Qarabag Media
Haqqımızda Əlaqə

Təhsil sahəsində iki mühüm yenilik: Biri ümid yaradır, digəri tərəddüd


Tarix:19-11-2018, 14:06 Kateqoriya:Manşet / Təhsil

Təhsil sahəsində iki mühüm yenilik: Biri ümid yaradır, digəri tərəddüd

"Qanunvericilikdə həyata keçirilən son dəyişiklik Azərbaycan təhsilinin dünya təhsil sisteminə inteqrasiyası istiqamətində çox mühüm müsbət addımdır"

Son illər ərzində Azərbaycan təhsil sistemində ciddi islahatlar həyata keçirilir. Bu, təkcə kəmiyyətin artmasına xidmət etmir, eyni zamanda keyfiyyətin də yüksəldilməsi istiqamətində mühüm irəliləyişlər müşahidə olunur.

Bir neçə gün öncə Nazirlər Kabineti tərəfindən təhsil qanunvericiliyinə müəyyən dəyişikliklər edildi. Edilən dəyişikliklər bir neçə istiqaməti əhatə edir.

Təhsil eksperti Kamran Əsədov Sputnik Azərbaycan-a açıqlamasında həmin dəyişiklikləri şərh edib.

K.Əsədov əvvəlcə dövlət tərəfindən özəl təhsil müəssisələrinə lisenziyaların verilməsindəki sadələşmələrin qanunvericilik aktlarında da öz əksini tapmasına münasibət bildirib: "Bu, müsbət haldır. Belə ki, qüvvədə olan qanunvericilik aktlarına görə, fəaliyyət göstərən təhsil müəssisəsi 5 ildən bir təkrar prosedurdan keçirdi. Nəticədə təhsil müəssisələri həmin il diqqəti təhsildən yayındırıb, ancaq sənədləşmə məsələlərinə ayırırdı. Bu da onların fəaliyyətində müəyyən qədər ləngimələrə gətirib çıxarırdı, tədrisdə axsamalarla nəticələnirdi. Digər tərəfdən, lisenziyaların 5 il müddətinə tətbiq edilməsi müvafiq dövlət orqanlarının özəl təhsil müəssisələrinin fəaliyyətini yoxlamasına maneə olurdu".

Ekspert qeyd edib ki, həyata keçirilən dəyişiklikdən sonra sözügedən 5 illik müddət aradan götürülür: "Yəni bundan sonra fəaliyyətində hansısa çatışmazlıq, qüsur və narazılıqlar olan özəl təhsil müəssisələrinə verilmiş lisenziyalar vaxtından əvvəl ləğv oluna bilər. Aidiyyatı dövlət orqanları 5 ildən tez də özəl təhsil müəssisəsində müvafiq yoxlamaları həyata keçirə bilər. Bu dəyişiklik, eyni zamanda müsbət fəaliyyətli təhsil ocaqlarına da geniş imkanlar açır. Belə ki, həmin təhsil müəssisələri 5 ildən bir yenidən sənədləşməyə vaxt ayırmayacaq. Bundan sonra yalnız keyfiyyətli təhsil xidməti göstərəcəklər ki, vaxtaşırı sənədləşməyə cəlb olunmasınlar".

Əsədovun sözlərinə görə, qanunvericilikdə həyata keçirilən bu dəyişiklik Azərbaycan təhsilinin dünya təhsil sisteminə inteqrasiyası istiqamətində çox mühüm müsbət addımdır.

Ekspert daha sonra qanunvericilikdəki məktəbəqədər təhsil pilləsinə qəbulla bağlı dəyişikliyə aydınlıq gətirib. Onun fikrincə, bu, müəyyən qədər çaşqınlıq yaradacaq: "2019-cu il 1 yanvardan tətbiq ediləcək dəyişikliyə görə, məktəbəqədər təhsil müəssisələrinə qəbul, sağlamlıq imkanları məhdud olan uşaqlar üçün xüsusi məktəbəqədər təhsil müəssisələrinə 1 yaşdan 7 yaşadək nəzərdə tutulub. Körpələr evi-uşaq bağçasına 1 yaşdan 7 yaşadək, uşaq bağçasına 3 yaşdan 7 yaşadək uşaqlar qəbul edilirlər".

