Qarabag Media
Haqqımızda Əlaqə

Zurabişvili Borçalıda hansı yollarla qalib gəldi?


Tarix:29-10-2018, 16:41 Kateqoriya:Manşet / Siyasət

Zurabişvili Borçalıda hansı yollarla qalib gəldi?

Gürcüstana Saakaşvilinin bəxş etdiyi demokratik uğurları məhv etmək mümkün deyil.

Bu sözləri Karabakhmedia.az-a açıqlamasında Gürcüstan Vahid Milli Hərəkat Partiyasının Qardabani rayonu üzrə lideri, Gürcüstan parlamentinin eks-deputatı Ramin Bayramov deyib.

“Gürcüstanda Mixail Saakaşvilinin öz komandası ilə birgə yaratdığı hüquqi-demokratik sistem mövcuddur. Bu sistem sübut edib ki, Gürcüstanda demokratik seçki keçirtmək mümkündür və buna əsas dəlil 2012-ci il prezident seçkisidir. Məhz bu seçkidə hakimiyyətdə olan Mixail Saakaşvilinin partiyası uduzdu. İndiyə qədər hazırkı hakimiyyət hər yolla cəhd edib ki, ölkədə mövcud olan sistemi dəyişdirməyə çalışsın. Hətta bəzi dəyişikliklər edilib ki, hakim partiya daim qalib gələ bilsin. Bunlara rəğmən, Gürcüstanın əldə etdiyi demokratik uğurları məhv etmək çətindir. Buna ictimaiyyət izn verməz”, – deyə o bildirib.

O, son seçkinin Saakaşvilinin İvanişvili üzərində son altı ildə qazandığı ilk qələbə olduğunu deyib:

“Bu, son altı ildə Saakaşvilinin İvanişviliyə qarşı ilk qələbəsidir. Bu, böyük qələbədir və böyük zəhmət hesabına əldə edilib. Azərbaycanlıların kompakt yaşadığı bölgələrin nəticələrinə gəlincə isə, azərbaycanların böyük hissəsi, bir daha təkrar edirəm, böyük hissəsi Saakaşvilini dəstəkləyirlər. Doğrudur, azərbaycanlıların kompakt yaşadığı müəyyən bölgələrdə seçkinin nəticələri göstərir ki, Gürcü Arzusu qalib gəlib, amma açıq şəkildə sizə deyirəm ki, bu üstünlük saxtakarlıq və təzyiqlər yoluyla əldə edilib”.

Bayramov seçki zamanı hökumətin bir sıra provokasiyalara da yol verdiyini təsdiqləyib:

“Seçki zamanı müxalifətə qarşı provokasiyalar oldu, amma biz buna getmədik. Onlar tərəfindən bizə qarşı xüsusi “tələlər” hazırlanmışdı ki, buna düşək və daha sonra bizə qarşı ittihamlar səsləndirsinlər. Xoşbəxtlikdən onların planları baş tutmadı. İvanişvili seçkinin ikinci turuna qədər əlindən gələn hər şeyi edəcək ki, bizim elektorat, aktivistlər, liderlərimiz arasına parçalanma salsın. Amma bu, onda alınmayacaq, çünki artıq elə bir zaman yetişib ki, insanlar nəinki hökumətdən üz çeviriblər, hətta cəmiyyətdə onlara qarşı həddən artıq böyük nifrət mövcuddur. İnanmıram ki, belə bir nifrətin qarşısında onlar qələbə qazana bilsinlər.

Məncə, prezident seçkisində qələbə hər kəs üçün böyük stimuldur. Çoxları seçkiyə etibar etmirdi və bilirdi ki, səslərini oğurlayacaqlar. Biz elektoratımıza sübut edə bildik ki, onların səslərini qoruya bilərik. Bəzi rayonlarda hökumət seçkinin nəticələrini saxtalaşdıra bildi. Məsələn, mən şəxsən Marneuli və Bolnisi rayonlarında hansı təzyiqlərin və saxtakarlıqların edildiyini bilirəm. İkinci turda bunların hamısını nəzərə alacağıq və qalib gələcəyik”.

