Qarabag Media
Haqqımızda Əlaqə

Türkiyə: "ABŞ Türkiyə məhkəməsinin qərarına hörmət etməlidir"


Tarix:24-08-2018, 00:53 Kateqoriya:Manşet / Türk dünyası

Türkiyə: "ABŞ Türkiyə məhkəməsinin qərarına hörmət etməlidir"

Türkiyə Prezident Aparatının sözçüsü İbrahim Kalın "Türkiyə keşiş Brunsonu azad etsə, böhran dərhal bitər" deyən Amerika Birləşmiş Ştatlarının milli təhlükəsizlik məsələləri üzrə müşaviri John Boltona cavab verib. Cənab Kalın Birləşmiş Ştatların Türkiyədəki hüquqi prosedurlara etinasız yanaşmasının qəbuledilməz olduğunu deyib.

Bu barədə Reuters xəbər agentliyinə müsahibə verən cənab Kalın, Türkiyənin hüquqi dövlət olduğunu və keşiş Brunsonla bağlı hüquqi proseduru davam etdirəcəyini bildirib.

Administrasiya sözçüsü "Birləşmiş Ştatlar türk məhkəməsinin qərarına hörmət etməlidir" deyib.

"Halkbanka qarşı irəli sürülən ittihamlar qəbuledilməzdir"

İbrahim Kalın müsahibədə ABŞ-da Halkbanka qarşı irəli sürülən ittihamların əsassız olduğunu və bu ittihamların bankı zəiflətmək məqsədi daşıdığını bildirib.

"Halkbanka qarşı əssassız və yanlış ittihamların bu bankı zəiflətmək üçün irəli sürülməsi yolverilməzdir. Bütün bu addımların məqsədi bu nüfuzlu qurumları və insanları pisləmək, həqiqəti ortaya çıxarmaq əvəzinə onları haqsız olaraq cəzalandırmaq kimi görünür".

"Bu iqtisadi müharibədə hədəf alındığımızın sübutudur"

İbrahim Kalın, həmçinin, Boltonun sözlərinin Trump administrasiyasının NATO müttəfiqi olan Türkiyəni "iqtisadi müharibədə hədəfə aldığının sübutu" olduğunu bildirib.

ABŞ-ın ticarət, gömrük rüsumları və sanksiyaları dünyada iqtisadi müharibə başlamaq üçün istifadə etdiyini bildirən cənab Kalın "Türkiyə məhdudlaşdırıcı və cəzalandırıcı tədbirlərə qarşı dünyanın digər ölkələri ilə birlikdə çalışacaq" söyləyib.

Cənab Kalın ABŞ-ın həyata keçirdiyi siyasətin NATO-nun prinsip və dəyərləriylə də uzlaşmadığını vurğulayaraq "Türkiyənin iqtisadi müharibə başlamaqda maraqlı olmadığını, ancaq belə bir durumda səssiz qala bilməyəcəyini" deyib.

ABŞ-ın təhlükəsizlik məsələləri üzrə müşaviri John Bolton Reutersə verdiyi açıqlamada "Türkiyə hökuməti Brunsonu azad etməməklə böyük bir səhv etdi" demişdi.

Boltonun Qətərin Türkiyəyə 15 milyard dollar investisiya vədi və Türkiyə və Qətərin mərkəzi banklarının qarşılıqlı swap müqaviləsi (ikili valyuta mübadiləsi) imzalaması ilə bağlı şərhi "Qətərin vədi Türkiyə iqtisadiyyatına təsiri kifayət deyil. Bunun heç bir faydası olmayacaq" olub.

Bundan öncə Donald Trump amerikalı keşiş azad edilməsə "ABŞ Türkiyəyə qarşı daha çox iqtisadi sanksiyalar tətbiq edə bilər" deyə bildirmişdi.

Keşiş Andrew Brunson kimdir?

Türkiyənin İzmir şəhərində Evangelist kilsəsinin keşişi olan Andrew Brunson, "Gülen hərəkatına üzv olması" ittihamıyla həbs olunub.

Haqqında "FETÖ və PKK adından cinayət törətməsi və casusluq etməsi" iddiası ilə 35 il həbsi tələb olunub.

Cənab Brunson casusluq barədə ittihamları rədd edir. ABŞ keşişin "haqsız və ədalətsiz saxlanılma" qurbanı olduğunu bəyan edib.

Çoxsaylı xristian təşkilatları Brunson-un azadlığa buraxılmasını tələb edir.

ABŞ-dakı Qanun və Ədalət Mərkəzi adlanan təşkilat isə Brunsonu siyasi məhbus sayır.

Karabakhmedia.az










SON XƏBƏRLƏR
Dünyanın ən güclü orduları bəlli oldu - Neçənci yerdəyik?
"Rəsulzadənin tapançası məni xilas etdi..." - Türk zabitin xatirələri - FOTOLAR
Bakıda 19 yerdə məktəb yarmarkaları fəaliyyətə başlayıb - SİYAHI
Qabil Hüseynli: “Rəşadın ayağının biri axtarışların ilk günü tapılmışdı”
İrəvanda etirazlar: Parlament binası mühasirəyə alındı
Şəhid Milli Qəhrəman Fazil Mehdiyevin doğum günüdür - VİDEO
Hirkan Milli Parkının ərazisində yanğın başlayıb - YENİLƏNİB
Rəşad Atakişiyevin nəşi TAPILDI
Milli Qəhrəman İlham Əliyevin anım günüdür
“Vikipediya”da publisist və tədqiqatçı Tofiq Hüseynzadə haqqında üç dildə məqalə yaradılıb
Şoyqudan ABŞ-a “raket mesajı”
Qətərdə asfaltı mavi rəngə boyamağa başlayıblar
Xoy şəhərində “Şəms və Mövlana” Festivalı keçirilir
Məktəblilər bu il yeni forma geyinəcəklər? – AÇIQLAMA
Qaçqınların və Məcburi Köçkünlərin İşləri üzrə Dövlət Komitəsində növbəti kollegiya iclası keçirilib
Sumqayıtda 3 məktəbin bütün şagirdləri tələbə adını qazanıb
Qəzaya uğrayan təyyarəmizin “qara qutusu” tapıldı
Bu gün Bəxtiyar Vahabzadənin doğum günüdür - VİDEO
Azərbaycançılıq ideologiyası haqqında film çəkildi
Gürcüstanın Azərbaycana 7.3 milyon dollar borcu var
"Neftçi"nin baş məşqçisi məğlubiyyətdə özünü günahlandırıb
Sosial internet şəbəkələri saxta “qədim erməni dövlətçiliyi” barədə yalanlarla doludur
Vikimaniya beynəlxalq konfransında ölkəmizi üç vikipediyaçı təmsil edəcək
ABŞ Ermənistanın iki şirkətinə sanksiya tətbiq edib
“Baş nazir dəqiq deyib, nəsə əlavə etməyə ehtiyac yoxdur...” - Mnatsakanyan
Azərbaycan və İran prezidentlərinin telefon danışğındakı pərdəarxası MƏQAMLAR
Təslim olmuş erməni hərbçisi ilə bağlı danışıqlar aparılır
Tehran metrosunda hicabına riayət etməyən qadınlara qarşı təzyiqlər şiddətləndirilir
Qəzaya uğramış təyyarəmiz parça-parça olub
Aqil ABBAS: "Qurban Qurbanov, səninləyik!"