Qarabag Media
Haqqımızda Əlaqə

Gəncə şəhər Endokrinoloji Xəstəxanasında özbaşınalıq pik həddə çatıb - VİDEO


Tarix:22-11-2018, 13:13 Kateqoriya:Manşet / Tibb

Gəncə şəhər Endokrinoloji Xəstəxanasında özbaşınalıq pik həddə çatıb - VİDEO

Respublikanın ikinci böyük şəhərin düz mərkəzində yerləşən regional Endokrinoloji xəstəxanasında ciddi qanun pozuntuları ilə müşayət olunan hadisələr baş verir. Belə ki, adıçəkilən səhiyyə müəssisəsinin baş həkim Sevda Əskərova və onunla əlbir olan keçmiş baş həkim, hazırda isə Nizami yurdunun Baş endokrinoloqu Süleyman Piriyev dövlət xəsətəxanasında qaz vurub-qazan doldururlar. Özü də imkanı olan və olmayan xəstələrin hesabına. Dövlət xəstəxanasını öz şəxsi obyekti kimi istifadə edən bu şəxslər buranı korrupsiya ocağına çevirərək istədiklərini edirlər. Əslində xalq arasında “şəkər xəstəxanası”deyilən bu səhiyyə “ocağı”ndakı vəziyyəti yazının müəllifi olan bəndəniz buraya xəsətə gətirən zaman təsadüf nəticəsində görüb. Rastlaşdığım biabırçılığı bir qədər sonra aidiyyatı dövlət qurumlarının və oxucuların diqqətinə ərz edəcəm.

İndis isə apardığım qısa araşdırma zamanı əldə etdiyim məlumatlar haqqında. Ədalət naminə qeyd edim ki, hər ay dövlət tərəfindən xəstəxanaya şəkərli diabetdən əziyyət çəkən xəstələrin müayinə və müalicəsi üçün lazım olan dərmanlar verilir. Həmçinin, bura Endokrinoloji müəssisə kimi müxtəlif təyinatlı tibbi ləvazimatlar, və inventarlarla təmin olunur. Lakin bunlar xəstəxana rəhbərliyinin “fəaliyyəti”sayəsində yoxa çıxır. Necə və hansı şəraitdə, bax bunu müvafiq qurumlar araşdırmalı və tapmalıdır. Araşdırma zamanı xəsətələrdən əldə etdiyimiz məlumata görə, Səhiyyə nazirliyi tərəfindən verilən Esensial, Aktovegin və digər preparatlar mənimsənilir və xəstələrə verilmir. Onların özlərinə aldırırlar. Konkret desək,satılır. Çarpayılarda olan yataq dəstləri isə ancaq görüntü üçündür. Çünki xəsətəxana personalı pasiyentlərdən yataq dəsti gətirməyi tələb edir. Səbəb kimi isə yuyucu vasitələrin və yumağa yerlərinin olmadığını göstərirlər. Xəstələr və ya onların yaxınları etiraz etdikdə işçilər deyir: ”biz nə edə bilərik, baş həkimin göstərişi belədir”.

Məlumatlı mənbəmizin verdiyi informasiyaya görə,Sevda Əskərova Endokrinoloji xəstəxanaya baş həkim təyin olunandan (3 ildi) sonra 3 həkim-cərrah, nevropatoloq və həkim- reanimatoloq öz ərizəsi ilə işdən çıxıb.Səbəbi isə çox sadədir. Qoyulan aylıq haqqın məbləğini artırılması…Dövlətin dəstəyi ilə açılan “Diabet Məktəbi” isə ancaq ad olaraq mövcuddur və fəaliyyət göstərmir. Çünki “Diabet məktəbi” nin fəaliyyət göstərməsi həm baş həkimin, həm baş endokrinoloq Süleyman Piriyevin, həm də Terapiya şöbəsinin müdiri Ulduz Usubovanın maraqlarına ziddir. Təbii ki, bu məktəbin fəaliyyəti şəkərli diabetdən əziyyət çəkən xəstələri maarifləndirməyə doğru yönəldiyindən, adları çəkilən həkimlərin “xəstə tutması”na və xəstələri özlərindən asılı saxlamağa imkan verməyəcək.

