Qarabag Media
Haqqımızda Əlaqə

"Azərbaycan televiziyalarından bütün şou verilişlərini yığışdırardım" — Xeyrəddin Qoca


Tarix:18-11-2018, 12:51 Kateqoriya:Manşet / Cəmiyyət

"Azərbaycan televiziyalarından bütün şou verilişlərini yığışdırardım" — Xeyrəddin Qoca

Milli Televizya və Radio Şurasının sədri Nuşirəvan Məhərrəmli telekanallarda bayağı verilişləri ən çox tənqid edən rəhbərlik etdiyi qurum olduğunu bildirib. Bir müddət öncə telekanal rəhbərləri ilə görüş keçirildiyini vurğulayan N.Məhərrəmli deyib ki, həmin görüşdə də bayağı verilişlərə son qoyulması ilə bağlı tövsiyələr verilib.

Moderator.az mövzunu davam etdirərək tanınmış naşir, publisist Xeyrəddin Qocadan "Əlinizdə imkan olsaydı ilk növbədə hansı verilişləri bağlayardınız" sualına cavab alıb:

"Bilirəm ki, televiziyalarda şou verilişləri olmalıdır. Hətta bütün dünyada şou verilişlır var. Amma mənim əlimdə imkan olsaydı (mütləq "şou əhli" deyəcək ki, yaxşıdır, mənim belə imkanım yoxdur...), Azərbaycan televiziyalarından bütün şou verilişlərini yığışdırardım! Niyə? Əvvəla, gördüyünüz kimi, neçə illərdir ekranlarımızda şou verilişlır gedir, hələ insanlar "şou" sözünü qəbul edə bilmirlır, hətta bu söz lağ obyektinə çevrilib! Çünki, bizim televiziyalarının şouları lağlağıdan başqa bir mənası olmayan, şit, bayağı, əttökən, ruslar demişkən, "protivni", tamaşaçıların (əlbəttə, səviyyəli tamaşaçıların) qətiyyən qəbul etmədiyi, baş qarışdırmaq üçün olan bir şeydir! Bunu bilərəkdən edirlər ki, camaatın başı qarışsın, onlar da öz "işlər"ini görsünlər...Aparıcılar nə qədər qeyri-səmimi, yüngül olarmış, nə qədər mənasız, məntiqsiz danışarmışlar? Yalançı müğənnilər, musiqiçilər nə qədər şəxsiyyətsiz hərəkətlər edərlərmiş?

Azərbaycan televiziyalarının şou verilişləri (artıq, bu sözləri eşidəndə iyrənirəm!) hara, rusların şou verilişləri hara?

Bir rus şousunda akademik çıxış edərək deyirdi ki, "mən 40 kitabın müəllifiyəm, üzümü bütün insanlara tutub deyirəm ki, dieta saxlayıram düşüncəsi ilə özünüzü ac qoymayın. Bu ağır xəstəliklərə gətirib çıxarır". Deməli, bir elmi nəticəni öyrəndik. Bizim şoularda hansı akademikin, professorun və yaxud, tanınmış, hörmətli bir insanın ağıllı, lazımlı məsləhətlərini eşitmisiniz?

Şoularımız haqqında çoxlu biabırçı faktlar söyləyə bilərəm. Ayıbdır, axı! Heç olmasa ağsaqqallardan, ağbirçəklərdən, ləyaqətli insanlardan çəkinmək lazımdır! Bir böyük-kiçik olmalıdır! Yaxşı, bu şouları ortaya-ərsıyə gətirənlər yüngüllüyü, şitliyi, bayağılığı təbliğ edirlər, bunlara bir nəzarət edən-filan yoxdur? Televiziyaların sədrləri xalqın narazıllğını eşitmir, duymurlar?

Yeri ğəlmişkən, sosial verilişlər də bir-birinə bənzəyir. Vaxtilə, yeni yaradılanda məni də bir-iki verılişə dəvət etmişdilər və həmin verilişlərə getdiyim üçün indi də utanıram! Bu verilişlərdə insanlara yol ğöstərmək, əxlaq, tərbiyə nümunəsi ğöstərmək əvəzinə, tərbiyəsiz danışıqlar, mübahisələr, qayınana-gəlin mübahisələri, ah-nalələrdən başqa bir şey ğörmürük! Nəzərə alınmalıdır ki, bizim televiziyalara başqa millətlər də baxır. Deməzlır ki, bu nə biabırçılıqdır? Bəzi kişilərimiz, qadınlarımız niyə ailələrini başsız qoyub evdın gedirlər? Sonra da özlərinə haqq qazandırmaq üçün qışqıra-qışqıra danışırlar, həyasızlıq nümayiş etdirirlər? Bəlkə verilişdən əvvəl belələri ilə söhbət aparmaq, onlara danışıqlarına müəyyən hədd qoymaq tapşırılmalıdır? Kim həddini aşırsa, nümayişkaranə şəkildə onu verilişlırdın uzaqlaçdlrmaq lazımdlr ki, başqalarına da dərs olsun?

