Qarabag Media
Haqqımızda Əlaqə

“Bəs uşaqlarımıza “Şaumyan” adı qoymağa kim məcbur edirdi?”


Tarix:24-09-2018, 13:44 Kateqoriya:Manşet / Yazarlar

“Bəs uşaqlarımıza “Şaumyan” adı qoymağa kim məcbur edirdi?”Bu gün 60-70 yaşlı ağsaçlı kişilər var ki, hələ də Goranboya, Ağcakəndə “Şaumyan” deyirlər...

Sultan Laçın


Bu gün vaxtilə xan, bəylərimizin istirahət yurdu olmuş Xankəndinə Stepan Şaumyanın adının qoyulmasının 95 illiyini qeyd edir ermənilər... “Stepanakert”in salınmasının 95 illiyini...
***
Bunu 30 ilə yaxındır deyirik, yazırıq ki, 1905-1906, 1918-1920-ci illərdə başda Şaumyanlar, Andraniklər olmaqla qatı millətçi ermənilərin başımıza gətirdiyi o boyda müsibətlərdən sonra Bakının ortasında böyük bir rayonun adını, metronun adını, prosepektin adını Şaumyan qoyduq....Ona heykəl yapdıq... Bu da yetmədi... Bu qaniçənin adına kənd də saldıq, rayon da ...
***
Erməni kirvələrimizə o qədər girişdik ki, Qarabağın mərkəzində Şaumyanın adına şəhər salmağa da razılıq verdik- “Stepanakert”. Dağlıq Qarabağa ordan-burdan köçürülmüş ermənilərə muxtariyyət də verdik.... Gözümüz görə-görə özümüz içimizə bomba qoyduq... Hələ sonra da Şaumyanın 100 illiyini keçirdik...
1988-ci ildə o bomba partladı –nəticəsi göz qabağındadır...
***
Hələ şəhər, prospekt, küçə, kənd, rayon salmaqla doymadıq Şaumyanın adına... 1960-1970-ci illərədək doğulan övladlarına Şaumyan, Levon, Suren, Artur adları qoyanlar da oldu....
***
Yaxşı, sovet hökumətinin bünövrəsini qoyan inqilabçılardan olmuş Şaumyanın adına şəhər, kənd, küçə və s. salmağa, ona heykəl qoymağa rəhbərlik, partiya, mərkəzi komitə, Moskva məcbur edirdi... Bəs uşaqlarımızın adlarını Şaumyan qoymağa kim məcbur edirdi bizləri?...

“Bəs uşaqlarımıza “Şaumyan” adı qoymağa kim məcbur edirdi?”

***
Bəzən yazılarda xalqımızda min illər boyu baş vermiş işğallar, təcavüzlər, soyqırımlar nəticəsində manqurtlaşma getdiyini yazanda kiminsə xətrinə dəyir ki, xalqı təhqir edirsiz... Amma bu, olub və bu gün də var...
***
2010-cu il parlament seçkilərində məntəqələrdən birindəki siyahıda gözümə bir ad sataşdı: dəhşətə gəldim... Soyadını, atasının adını unutmuşam, amma 1921-ci il təvəllüdlü, yəni 89 yaşlı bu xanım seçicinin(!) adı dəqiq yadımdadır: “Nadan”... Görəsən, bunu da mərkəzi komitədən Lenin, Stalin məcbur edib ki, övladınızın adını belə qoyun?..
***
Doğrudan da, 1920-ci illərdən bu yana bizləri lap NADAN yerinə qoydular... Nadan yerinə qoymasaydılar, Şaumyana heykəl. uşağımızın da adını Şaumyan qoymazdıq...
***
Nadanlığa baxın ki, hansısa ailədə doğulan körpələr ardıcıl öləndə növbəti uşağın adını erməni adı qoyurmuşlar ki, salamat qalsın...
***
Yaman dərddir... Təxminən 2010-cu ildə Bakının sovet dövründə “Şaumyan” adlanmış Xətayi rayonundakı məktəblərdən birində 1990-cı illərdən bəri kitabxanada şagirdlərə verilən dərsliklərə üzərində “Şaumyan rayonu” yazılmış möhürlər vurulurmuş... Dəhşətdir: 20 il ərzində bir müəllim, bir valideyn, bir şagird bunu görüb nə olduğunu dərk etməyib?...
***
Bu günün özündə hələ 60-70 yaşlı ağsaçlı kişilər var ki, Goranboy rayonuna, Ağcakəndə “Şaumyan” deyir.... Onları da məcbir edən var?.. Deyirlər ki, məsələn, “o günləri getmişdim Şaumyana”... Qınayanda da cavab verirlər ki, əşşi, dilimiz öyrəşib də, nə edək... Diliniz öyrəşib, bəs hələ əvvəlkiləri demirik, Xocalıdan üzü bəri Şaumyanın xələflərinin törətdiyi qırğınları, faciələri gözünüz görmür, beyniniz qavramır?..