Araşıdrma zamanı o da məlum oldu ki, baş həkim xəstəxana personalına aid olan tualeti büdcədən ayrılan vəsait hesabına təmir etdirib və özü üçün “xüsusiləşdirib”. Xəstə və həkimlərin istifadəsinə verilən tualet isə bərbad vəziyyətdədir. Belə ki, mətbəxin yanında yerləşən ayaqyolunda su yoxdur və ciddi anti-sanitarya höküm sürür. Cərrahi əməliyyatlar ümumiyyətlə aparılmır. Əldə etdiyimiz digər məlumata görə,xəstəxananın Mətbəxi ancaq baş həkimin şəxsi xidmətləri üçün işləyir – baş həkim üçün mürəbbələr, xəngələr, turşular hazırlanır. Onu da qeyd edək ki, baş həkim Sevda Əskərova Elmar Vəliyevin kadrıdır. Hətta, o hər yerdə, o cümlədən xəstəxanada da işçiləri hədələyərək mənim arxam güclüdü, arxamda Elmar Vəliyev durur və mən nə istəyirəmsə onu da edəcəyəm. Baş həkim idaəetmə ilə məşğul olmaq əvəzinə USM (ultrasəs ) müayinəsi də aparır. Qiyməti isə elə də çox deyil, cəmi 15 AZN. Maraqlıdır ki, xəstəxanada USM həkimi və USM kabineti olduğu halda Baş həkim özü dövlət tibb müəssisənin 2-ci mərtəbəsindəki 5 saylı otaqda günün istənilən saatında USM müayinəsi aparır və pullu tibbi xidmət göstərir.

Diqqətçəkən faktlardan biri də ondan ibarətdir ki, baş endokrinoloq Süleyman Piriyev S. Əskərovaya bütün qanunsuz işlərində dəstək olur. Belə ki, o, xəstəxanaya qalxanvari vəzinin (xalq arasında “zob” deyilən xəstəliyin) US müayinəsi üçün gələn bütün xəstələri baş həkim S. Əskərovanın yanına yönəldir. Onların bütün bu əməlləri videoçəkilişdə öz əskini tapıb.

Nəzərə alsaq ki, baş həkimin bu müayinələri aparmaq üçün nə ştatı, nə də hüquqi ixtiyarı yoxdur. Onun bu hərəkətləri Azərbaycan Respublikası Səhiyyə Nazirinin 19 sentyabr 2012-ci il tarixli 70 nömrəli əmri ilə təsdiq edilmiş “Tibb müəssisəsinin rəhbərinin nümunəvi (baş direktor, direktor, baş həkim, rəis) vəzifə T Ə L İ M A T I”nın II. Vəzifə öhdəlikləri hissəsinin tələbləri ilə daban-dabana ziddir. Çünki “Baş həkim” məsul vəzifə olduğu üçün o nəinki aparatda baxmaq, ümumiyyətlə praktiki işlə məşqul olmaq hüququ yoxdur. Tibb bacılarının dediyinə görə, sistem qoydurmağa gələn hər xəstə üçün baş həkim onlardan 5 manat haqq istəyir və onları xəstəxanaya hüquqi mənbəyi bilinməyən sənədlərlə “oformit” (rəsmiləşdirmə) etdirməyi tələb edir (bunu xəstələrin adına dərman və qida yazdırıb silmək və mənimsəmək üçün optimal addım hesab etmək olar) Xəstəxanada yatmaq üçün qeydiyyata salmağın üçün ilkin olaraq 20 manat tələb olunur. Epikriz üçün müraciət olunanda xəstənin yatmamağı üçün əlavə 50 – 100 manat arası qiymət “oxunur”. Hərbi komisarlıqdan göndərilən çağırışçılara isə ya xəstəxanada 3 gün yatmaları deyilir (99 faiz şəxs bundan imtina edir), ya da onlardan 50 manat tələb olunur. Təbii ki, bu çağırışçıların da adına dərman və qida məhsulları yazılır və çox sadə üsullarla silinir. Gəncə şəhərin baş endokrinoloqu S.Piriyev isə bir qədər insaflıdır. Çünki o, ilkin xəstələri qeydə almaq üçün10 manat tələb edir. Özünün konsultasiyası isə 15 manatdır. Bəli, tibbi xidmətlərin pulsuz olduğu dövlət xəstəxanasında…

Qeyd edək ki, Süleyman Piriyevin 75 yaşı olsa da, həm şəhərin baş endokrinoloqu kimi, həm də Endokrinoloji xəstəxanada həkim-endokrinoloq kimi çalışır. Baxmayaraq ki, Gəncə kimi kadr potensialı yüksək olan şəhərdə onu əvəz edə biləcək elmi dərəcəsi olan, o cümlədən gənc uzman kadrlar da var. Gəncədəki mənbəmiz onu da vurğulayıb ki, bu xəstəxanada çalışan həkimlərdən birinin 3 gəlini şəkərli diabet xəsətəsi olmadığı halda onalar “şəkərli diabetin ən kəskin forması” diaqnozu ilə əlil kimi pensiyaya çıxarılıb. (informasiyanın dəqiqləşdirilməsi getdiyi üçün bu mövzuya növbəti araşdırmada qayıdacağıq)

Yuxarıda sadalanan hallar Azərbaycan Respublikasının qüvvədə olan mövcud qanunvericiliyinin kobud şəkildə pozulmasıdır.Konkret desək, AR. Cinayət məcəlləsinin 308-ci-Vəzifə səlahiyyətlərindən sui — istifadə, 311.1-ci-Rüşvət alma, 311.2-ci-Vəzifəli şəxs tərəfindən qanunsuz hərəkətlərə (hərəkətsizliyə) görə görə rüşvət alma Maddələrinin tələblərinin pozulması halları kimi cinayət məsuliyyəti yaradır.