Əksinə, çox vaxt aparıcılar özləri lazımsız yerə iştirakçıları qızışdırırlar ki, veriliş "baxımlı" olsun. Axı, bizim tamaşaçıların bəziləri dava-dalaşı seyr etməyi sevir! Aparıcılar elə düşünürlər ki, bu reytinq gətirir, onun verilişlərinə baxırlar! Qoy onlar bilsinlər ki, bir balaca intellekti olan adamlar belə verilişlərə baxmaq istəmir!

Özünü prokuror, müstəntiq, hakim kimi aparan aparıcılar televiziyalardan uzaqlaşdırıllmalıdır!

Mollalar, bəzi din xadimləri mənasız, məntiqsiz danışıqları ilə tamaşaçıları bezdiribər! Onların xüsusi danışıq tərzi bizi narahat edir. Bu, dilimizə hörmətsizlikdir! Ekran mollaxana, yaxud məscid deyil! Hərənin öz yeri olmalıdır! Hansı-birini deyək, axı!"

Karabakhmedia.az










SON XƏBƏRLƏR
ABŞ kilsə zəngini 100 ildən sonra Filippinə qaytardı
Sabahın HAVASI: Yağış və qar yağacaq
Maksim Şevçenko: "Ermənistan Laçın, Cəbrayıl, Fizuli və başqa rayonları Yeltsin rejiminin dəstəyi ilə işğal edib"
Ehtiyatlı olmaq lazımdı
Dərdin çiçəkləmə dövrü - Rüstəm Kamal yazır
Dərdin çiçəkləmə dövrü - Rüstəm Kamal yazır
Avstraliya Qüdsü rəsmən İsrailin paytaxtı kimi tanıdı
"Nərmin Şahmarzadəni cinayət məsuliyyətinə cəlb etmək lazımdır"- Millət vəkili
Ramiz Rövşənin doğum günüdür - "Bağışla, bağışla, məni bağışla"
Faiq Ələkbərlinin "Azərbaycan Türk fəlsəfi və ictimai fikir tarixi" adlı kitabı işıq üzü görüb
Ankaradan Bağdada cavab: "Terrorizm əleyhinə bu cür əməliyyatlar davam etdiriləcək"
Türkmənistanda ilk Xəzər iqtisadi forumu keçiriləcək
Tolstoy olan yerdə Dostoyevski kim idi…
Deputat sərxoş halda dava salması ilə bağlı yayılan xəbərlərə münasibət bildirdi
Mahir Abbaszadə: "Bu gün Azərbaycan dünya miqyasında ən sürətlə inkişaf edən ölkələr sırasında öncül yerlərdən birini tutur"
Əməyin simfoniyası — Qəzənfər Hüseynovun Laçın xatirələri
“Açıq şəkildə dedim: Serj, beş rayonu geri qaytar…” - Lukaşenko ilk dəfə açıqladı
Türk ordusu Suriyada nəhəng hərbi əməliyyata başladı – VİDEO
Bu il Azərbaycanda qış sərt keçməyəcək - RƏSMİ
FHN-in iki vəzifəli şəxsinə general rütbəsi verildi
İlham Əliyev Mövlud Çavuşoğlunu qəbul etdi
ARİFİN VƏTƏN, TORPAQ ADLI AĞRISI
Rövşən Rzayev Şüvəlandakı köçkünlərlə görüşdü - FOTOLAR
Vətənini və dövlətini canından çox sevən mərhum millət vəkili – Zakir Sərdarov
30 il əvvəl Laçında da belə idi...
"Uzaqlar yaxın olsa…” — Ayaz Arabaçı yeni kitabını təqdim etdi - FOTOLAR
Xətai Rayon İcra Hakimiyyətinin başçısı vəzifəsindən azad edildi
NATO nümayəndə heyəti ölkəmizdə səfərdədir
Abşeron rayonunda Şəhid ailələrinə, 20 Yanvar və Qarabağ əlillərinə mənzillər verildi
İlham Əliyev Rəcəb Tayyib Ərdoğana başsağlığı verdi