəhidlər Xiyabanında anıldı - FOTOLAR
Şuşa tarixi haqqında Şuşasız…
"Yatmış" Keşikçidağ: Niyə "Müqəddəs Giorgi" bayramını qonşular Azərbaycanda keçirir - FOTO
Əməkdar jurnalist Elnarə Dərziyeva BDU-nun jurnalistika fakültəsinin tələbələri ilə görüşüb - FOTOLAR
Xurma satanların Ramazan sevinci
Məhəmməd İsmayıl Daniş: Cavanşir elinin nazir oğlu-ARAŞDIRMA
Şuşanın işğalından 27 il ötür
Elnur Eltürkə yeni vəzifə verildi
"Elə etməsinlər ki, biz də Gürcüstana qarşılıqlı iddialarımızı gündəmə gətirək" - POLİTOLOQ