Qeyd edək ki, dünən Gürcüstanda prezident seçkisi keçirilib. Seçkinin son nəticələrinə əsasən, ilk yeri hökumətin dəstəklədiyi müstəqil namizəd Salome Zurabişvili 38,61 faiz səslə tutub. İkinci yerdə Zurabişvilidən çox cüzi fərqlə müxalifətin namizədi Qriqol Vaşadze (37,72%) qərarlaşıb. Üçüncü yeri isə Saakaşvilinin keçmiş partiyadaşı, Avropa Gürcüstanı Partiyasının namizədi David Bakradze 10,99% səslə tutub.

Namizədlərdən heç biri 50%-dən çox səs toplamadığı üçün seçkinin ikinci turunun keçirilməsi planlaşdırılıb. Avropa Gürcüstanı ikinci turda müxalifətin namizədini dəstəkləyəcəyini bəyan edib.

Karabakhmedia.az










SON XƏBƏRLƏR
Dünya üzrə qaçqınların sayı 70 milyonu keçdi - 70 ilin ən yüksək göstəricisi
Müəllimlərin maaşı konkret nə qədər artacaq? - AÇIQLAMA
Azərbaycan Türk fəlsəfəsindən yarpaqlar: MİRZƏ FƏTƏLİ AXUNDZADƏ
“Qobu Park”da məcburi köçkünlərlə bağlı festival keçirildi - FOTOLAR
Elmar Məmmədyarov Vaşinqtona gedib
Türkmənistan Prezidentinin oğlu qubernator oldu
"Bu gün Mübariz olduğun Gündür" - Palmali-nin prezidenti Milli Qəhrəman Mübariz İbrahimovu yad etdi
Maaş artımı dövlət işində çalışan 600 min nəfərə şamil olunacaq - ŞƏRH
"...Güc birlikdədir"
Azərbaycanın iki güləşçisi Avropa çempionu olub, biri bürünc medal qazanıb
Minimum aylıq əməkhaqqı 250 manat müəyyən edilib - 15 SƏRƏNCAM
“Qarabağ”ın Çempionlar Liqasındakı rəqibi məlum oldu
Qartal zirvədə uçar
Qarabağ həqiqətləri ilə bağlı çəkilən film İsveçdə nümayiş olunacaq
Rövşən Rzayev vətəndaşları qəbul edib
Fizuli Məmmədov diqqəti Azərbaycanda onkoloji xəstəliklərə və tibbi sığorta məsələsinə yönəltdi
"Ordumuzdakı helikopterlər uzaq məsafədən hədəfi dəqiq vurmağa qadirdir" – Müdafiə naziri
Bu gün Şəhid Mübariz İbrahimovun anım günüdür
Əli Əhmədov: “Azərbaycan tərəfinin Dağlıq Qarabağ münaqişəsinin ədalətli həlli üçün etdiyi cəhdlər nəticəsiz qalıb"
Atamın gündəliyi — “Xəyallarda qalan Laçın” xatirə gündəlikdən bir hissə
Bahar Muradova: “Ermənistanın qeyri-konstruktiv mövqeyi davamlı sülhə və birgə yaşayışa təhdid olaraq qalır”
Əflatun Amaşov qəzet və jurnallarla bağlı təklif verdi
Ukraynalı səfir alman siyasətçiləri satqınlıqda suçladı
Cənub zonasında Qarabağ müharibəsi əlil və veteranlarının asudə vaxtları təşkil olunacaq
Biləsuvarda Qadın sahibkarlığının inkişaf etdirilməsi mövzusunda tədbir keçirilib - FOTOLAR
Daha 300 avtobus avqustda istismardan çıxarılır - BNA-dan ANONS
Azərbaycan və Pakistan xüsusi təyinatlılarının birgə təlimləri keçiriləcək
Zakir Həsənov Gəncəyə düşən mərmidən DANIŞDI
Qənirə Paşayeva Murad Köhnəqalanın azadlığa buraxılmasına vasitəçi oldu
Milli Qurtuluş Günü münasibəti ilə Kürdəxanıda məcburi köçkünlər üçün tibbi aksiya keçirilib