***
Ümumiyyətlə, bizdə bu xarici, yabançı sözlərə sevgi hardan gəlir? 27 ildir müstəqilik... Amma ali savadlı kişilərə, qadınlara “xaladilnik”, “marojna”, “uje” kimi sözləri tərgitdirə bilmirik... Öz doğma sözlərini dedirdə bilmirik onlara...
***
İndi də hələ ingilis, fransız sözlərindən ötrü ölürük: “oldu” əvəzinə “okey”, bağışla əvəzinə “pardon” və s...
***
Bu gün dilimizi dəyişirik, geyimimizi dəyişirik, sabah da ruhumuzu dəyişəcəyik tamam...
***
“Biz niyə beləyik?” “Mən niyə beləyəm?” Bu sualları bu gün hər kəs özünə verməli və düşünərək özünü dəyişməyə çalışmalıdır... Əks halda yadlar, düşmənlər bizi istədikləri kimi dəyişəcəklər...
***
Nə isə... Bu gün ermənilər 30 ilə yaxındır işğal etdikləri Qarabağın mərkəzində 1918-ci ildə dədə-babalarımızın qanını içmiş Şaumyanın adına şəhər salınmasının 95 illiyini qeyd edirlər...
***
Son vaxtlar bəzi taksi-naviqasiya xidmətlərində Bakıda sovet dövründə olduğu kimi, erməni dilində küçə, prospekt, məntəqə adları görünür... Yavaş-yavaş adlarımızı dəyişirlər... Biz də dinmirik, öyrəşirik...
/Moderator.az/

Karabakhmedia.az












SON XƏBƏRLƏR
Laçın rayonunun işğal edilməsinin 27-ci ildönümü ilə bağlı ümumrayon tədbiri keçirilmişdir
Dövlət Komitəsində Laçın rayonunun işğalının ildönümü münasibətilə anım tədbiri keçirilib
Xosrov bəy Sultanovun 140 illiyi keçirildi - FOTOLAR
Xosrov bəy Sultanovun 140 illiyi keçiriləcək
İran ABŞ-ı “başına zərbə endirmək”lə hədələyib
Britaniyanın Azərbaycana dair xəbərdarlığına - XİN-dən reaksiya
Mühasirəyə düşmüş 60 nəfərdən çox döyüşçünü xilas edərkən şəhidlik zirvəsinə ucalan Milli Qəhrəmanımız - VİDEO
“Keşikçidağ” Azərbaycana qarşı siyasi təzyiq vasitəsi ola bilməz
Bu gün 32 173 abituriyent qəbul imtahanı verir
“Qarabağ” çempionluğunu "Neftçi" üzərində qələbə ilə rəsmiləşdirib
Azərbaycanlı diaspora sədri karate üzrə dünya çempionu olub
Qarabağla bağlı prinsipial mövqeyimiz dəyişməyəcək
Həyat yoldaşı ilə birgə güllələnən Sovet İttifaqı qəhrəmanı, gənc general kimdi?
Tarixi qələbənin qazanılmasında Azərbaycan xalqının rolu
Həzi Aslanovun ikinci “Qızıl Ulduz”u - ARAŞDIRMA
Bu gün 9 May - Qələbə günüdür
“Həsrət Yolu” erməni girovluğundakı uşaqlarla bağlı layihəyə başladı
Dövlət Komitəsi Şuşanın işğalının 27-ci ildönümü ilə bağlı anım tədbiri keçirib - FOTOLAR
Prezident Xalq artistinə ev verdi
Qoşa Qala qapıları bərpa edilir - FOTO
100 türk hərbçisi Rusiyada təlim keçməyə başlayıb
Şuşanın işğalı Şəhidlər Xiyabanında anıldı - FOTOLAR
Şuşa tarixi haqqında Şuşasız…
"Yatmış" Keşikçidağ: Niyə "Müqəddəs Giorgi" bayramını qonşular Azərbaycanda keçirir - FOTO
Əməkdar jurnalist Elnarə Dərziyeva BDU-nun jurnalistika fakültəsinin tələbələri ilə görüşüb - FOTOLAR
Xurma satanların Ramazan sevinci
Məhəmməd İsmayıl Daniş: Cavanşir elinin nazir oğlu-ARAŞDIRMA
Şuşanın işğalından 27 il ötür
Elnur Eltürkə yeni vəzifə verildi
"Elə etməsinlər ki, biz də Gürcüstana qarşılıqlı iddialarımızı gündəmə gətirək" - POLİTOLOQ