"Bu dəyişiklik, əslində, "Təhsil haqqında" Azərbaycan Respublikasının Qanununa ziddir. Maddə 19.11.-də nəzərdə tutulur ki, Azərbaycan Respublikasında ibtidai təhsil 6 yaşdan başlanır. "Məktəbə hazırlığın təşkili" Qaydalarına görə, məktəbəqədər təhsil müəssisələrində məktəbəhazırlıq qrupları 5 yaşdan 6 yaşadək uşaqları əhatə edir. "Uşaqların (şagirdlərin) ümumi təhsil müəssisələrinə qəbulu və yerdəyişməsi Qaydaları"na əsasən, məktəbin I sinfinə həmən tədris ilində 6 yaşı tamam olan şəxslər qəbul edilir" – deyə Əsədov əlavə edib.

Müsahibimiz vurğulayıb ki, yeni dəyişikliyə əsasən isə, bundan sonra valideynlər istəsələr, uşaqlarını 7 yaşına qədər bağçada saxlaya biləcəklər: "Bu da 2019-cu ildən etibarən birinci siniflərdə müəyyən yaş fərqinin yaranmasına gətirib çıxaracaq".

İradə Cəlil










SON XƏBƏRLƏR
Putin və Ərdoğan İdlibdəki vəziyyəti müzakirə ediblər
Folklorşünas İlham Qəhrəmanın tərtibatında Aşıq Alının “Nə qaldı” kitabı çap olunub
Vurulan düşmən təyyarəsi və nuru çəkilən gözlər – Bir döyüşçünün taleyi
Əsəd ordusunun 5 helikopteri vurulub, 309 hərbçi zərərsizləşdirilib
Azərbaycanın “Avroviziya” təmsilçisi bəlli oldu
Oğuzda qonşu qonşusunu güllələyib öldürdü
Prezident İlham Əliyev Ərdoğana başsağlığı verdi
Türkiyədə Faiq Ələkbərlinin daha bir kitabı yayınlandı
Rusiya: “Təyyarələrimiz türk əsgərlərinə hücum təşkil etməyib”
İranda daha 4 deputat koronavirusa yoluxub
Türk ordusu Əsəd qüvvələrini darmadağın edir - VİDEO
Dövlət orqanlarında işə qəbulla bağlı müsahibə elan edildi
Milli Qəhrəman Elman Hüseynovun doğum günüdür - VİDEO
Prezident yeraltı piyada keçidinin açılışında iştirak edib
İdlibdə Türkiyənin 33 hərbçisi şəhid olub
Polisə silahlı müqavimət göstərən şəxs məhv edildi
Azərbaycanın İranla ticarət mübadiləsi kəskin azalıb
Baş epidemioloq: “Əmin ola bilərsiniz ki, bizdə koronavirus yoxdur”
Türkiyə səfiri: "Ərdoğanın Azərbaycana səfərini yüksək dəyərləndiririk"
İlham Əliyev Britaniya Baş Nazirinin ticarət elçisini qəbul etdi
Türkiyə vətəndaşı Bakı aeroportunda öldü
Xocalı soyqırımı: SİYASİ VƏ İDEOLOJİ TƏRƏFLƏRİ
Xətai rayon MKS-nin Mərkəzi Kitabxanasında “Xocalı harayı” adlı anım tədbiri keçirilib
Xocalı soyqırımından 28 il ötür
Azərbaycanda 87 seçki məntəqəsi buraxıldı
Ərdoğanın şərəfinə Bakıda ziyafət verildi
İki ölkə arasında yüksək səviyyəli iclas keçirildi
Şəhid xanımı: “O gecə məhv edilən 68 əzizimdən yalnız birinin qəbrini ziyarət edə bilirəm”
Şəhid əsgərimiz İbrahim Vəliyev dəfn olundu - VİDEO
Ərdoğan: “Azərbaycanla tarixi bir addım atacağıq”