Qeyd olunan faktları əsas tutaraq, inanırıq ki, Səhiyyə Nazirliyinin, Gəncə şəhəri İcra Başçısı Niyazi Bayramovun, Gəncə şəhəri Səhiyyə İdarəsi yeni təyin olunan rəisi Nazim Əhmədovun və digər aidiyyati dövlət qurumlarının müdaxiləsi nəticəsində Baş həkim Sevda Əkərovanın qanunsuz əməllərinə qarşı müvafiq tədbirlər görüləcək və onun əlaltıları tərəfindən xəstəxanada yaranan dərəbəyliyə, özbaşınalığıa, qanunsuz əməllərə son qoyulacaq.

Biz də redaksiya olaraq,bu kimi halları işıqlandırmaqla,ölkə başçısı Cənab İlham Əliyevin qanun pozuntularına və məmur özbaşınalığına qarşı mübarizə tədbirlərinə və çağırışlarına dəstək olamağa çalışırıq./azbelediyye.info/

Müəllif: İxtiyar Həsənli
_________________________________________________________________________________________










SON XƏBƏRLƏR
Türkiyənin Azərbaycandakı səfirliyində Xocalı Soyqırımı anıldı
Prezident 2 sərəncam, 2 fərman imzaladı
Qazaxıstan öz milli pul əskinaslarında rus dilindən qurtulmağa qərar verdi
İranda Azərbaycan bayrağını erməni bayrağının altından asanlara GÖZ DAĞI – VİDEO
Aprel döyüşləri qəhrəmanlarımızı unutmayaq! - FOTOLAR
“Ruhani qorxuya düşüb...” - SORĞU
"Cənub Qaz Dəhlizi"nə hansı ölkələr qoşula bilər - professor açıqladı
Rusiyalı ekspert: "Ermənistan işğal etdiyi torpaqları Azərbaycana qaytarmalıdır"
Bəylikdən qaçaqçılığa-qaçaqçılıqdan dövlətin zirvəsinə yüksələn mücahid
"Laçın" tankeri suya buraxıldı - VİDEO
Erməni nazir Qarabağda hərbi əməliyyatların bərpa olunmamasının səbəbindən danışdı
Soydaşımız Niderland mediasında Xocalıdan yazdı
"Xocalı soyqırımı əliyalın xalqımıza qarşı xüsusi amansızlıqla törədilib" - Komitə sədri
“SSRİ-ni belə dağıtdılar” – Putin “Amerika tələsi”ndə/Şərh
Qızını erməniyə ərə verən Ağadadaş Kərimov çeçenlərlə görüşdən qovuldu - VİDEO
Ələkrəm Hümbətovdan erməni və fars sayağı ittihamlar
Zabratda evi yanan köçkünlərə ev verəcək
BŞİH Milli Şuranın 23 fevral mitinqinə icazə vermədi
Koçaryan həbsxanadan Qarabağla bağlı bəyanat verdi
Saakaşvilidən İvanişviliyə mesaj:"Azərbaycan ən kritik anlarında bizi qazsız qoymayıb"
Bakı Dövlət Universiteti Şərqşünaslıq fakültəsinin təşəbbüsü ilə “Xarici dillər gənclərin maraq dairəsində” mövzusunda elmi-praktik seminar keçirilib
"Brüsseldə Xocalı mitinqi üçün hazırlıq görülür" - Elnur Eltürk
İsrail Şərqi Qüdsdə 464 qanunsuz yaşayış binası inşa edəcək
Rəsulzadə haqqında unudulmuş xatirə
Çeçen-azərbaycanlı insidentinin arxasında kimlər var?
“Qızım, bax, sən də Röya kimi olsan - sənin də dördmərtəbəli villan olar...”
Lavrov: "Həmsədrlər yalnız dialoq üçün şərait yaratmağa kömək edə bilərlər"
Prezident: "Sumqayıtın kompleks inkişafı daim diqqət mərkəzindədir"
Proxanov: Ermənistanla Azərbaycan heç vaxt “təkbətək” qalmayacaq
Ermənilər Xocavənddə azərbaycanlıları girov apararkən çəkilmiş görüntülər — VİDEO