Qarabag Media
Haqqımızda Əlaqə

TÜRK MİLLİYYƏTÇİLİYİNDƏ SİYASƏT


Tarix:18-09-2018, 12:27 Kateqoriya:Manşet / Türk dünyası

TÜRK MİLLİYYƏTÇİLİYİNDƏ SİYASƏTBəzi gənclərimiz arasında milliyyətçilikdə siyasi qayənin olmadığı və siyasi fikirlərin səslənmədiyi dilə gətirilir. Öncəliklə, gəncliyə bizlərə və milliyyətçiliyə yönəlik istək və qayğılarından dolayı təşəkkür edirik. Ölkə gəncliyinin Milliyyətçi Hərəkatdan birşeylər umması, ona ümid bəsləməsi bizləri sevindirir.

Türkçülüyün (Türk milliyyətçiliyi) mahiyətini tam anlamı ilə anladığımız zaman görürük ki, Türkçülük əsas mahiyəti ilə siyasi bir ideologiyadır. Hətta tarixi olaylardan yola çıxaraq əminliklə deyə bilərik ki, Türkçülük ən böyük siyasi ideologiyadır. Bunun ən bariz örnəklərindən biri, Panslavyanizm qarşısında duruş gətirə bilməsidir. Türkçülük onu təmsil edənlərin az olmasına, yaşadıqları bölgənin Çar Rusiyası işğalında olmasına baxmayaraq Panslavyanizmə qarşı savaşdı. Bu durum Türkçülüyün necə böyük bir siyasi ideologiya olduğunun göstəricisidir.

Türkçülük bir neçə yöndən ibarətdir ki, bu yönlərindən biri olmazsa Türkçülük də tam anlamı ilə ifadə və tətbiq edilə bilməz. Türkçülüyün üç sac ayağı vardır. 1. Siyasi Türkçülük. 2. Elmi Türkçülük. 3. Mədəniyyət yönündə Türkçülük. Bunların üçü də biri-birinə bağlıdır və biri digərini tamamlayır. Bu səbəbdən də biri olmadan digərlərini etməyə çalışsaq başarısız olarıq. Necə ki, sac ayağının ayaqlarından biri olmadıqda sac istifadəyə yararsız olur, Türkçülük də belədir, sıraladığımız üç əsasından biri olmazsa olmur... Biz bu üç sac ayağından birincisini yəni Siyasi Türkçülüyü hər zaman ön planda tutmalıyıq. Gənclər bir məsələni də diqqətdə saxlasınlar ki, Türkçülüyün vahid, dəyişməz siyasi qayəsi yoxdur. Zamana və məkana görə siyasi davranış və fikirlər dəyişə bilər. Bu Türkçülüyün daim yenilənən bir siyasi ideologiya olmasından irəli gəlir. Türkçülüyün tarixini dərindən araşdıran gənclərimiz görəcəklər ki, Türkçülük meydana çıxdığı andan etibarən istər Çar Rusiyası, istərsə də Osmanlı imperiyası içərisində dövrün ən böyük siyasi rejimlərinə qarşı olub. Biz bu siyasi mücadələnin örnəyini Azərbaycanda, Çar Rusiyası zamanında Əli bəy Hüseynzadədə, Əhməd bəy Ağaoğlunda görürük. Ən önəmli məqam isə 1918-ci ildə qurulan Azərbaycan Cümhuriyyəti H.Zərdabinin “Əkinçi”si ilə elmi Türkçülük toxumu ilə cücərən Türkçülük fikrinin siyasi bir ürünüdür. M.Ə.Rəsulzadənin, N.Yusifbəylinin, Ə.Topçubaşovun savaşdıqları bir siyasi sitem vardı və onlar bir Türk milliyyətçisi olaraq Milliyyətçiliyin o zamana görə gərəkdirdiyi siyasi fikirlərlə işğal rejiminin qarşısına çıxırdılar. Bu siyasi fikirlər ilk aşamada milli muxtariyyət, irəliləyən zamanlarda isə tam bağımsız Azərbaycan davasına çevrildi. Osmanlı imperiyasında da Türk milliyyətçiliyi II Əbdülhəmid rejiminə qarşı siyasi yönü ilə savaşırdı. Biz bunu rejim tərəfindən həbs və sürgünlərə məruz qalan Akçura örnəyində bütün Türkçülərdə görürük. Türk milliyyətçiliyinin siyasi mübarizəsinin tarixi 1870-ci ildən başlayır və hələ də davam etməkdədir. Yaxın tariximizə baxdığımızda 1944-cü ildə Türkiyədə Türkçülərin həbsə atılması və günümüz Azərbaycan Respublikasının qurulması 1980-ci illərdə başlanan milliyyətçi bir hərəkatın siyasi mübarizəsinin bir örnəyidir. Milliyyət duyğusundan yaranan milliyyətçilik hissi millətləri diri tutur və onları daima başqa millətlərlə rəqabətə sövq edərək millətin üstün olmasını təmin edir. Bu rəqabət texnologiyada, təhsildə, mədəniyyətdə özünü göstərir ki, bunu da milliyyətçiliyin daxili və xarici siyasi yönü ilə etmək mümkündür. İnanırıq ki, bu bilgiləndirici açıqlamadan sonra Milliyyətçi Hərəkata inanan ölkə gəncliyinin bu əsassız, ancaq sevgidən doğan qayğıları sona yetəcəkdir.

Yuxarıda, Türkçülüyün özündə siyasi bir ideologiya olduğunu tarixi olaylar üzərindən örnək verərək göstərdik. Belə olduğu halda heç bir kimsə milliyyətçiliyin siyasi qayəsinin olmadığını söyləyə bilməz. Türk milliyyətçiliyinin siyasi qayəsinin olmaması mümkün deyildir. Bir problem daha vardır. Belə ki, bir çox gənclərimiz də tam əksinə olaraq özünü Türkçü adlandırdığı halda siyasətə qarışmadığını, siyasətlə maraqlanmadığını söyləyirlər. Türk milliyyətçiliyi fikrində siyasətin olmadığını söyləməklə, Türk milliyyətçisi olduğu halda siyasətə qarışmıram demək biri birinə bənzər xətalardır. Hər iki tərəf də yanılqı içərisindədirlər.

Əgər, bir Türk milliyyətçisi milli hakimiyyət, fərqli iqtisadi sistem, fərqli yönətim düzəni istəyirsə və millətinin rifahının yüksək olmasını arzulayırsa bu istək və arzular siyasi dəyişikliklərə gətirib çıxardır və yalnız siyasi dəyişikliklərlə mümkün olar. Siyasi dəyişiklik dediyimizdə bu həm siyasi hakimiyyətin dəyişməsi kimi anlaşıla bilər, həm də siyasi hakimiyyətin daxili və xarici siyasətində dəyişikliklər etməsi olaraq da anlaşıla bilər. Bir ölkədə gündəlik təlabat üçün ən çox gərəkli olan çörəyin qiymətinin qalxması belə daxili və xarici siyasətin nəticəsidirsə, vətəndaşın və dolayısıyla Milliyyətçi birinin siyasətə qarışmamaq kimi bir fikir səsləndirməsi doğru deyildir. Siyasət dediyimizdə bunu geniş anlamda alqılamaq lazımdır. Bir ölkədə siyasət mədəni, ideoloji, iqtisadi və s. formalarda olur və özəllikə milliyyətçi biri bunlarla yaxından ilgilənməlidir.

Biz inanırıq ki, gənclərimiz bizləri doğru anlamışdır. Çünki, dediklərimizi şəxsi və ya qurum mənafeyindən yola çıxaraq deyil, bilgiləndirmə məqsədi ilə Türk milliyyətçiliyi adına yazdıq.

MGT İH Sədri: İskəndər Osmanlı










SON XƏBƏRLƏR
Rusiya XİN-də Dağlı Qarabağ münaqişəsinin nizamlanması ilə bağlı məsləhətləşmələr keçirilib
ABŞ 34 əsgərinin yaralandığını etiraf etdi
İstirahət günlərində gözlənilən hava proqnozu açıqlanıb
Azərbaycanda kişi özünə iynə vurarkən öldü
Vladimir Kotenev: "Avropada Azərbaycana vacib tərəfdaş kimi baxırlar"
Türkiyədə iki DƏHŞƏTLİ ZƏLZƏLƏ baş verdi – Ordu hazır vəziyyətə gətirildi – VİDEO
Deputatlığa namizəd Mehdi Mehdiyev şəhid Əliyoldaş Əmirəhmədovun və Gülverdi Hüseynovun anım mərasimində iştirak edib - FOTO
Mahir Abbaszadə Mərdəkanda laçınlı seçicilərlə görüşdü - FOTOLAR
Davos Forumunda iştirak Azərbaycana nə verir? — Elmir Muradın şərhi
Ölkəyə külli miqdarda narkotik və silah gətirən iranlılar tutuldular
ABŞ İrana qarşı sanksiyalarını genişləndirib
Seçkiləri izləyəcək yerli və xarici müşahidəçilərin SAYI
Diaqnostik qiyməntləndirmə ilə sertifikatlaşdırma arasındakı fərq nədir?
Səfir: “Britaniya hər zaman Azərbaycanın ərazi bütövlüyünü dəstəkləyib”
26 il sonra nəşi məzardan çıxarılan şəhidin xanımı: “Bir axşam evdə tək idim...”
Mahir Abbaszadə Yeni Günəşli qəsəbəsində laçınlılarla görüşdü - FOTOLAR
Prezident İlham Əliyev Vaqif Şadlinskini təltif edib
Hacı Salayev namizədliyini geri götürdü: "İki dəfə deputat olmuşam, bəsdir"
Məzahir Pənahovdan namizədlərə ÇAĞIRIŞ - “Seçki Məcəlləsinin tələblərinə əməl edin”
Həkimlərə şad xəbər: MAAŞLARI ARTIRILIR
Suriyada döyüşən azərbaycanlılarla bağlı qərar elan edilib
Naməlum şəhidin nəşi şəhidlər xiyabanında dəfn olundu - FOTOLAR
Dolmabaxça sarayında tarixi tapıntı – Osmanlının ilk təyyarələri haqda faktlar ortaya çıxdı - FOTO
Dəhşətli virusun Azərbaycana keçməsi istisna edilmir - AÇIQLAMA
Azərbaycanda qəndə ağardıcı maddə qatan şəxs həbs edildi
Yazıçı Pərvanə Bayramqızının yeni kitabı çap olundu
“Şuşa qalasının Azərbaycana məxsusluğu bütün dünyaya məlumdur” - Musa Qasımlı
İçərişəhərdə iki bina restavrasiya edilir
İki uşaq bağçasının direktoru olan qadın məhkəmə zalında həbs edildi
İmişlidə şəhidin nəşi məzardan çıxarıldı – VİDEO